Vesturland - 28.11.2013, Blaðsíða 10

10 28. nóvember 2013
BORGARBYGGÐ – stuttar fréttir
Málefni háskólanna
á Vesturlandi
Sveitarstjórn Borgarbyggðar boðar til
íbúafundar um málefni Háskólans á
Bifröst og Landbúnaðarháskóla Íslands
og fer fundurinn fram í mennta- og
menningarhúsinu Hjálmakletti í Borg-
arnesi í dag, fimmtudaginn 21. Nóvem-
ber, og hefst kl. 20.00. Íbúar er hvattir
til að mæta og taka þátt í umræðu um
málefni skólanna.
Ný umhverfis-,
skipulags- og land-
búnaðarnefnd
Á sveitarstjórnarfundi Borgar-
byggðar þann 14. nóvember sl. kaus
sveitarstjórn Borgarbyggðar í nýja
umhverfis-, skipulags- og landbún-
aðarnefnd en samkvæmt nýrri sam-
þykkt um stjórn Borgarbyggðar verður
breyting á nefndum. Tómstundanefnd,
umhverfis- og skipulagsnefnd, land-
búnaðarnefnd og Borgarfjarðarstofa
hætta störfum og verkefni þeirra flytj-
ast í aðrar nefndir. Formaður nýrrar
umhverfis-, skipulags- og landbúnað-
arnefndar er Ingibjörg Daníelsdóttir.
Áhyggjur af
löggæslumálum
Á fundi sveitarstjórnar 14. nóvember
sl. lagði Björn Bjarki Þorsteinsson lagði
fram svohljóðandi bókun: ,,Sveitar-
stjórn Borgarbyggðar lýsir miklum
áhyggjum varðandi stöðu löggæslu-
mála í Borgarfirði og Dölum. Lög-
regluembættið hefur búið við fjársvelti
mörg undanfarin ár og greinilegt þegar
bornar eru saman fjárveitingar til emb-
ættisins við fjárveitingar til annarra
svæða að ekki er rétt gefið. Þegar
horft er á Vesturland þá spannar um-
dæmi Lögreglunnar í Borgarfirði og
Dölum um 80% af landshlutanum.
Þegar skoðaður er málafjöldi undan-
farin ár er greinilegt að mannfæð og
samdráttur er farinn að valda því að
eftirliti og fyrirbyggjandi aðgerðum
hefur fækkað verulega. Þessi staða er
algerlega óásættanleg, bæði fyrir þau
samfélög sem um ræðir í Borgarfirði
og Dölum, sem og það góða fólk sem
við löggæslu starfar á svæðinu. Sveit-
arstjórn Borgarbyggðar skorar á fjár-
veitingarvaldið að bæta úr þannig að
þessi staða valdi ekki frekari skaða.“
Lántaka hjá Lána-
sjóði sveitarfélaga
Sveitarstjórn Borgarbyggðar hefur
samþykkt að taka lán hjá Lána-
sjóði sveitarfélaga ohf. að fjárhæð
80.000.000 króna., í samræmi við sam-
þykkta skilmála lánveitingarinnar sem
liggja fyrir fundinum. Til tryggingar
láninu standa tekjur sveitarfélagsins,
sbr. heimild í 2. mgr. 68. gr. sveitar-
stjórnarlaga nr. 138/2011. Er lánið
tekið til að endurfjármagna önnur
óhagstæðari lán hjá öðrum lánastofn-
unum sem tekin voru vegna lánshæfra
verkefni, sbr. 3. gr. laga um stofnun
opinbers hlutafélags um Lánasjóð
sveitarfélaga nr. 150/2006. Jafnframt
er Páli S. Brynjarssyni sveitarstjóra
veitt fullt og ótakmarkað umboð til
þess f.h. Borgarbyggðar að undirrita
lánssamning við Lánasjóð sveitarfé-
laga ohf. sbr. framangreint, sem og til
þess að móttaka, undirrita og gefa út,
og afhenda hvers kyns skjöl, fyrirmæli
og tilkynningar, sem tengjast lántöku
þessari.
Fjárhagsáætlun
Borgarbyggðar
Fyrri umræða um fjárhagsáætlun
Borgarbyggðar og undirfyrirtækja
2014 fór fram fyrir skömmu sem og
tillaga að fjárhagsáætlun 2015 - 2017.
Sveitarstjóri, Páll Brynjarsson, kynnti
tillögurnar. Samþykkt var samhljóða
að að álagningarprósenta útsvars verði
14,48% á árinu 2014. Samþykkt var
að vísa tillögu að fjárhagsáætlun til
síðari umræðu.
