Vesturland - 28.11.2013, Síða 4

28. nóvember 20134
Vesturland
11. tBl. 2. ÁrGanGur 2013
Útefandi: Fótspor ehf., Suðurlandsbraut 54, 108 Reykjavík. Ábyrgðarmaður: Ámundi
Ámundason, auglýsingastjóri: Ámundi Ámundason sími 824-2466, netfang:
amundi@fotspor.is. auglýsingar: Sími: 578-1190 & netfang: auglysingar@fotspor.is.
ritstjóri: Geir A. Guðsteinsson, sími: 898-5933 & netfang: geirgudsteinsson@simnet.is.
umbrot: Prentsnið, Prentun: Ísafoldarprentsmiðja, 6.400 eintök. dreifing: Íslandspóstur.
Fríblaðinu er dreiFt í 6.400 eintökum í allar íbúðir á akranesi,
dreiFbýli á akranesi og í borgarnesi. blaðið liggur einnig Frammi
á helstu þéttbýlisstöðum á Vesturlandi
Kjarasamningar á almennum vinnumarkaði eru lausir 1. desember nk. Öll heildarsamtök samningsaðila á almennum og opinberum vinnumarkaði hafa undanfarin misseri metið ávinninginn af því
ef efnahagsleg umgjörð kjarasamninga hér á landi væri svipuð og á hinum
Norðurlöndunum, þar sem traust efnahagsstjórn tryggir stöðugt gengi og
lága verðbólgu. Þetta kom fram á formannafundi ASÍ um kjaramál. Að mati
formannafundarins er ljóst er að við þær aðstæður er vel gerlegt að auka
kaupmátt launa í öruggum skrefum án þess að raska samkeppnisstöðu eða
auka atvinnuleysis. Fundur formanna aðildarfélaga ASÍ telur að inn í slíkt
umhverfi ættum við að stefna. Mikil óvissa setur mark sitt á komandi kjara-
samninga. Ný ríkisstjórn hefur ekki boðið aðilum vinnumarkaðarins upp á
nokkuð samstarf varðandi forsendur kjarasamninga né kynnt hvernig hún
sér fyrir sér stjórn efnahagsmála á komandi misserum. Þannig er það ekki
ljóst hvernig ríkisstjórnin hyggst ná tökum á óstöðugu gengi krónunnar og
þrálátri verðbólgu, hvort og þá hvernig hún sér fyrir sér afnám gjaldeyrishafta
án þess að hagsmunir launafólks og heimila verði fyrir borð bornir né hvernig
hún ætlar að haga stjórn peningamála til framtíðar. Ekki liggur fyrir hvernig
aðgerðir í þágu skuldsettra heimila verða útfærðar og enn síður hvaða áhrif
þær aðgerðir muni hafa á þróun efnahags- og gengismála. Fundur formanna
aðildarfélaga ASÍ telur að við þessar aðstæður sé útiokað að gera samninga til
lengri tíma. Fundurinn telur skynsamlegt að samið verði til 6 til 12 mánaða
og að sá tími verði notaður til þess að gefa stjórnvöldum kost á að eyða
óvissu, skapa breiða sátt um stefnuna í helstu hagsmunamálum launafólks
og samstöðu um nauðsynlegar aðgerðir í efnahagsmálum. Þannig mætti nota
stuttan samningstíma til að leggja grunn að kjarasamningi til lengri tíma á
næsta ári. Nú er kominn nóvember og alltaf vekur það jafnmikla furðu að
það er eins og ekkert sé farið að vinna í kjaramálum fyrr en samningar eru
senn útrunnir. En kannski er unnið hörðum höndum allt árið í reykfylltum
bakherbergjum. Á sama tíma og ekkert miðar í samkomulagsátt lýsa tveir
þriðju Íslendinga yfir því að þeir vilji þjóðarsátt á vinnumarkaði, og það er
mjög eðlilegt, þetta karp í húsakynnum Ríkissáttasemjara er löngu orðið barn
síns tíma. Ný könnun Capacent Gallup fyrir Samtök atvinnulífsins leiðir í
ljós að 66,3% landsmanna, eða tveir af hverjum þremur eru hlynntir því
að gerð verði þjóðarsátt á vinnumarkaði, þar sem lögð yrði meiri áhersla á
stöðugt verðlag og stöðugt gengi krónunnar en í stað þess lögð minni áhersla
á launahækkanir.
Vilhjálmur Birgisson, formaður Verkalýðsfélags Akranes er sá verkalýðsforingi
sem talar ætíð tæpitungulaust, og mættu margir taka hann sér til fyrirmyndar.
