Vesturland - 29.08.2013, Blaðsíða 10

10 29. ágúst 2013
„Kornrækt er ein af þeim búgreinum sem
sparar gjaldeyri og eykur rekstrarhagkvæmnina“
- segir Haraldur Benediktsson
Haraldur Benediktsson er fæddur á Akranesi 1966, al-þingismaður fyrir Sjálfstæð-
isflokkinn í Norðvesturkjördæmi frá
kosningunum sl. vor og er bóndi á
Vestri Reyni við innanvert Akrafjall en
þar eru 38 mjólkandi kýr. Haraldur var
formaður Bændasamtaka Íslands frá
2004 allt þar til hann tók sæti á Alþingi.
Haraldur segir að nú sé meiri fjósalykt
á þingflokksfundum Sjálfstæðisflokks-
ins en mörg ár þar á undan, og allir séu
sáttir við það!
Haraldur var spurður hvort Alþingi
væri sá vinnustaður sem hann hafði
reiknað með og hann segir að hann
hafði þekkt Alþingi ágætlega áður en
hann settist þar sjálfur en hann kom
iðulega á fundi ýmissa nefnda þings-
ins, aðallega fyrir Bændasamtökin.
Því vissi ég að lang mikilvægasti hluti
starfsins færi fram í nefndum þings-
ins. Geri þurfi störf þingsins sýnilegri,
ekki síst eftir að rannsókn leiddi ljós að
lítil tiltrú og virðing almennings á Al-
þingi á fyrst og fremst rætur að rekja til
framkomu þingmanna. Haraldur á sæti
í atvinnuveganefnd og fjárlaganefnd.
- Munt þú sem bóndi beita þér sérstak-
lega á þingi í þágu bænda og lands-
byggðarinnar?
,,Það er óhjákvæmilegt enda eru
landbúnaðarmál sá málaflokkur sem ég
hef mest innsýn í auk þess að koma úr
starfi hjá hagsmunasamtökum bænda.
Ekki síður er búsetai á landbyggðinni
mér hugleikinn, það er líka mál sem
brenna a mjög mörgum í mínu kjör-
dæmi. Í þágu sveitanna eru aðkallandi
grundvallarmál eins og öruggt raf-
magn, fjarskipti og dreifing á interneti.
Þessir hlutir verða skilyðislaust að vera
í lagi ef byggja á upp lítil fyrirtæki í
dag á bújörðum. Í dag eru í landbún-
aðinum víða samsett lítil fyrirtæki og
tryggja þarf rekstur þeirra og þannig
er hægt að sækja fram á svo mörgum
fleiri sviðum,” segir Haraldur.
- Nýleg skýrsla hefur leitt í ljós að virðing
almennings fyrir Alþingi er ekki mikil og
samkvæmt henni eru það þingmennirnir
sem hafa skapað þessa óvirðingu. Áttu
von á því að nýkjörið þing muni taka
mið af þessu þannig að virðing Alþingis
aukist, en á þingi sitja margir nýir þing-
menn?
,,Það var mjög áberandi á vorþingi á
þingmenn var upptekið af því að gera
betur og skapa Alþingi aðra ásýnd. En
fljótlega féll þetta í sama farið. Það eru
auðvitað mikil átök, við höfum gengið
gegnum einhverja mestu kollsteypu
sem þjóðarbúið hefur nokkurn tíma
gengið gegnum og það eru átökin um
hugmyndafræði sem eru að kristallast
þarna. Hjá mörgum atvinnustéttum
er þetta barátta upp á líf og dauða og
ekki síður hjá mörgum fjölskyldum. Ég
vil trúa því að við munum láta okkur
þetta að kenningu verða, við eigum
að taka niðurstöður skýrslunnar mög
alvarlega, annars erum við ekki að axla
okkar ábyrgð.”
Atvinnumál verða fyrir-
ferðameiri á Alþingi
Haraldur segir að atvinnumál í víðum
skilningi muni verða fyrirferðamikil á
Alþingi á komandi vetri, og hann muni
heilshugar taka þátt í þeirri umræðu.
,,Ég er sannfærður um að það er hægt
að efla íslenskt atvinnulíf og við þurfum
að standa sameiginlega að því að koma
okkur upp úr þessum öldudal, hvort
sem við stöndum til hægri eða vinstri
í stjórnmálum. Það verður hins vegar
enginn viðsnúningur nema fjármál rík-
isins komist á réttan kjöl. Við þurfum
atvinnugreinar sem skapa verðmæti
og það í tvennum skilningi; bæði sem
spara gjaldeyri og eins afla hans, og það
sem okkur vantar á næstu árum er ð við
stöndum við okkar skuldbindingar sem
þjóð út á við. Fiskiskipaflotinn er að
verða svolítið fullorðinn og það hefur
orðið mikil þróun í smíði fiskiskipa,
það er orðinn meiri orkusparnaður við
veiðar, og ég mundi vilja efla íslenska
fiskiskipasmíði, koma henni aftur af
stað, og fjölga skipum sem beinlínis
eru smíðuð til að bæta meðferð aflans
um borð til að auka verðmæti hans.”