Viðbygging við
grunnskólann
Sveitarstjórn hefur samþykkt að
vísa til byggðaráðs tillögu um að
hefja undirbúning að viðbyggingu
við grunnskólann í Borgarnesi sem
myndi innihalda fjölnota sal, vinnu-
rými kennara, tómstundaskóla og
endurbætta verkgreinaaðstöðu. Nú-
verandi skólahúsnæði inniheldur
hvorki matsal né fjölnotasal og hefur
því þurft að leita út fyrir skólann með
skólamötuneyti og til að halda ýmsa
viðburði eins og skólasetningu, skóla-
slit, árshátíð skólans o. fl. Með fjöl-
nota sal mætti fjölga þeim stundum
þar sem nemendur skólans koma
saman og tryggja viðunandi aðstöðu
fyrir nemendur til að matast í hádeg-
inu. Vinnuaðstöðu kennara þarf að
bæta til muna og sama á við um verk-
greinaaðstöðu. Húsnæði tómstunda-
skólans er orðið of lítið til að sinna
öllum þeim fjölda nemenda sem nýta
sér þá þjónustu sem þar er í boði og
er nauðsynlegt að bregðast við þeirri
stöðu sem allra fyrst. Björn Bragi lét
bóka af þessu tilefni að tillagan væri
í þeim anda sem hann viðraði í um-
ræðum fyrr á fundinum varðandi
húsnæðismál Grunnskólans í Borg-
arnesi, því styður hann að tillögunni
sé vísað til byggðarráðs til skoðunar
og úrvinnslu á milli fyrri og seinni
umræðu fjárhagsáætlunar sveitarfé-
lagsins. Skoða þurfi útfærslur vel sem
og hvaða áhrif slík framkvæmd hefur
á rekstur Borgarbyggðar.ða að vísa
tillögu að fjárhagsáætlun til síðari
umræðu.
Skrifa á sögu
Borgarness
Sveitarstjóri, Páll Brynjarsson, greindi
frá því á fundi byggðaráðs fyrir
skemmstu að hver staðan væri um ritun
Sögu Borgarness. Rætt hefur verið við
Egil Ólafsson um að taka að sér verkið.
Samþykkt var að fela sveitarstjóra að
gera drög að samningi við Egil um að
hann skrifi Sögu Borgarness. Líklega
er löngu tímabært að rita sögu Borg-
arness, bærinn hefur að geyma afar
merka sögu í menningarlegu, sögulegu
og atvinnulegu tilliti.
málefni Landbúnaðarháskólans á
Hvanneyri verða til umræðu í kvöld
í Hjálmkletti í borgarnesi. Kirkjan á
Hvanneyri er mikið staðarprýði.
STYKKISHÓLMUR
– stuttar fréttir
Aðventuopnun
Norska hússins
Stjórn Byggðasafns Snæfellinga hefur
óskað eftir styrk vegna vegna aðventu-
opnunar Norska hússins 2013. Bæjar-
stjórn Stykkishólmsbæjar samþykkti að
styrkja Byggðasafn Snæfellinga vegna
aðventuopnunar að upphæð 130.000
krónur.
Áskorun vegna
síldveiða
Bæjarstjórn hefur staðfest áskorun
bæjarráðs frá 8. Nóvember sl. Á fisk-
veiðiárinu 2011/2012 var 350 tonna
síldarkvóta úthlutað til smábáta á
Breiðafirði. Bæjarráð Stykkishólms-
bæjar fagnar því að úthlutað hafi verið
900 tonna kvóta til smábáta fiskveiði-
árið 2012/2013. Kvóti fiskveiðiársins
2013/2014 er einungis 500 tonn sem
þegar hefur verið úthlutað, en það
magn er einungis einn hundrað-
asti af því sem talið er að hafi drep-
ist í Kolgrafarfirði á síðustu vertíð.
Einnig má vísa til 30% aukningar á
heildarkvóta til síldveiða á milli fisk-
veiðiáranna 2012/2013 og 2013/2014.
Bæjarráð telur sem fyrr að öll rök séu
fyrir að hagkvæmt og rétt sé að heimila
síldveiðar smábáta í net í mun meira
magni en gert er. Netaveiðarnar eru
umhverfisvænar og koma sjómenn
með gæða hráefni til vinnslu. Aflinn
er unninn mjög ferskur og útgerða-
menn borga 13 krónur í veiðigjald til
ríkisins af hverju kílói. Reynslan sýnir
að þegar fyrirkomulag veiða og vinnslu
er með þessum hætti er verðmæta og
atvinnusköpunin eins og best verður
á kosið. Bæjarráð Stykkishólmsbæjar
skorar á Sigurð Inga Jóhannsson, sjáv-
arútvegs- og landbúnaðarráðherra að
auka verulega við síldarkvóta til neta-
veiða á Breiðafirði.
Dýpkun
Landeyjasunds
Stykkishólmsbær hefur óskað eftir
framkvæmdaleyfi til að dýpka Land-
eyjarsundið vegna síldveiða til að
auka hagsmuna- og öryggismál fyrir
smábátasjómenn til að geta valið sigl-
ingarleið í gegnum Landeyjarsundið.
Óskað er eftir að fara í þessar fram-
kvæmdir sem fyrst. Skipulags- og
byggingarnefnd Stykkishólmsbæjar
hefur samþykkt erindið og óskar eftir
að skipulags- og byggingarfulltrúi gefi
út framkvæmdaleyfi.
Framkvæmdaleyfi
fyrir göngustíga í
Stykkishólmi
Á Fundi bæjarstjórnar Stykkishólms-
bæjar var flutt tillaga um að fyrsti
áfangi vegna göngustíga verði frá enda
gangstéttar til móts við Búðanesveg
og upp að Hamraendum suðvestan
þjóðvegar. Einnig er óskað eftir fram-
kvæmdaleyfi fyrir áfanga 4 samkvæmt
uppdrætti.
norska húsið í Stykkishólmi. margir
heimsækja það á sumrin, en þar er
einnig jólalegt á aðventunni.
Auglýsingasíminn er 578 1190
Netfang: auglysingar@fotspor.is