Hann segir að í fjárlagafrumvarpinu komi skýrt fram að ríkisstjórnin hyggist
lækka miðþrepið í skattkerfinu úr 25,8% í 25% og er áætlað að kostnaður
ríkissjóðs vegna þessara tillagna sé um 5 milljarðar króna. Þessu hefur Verka-
lýðsfélag Akraness mótmælt harðlega og telur í raun og veru þessar tillögur
algjörlega galnar. Ástæðan er einföld, allir sem eru undir 250 þúsund króna
mánaðarlaunum fá alls enga skattalækkun, heldur gagnast þessi tillaga þeim
tekjuhæstu langbest, enda kemur fram að einstaklingur sem er með 800.000
krónur í mánaðarlaun mun fá í skattalækkun á ári 47.808 krónur. Á sama tíma
fær lágtekjufólkið sem er með tekjur undir 250 þúsund krónum ekki krónu í
skattalækkun. Og einstaklingur með 350 þúsund krónur í mánaðarlaun skv.
tillögum ríkisstjórnarinnar myndi einungis fá 9 þúsund krónur í skattalækkun
á ári. Þessi tillaga sé því algjörlega galin og miðast fyrst og fremst að því að
hygla þeim tekjuhæstu í íslensku samfélagi og slíkt getur Verkalýðsfélag
Akraness aldrei tekið þátt í að styðja. Afstaða Verkalýðsfélags Akraness hvað
fyrirhugaðar skattabreytingar áhrærir hefur verið hvellskýr. VLFA vill að það
5 milljarða króna svigrúm sem er til skattalækkana verði notað til hækkunar á
persónuafslætti, en samkvæmt útreikningum fjármálaráðuneytisins þá liggur
fyrir að persónuafslátturinn gæti hækkað um tvö þúsund krónur á á mánuði
sem myndi gilda fyrir alla launþega óháð tekjum. Þetta væri mikill sigur
Vilhjálm og VLFA, ekki bara verkafólk á Vesturlandi heldur á landinu öllu.
Geir A. Guðsteinsson
ritstjóri
Kjarasamningar senn
lausir en engin merki
um vilja til samninga
Leiðari Sjávarútvegsráðherra kynnti sér
öfluga fiskvinnslu á Snæfellsnesi
Fyrr í þessum mánuði heimsótti Sigurður Ingi fyrirtæki á Snæ-fellsnesi og fundaði með Snæ-
felli, félagi smábátasjómanna á svæðinu
og fulltrúum frá Útvegsmannafélagi
Snæfellsness félagi stærri útgerða. Ráð-
herra var m. a. kynnt harðfiskverkun
sem byggir á þurrkun í klefa, hvernig
unnið er úr síld veiddri af smábátum á
svæðinu auk þess að heimsækja stærri
fyrirtæki. Á ferð yfir Kolgrafafjörð var
ákveðið að stoppa við hjá ábúendum á
Eiði og voru þar góðar móttökur. Rædd
var staðan sem kom upp við síldar-
dauðann sl. vetur og þeir kostir sem
fyrir liggja með það að markmiði að
koma í veg fyrir slík endurtekin um-
hverfisslys.
Á fundum með fulltrúum minni út-
gerðanna voru ýmis mál borin upp. Má
þar fyrst nefna mál tengd grásleppu-
veiðum en Snæfellsnesið er eitt helsta
útgerðarsvæði grásleppu á landinu.
Var þar gagnrýnt hvernig staðið er að
rannsóknum og ráðgjöf á grásleppu,
með tilliti til þess að rannsóknir eru
gerðar með togveiðarfærum í stað nets
líkt og notað er við veiðarnar og gefa
því að mati grásleppuveiðimanna ekki
rétta mynd af stofninum. Var eindregin
ósk að farið verði yfir það verklag sem
er að baki ráðgjafarinnar. Ráðherra
var gerð grein fyrir ósk félagsins um
aukin kvóta til kaups fyrir síldveiðar
en undanfarin ár hefur almennt verið
aukið við hann og er nú upphafskvót-
inn allur seldur. Þá var sett fram sú ósk
að sá hluti makrílhlutar sem gengi til
smábáta yrði ekki hlutdeildasettur á
báta og komið á framfæri tillögum að
bættu strandveiðifyrirkomulagi og ósk
um yfirlýsingu þess efnis að þær yrðu
aldrei kvótasettar.