Kornrækt
Haraldur hefur verið að fást í auknu
mæli við kornframleiðslu á jörðinni og
hefur hann verið að selja öðrum tals-
vert af þeirri framleiðslu. Hann segir
kornið svolítið seint að þroskast vegna
þess hversu kalt sumarið hefur verið,
nú vantar helst sól til að fá meiri hraða
í þroskann á bygginu. Það er ágætlega
þétt og talsvert af því. ,,Þetta er ein af
þeim búgreinum sem sparar gjaldeyri
og eykur rekstrarhagkvæmnina. Mestu
búháttarbreytingar sem orðið hafa á
Íslandi á seinni tímum eru að verða
núna í svínaræktinni en svínabændur
eru nú margir hverjir að rækta korn í
áður óþekktu magni. Á svínabúinu á
Melum í Melasveit hafa verið brotnir
hundruðir hektar undir kornrækt og
verða bændur þar sjálfum sér nógir
með bygg. Engin búgrein er að bylta
eins mikið sínum búháttum eins og
íslensk svínarækt hefur gert á þessu
ári. Svínaræktin er að verða sjálfbærari
en nokkurn tíma áður. Þeir sem gera
þetta af mikilli fagmennsku munu ná
umtalsverðu forskoti.”
Haraldur segir að það vanti meiri
fjárfestingu í landbúnaði, t.d. í eggja-
framleiðslu og kjúklingaframleiðslu og
ekki sé í sjónmáli neitt átak í þá veru.
Íslenskur landbúnaður hafi heilmikil
tækifæri til þess að vaxa og dafna. Vil-
hjálmur Egilsson, nýr rektor á Bifröst,
hefur verið að kynna áform um að
kenna sérstaklega rekstur matvæla-
fyrirtækja.
,,Við höfum aldrei beint sjónum
okkar að því í skólakerfinu að mennta
sérstaklega sérfræðinga í því að reka
matvinnslufyrirtæki. Þótt viðskipta-
fræðingar séu margir allra góða
gjalda verðir þá hafa þeir litla sem
enga þekkingu á kælikerfum eða ör-
verufræði eða uppruna hráefnis. Anna
Elísabet Ólafsdóttir hefur verið ráðin
aðstoðarrektor á Bifröst og hún mun
sinna þessu verkefni en Anna hefur
lokið doktorsprófi í lýðheilsufræðum
og gráðu í næringarfræði.”
Sögugrúsk
- Ef þú átt einhverjar frístundir frá bú-
skap og þingmennsku, hvaða áhuga-
málum ertu þá helst að sinna?
,,Það tengist minni ættarsögu tals-
vert, ég hef verið að skoða uppruna
minn og sögu minna forfeðra og að
skoða þá arfleið sem kynslóðin á undan
mér skildi eftir. Ég hef svolítið verið að
hlúa að þessu áhugamáli mínu í sumar
og tengsl fjölskyldu minnar við fortíð-
ina. Þetta er því öðrum þræði söguá-
hugi eða sögugrúsk,” segir Haraldur
Benediktsson.
Haraldur Benediktsson bóndi og alþingismaður.
Nocria Arctic 14
Öfl ug varmadæla - japönsk gæði!
Loft í loft - Loft í vatn!
Heldur jöfnum hita við allar íslenskar aðstæður
Sjálfvirk rakavörn, endurræsing og loftsíuhreinsun
Framleiðandi: Fujitsu General Kawasaki, Japan
Fujitsu er mun ódýrari
í rekstri en flestar aðrar tegundir varmadæla

Söluaðili á Íslandi
með sjö ára reynslu:
Stekkjarlundur ehf. - Sjá heimasíðu!
S í m a r : 6 9 5 2 0 9 1 / 8 9 4 4 3 0 2
www.stekk jar lundur.com • s tekk jar lundur@stekk jar lundur.com
V a r m a d æ l u r f r á F u j i t s u , P a n a s o n i c , M i t s u b i s h i o g T o s h i b a
B j ó ð u m u p p á V I S A o g M a s t e r c a r d r a ð g r e i ð s l u r
A
u
g
l.
S
ta
p
a
p
re
n
t ✦✦
8 ára
ábyrgð!
Auglýsingasíminn er 578 1190