Fundurinn með stærri útgerðar-
aðilunum var ekki síður gagnlegur,
líflegar umræður um þróun regluverks
við skiptingu makrílveiða fóru fram
og ýmsum hugmyndum um hvernig
vinnu við hlutdeildasetningu yrði
best háttað kastað á milli. Ráðherra
skýrði frá gangi vinnu við innleiðingu
samningaleiðar og álagningu veiði-
gjalda og tók á móti athugasemdum
og tillögum þar að lútandi. Nokkuð
var rætt um eftirlitsmál, og þarna kom
fram í máli manna líkt og á mörgum
öðrum stöðum, að full þörf væri á
að skipuleggja og samþætta eftirlit á
milli stofnana ráðuneytis til að ná fram
bættum árangri.
Börn upplýsa foreldra
sína ekki um einelti
- nær fimmta hvert barn hefur orðið fyrir einelti í skóla
SAFT – örugg netnotkun barna og unglinga, stóð nýverið fyrir könnun á netnotkun barna og unglinga hér
á landi. Markmið könnunarinnar er að
afla upplýsinga um notkun barna og
unglinga á netinu og nýta í kjölfarið þær
upplýsingar til vitundarvakningar um
möguleika netsins og örugga netnotkun
barna og unglinga. Í könnuninni voru
þátttakendur m. a. spurðir um ýmislegt
er varðar einelti með sérstakri áherslu á
netið og farsíma. Börnin voru spurð hvort
þau hefðu orðið fyrir einelti á netinu eða
í gegnum farsíma og sömuleiðis hvort
þau hefðu sjálf einhvern tíma sett inn/
sent skilaboð, texta eða mynd á netið eða
í gegnum farsíma sem var andstyggileg í
garð annars einstaklings. Foreldrar voru
jafnframt spurðir hvort börn þeirra hefðu
orðið fyrir einelti á netinu, um viðbrögð
þeirra og líðan barnanna í kjölfarið og
hvort þeir vissu til þess að börn þeirra
hafi lagt önnur börn í einelti á netinu.
Líklegra að börn verði fyr-
ir einelti í skólanum
en á netinu
Þegar börnin voru spurð hvort þau
hefðu sjálf orðið fyrir einelti þ. e. verið
strítt, áreitt, ógnað eða skilin útundan,
ýmist í skólanum, á netinu eða gegnum
farsíma, kom í ljós að fleiri höfðu orðið
fyrir einelti í skólanum en á netinu.
Rúmlega 19% sögðust hafa orðið fyrir
einelti í skólanum eða á meðan skóla-
starf stóð yfir á sl. 12 mánuðum, þar
af 7,8% einu sinni í mánuði eða oftar.
Ekki var marktækur munur á svörum
eftir því hvort um var að ræða stelpu
eða strák eða hversu gömul börnin
voru. Þegar kom að einelti á netinu
sögðust 9% aðspurðra hafa orðið fyrir
einelti á netinu einhvern tíma á sl. 12
mánuðum. Þegar litið er til nágranna-
landa okkar kemur í ljós að við erum
á svipuðu róli og þau þegar kemur að
einelti á netinu.
Rétt rúmlega 5% íslenskra barna
og unglinga sögðust hafa orðið fyrir
einelti í gegnum farsíma, þ. e. verið
strítt, áreitt, ógnað eða þau skilin út-
undan. Þar af sagðist innan við 1%
hafa orðið fyrir því einu sinni í mánuði
eða oftar. Í öllum 25 þátttökulöndum
EU kids online könnunarinnar í heild
var hlutfall þeirra sem sögðust hafa
orðið fyrir einelti í gegnum farsíma
3%. Samskiptasíður og skyndiskilaboð
algengasti farvegurinn fyrir einelti á
netinu.
Börn upplýsa foreldra sína
ekki um einelti
Rúmlega 40% þeirra barna sem höfðu
orðið fyrir einelti á netinu sögðust hafa
sagt foreldrum sínum frá því sem gerst
hafði og tæp 54% þeirra sem höfðu
orðið fyrir einelti í gegnum farsíma.
Þegar foreldrarnir voru sjálfir spurðir
hvort barn þeirra hefði verið lagt í
einelti á netinu á síðastliðnum 12
mánuðum svöruðu rétt rúm 4% játandi
en eins og fram kom hér á undan sögð-
ust 9% barna hafa orðið fyrir einelti
á netinu á sl. 12 mánuðum. Gerð var
grein fyrir niðurstöðum á málþingi á
Degi gegn einelti 8. nóvember sl.
Sigurður Ingi Jóhannsson hlýðir á útskýringar magnúsar bæringssonar, fram-
leiðslustjóra Agustson ehf. í Stykkishólmi sem er ein öflugra fiskvinnslufyr-
irtækja á vesturlandi.
Áminning annars vegar og útskýring
sem gott er að hafa í daga alla daga.