Vesturland - 19.12.2013, Blaðsíða 2
19. desember 20132
Nemendur á Bifröst
stofna Femínistafélag
Nemendur við Háskólann á Bifröst stofnuðu á dögunum femínistafélag sem ætlað er
að stuðla að auknu jafnrétti innan
skólans og samfélagins. Félagið heitir
„Femínistafélag Bifrastar“ og er stjórn
félagsins skipuð eftirfarandi einstak-
lingum: Gauti Skúlason formaður,
Stella Sif Jónsdóttir varaformaður,
Ása María Guðmundsdóttir gjald-
keri, Jón Steinar Guðmundsson og
Þórdís Halla Guðmundsdóttir með-
stjórnendur. Aðspurður um mark-
mið félagsins sagði Gauta Skúlason
formaður félagsins þetta:“Markmið
félagsins er að auka jafnrétti og bæta
þekkingu Bifrestinga á feminisma
með því að halda málfundi og pall-
borðsumræður um hin ýmsu mál er
fjalla um jafnrétti kynjanna“. Félagið
hefur stofnað hóp á Facebook undir
heitinu Femínistafélag Bifrastar og
býður félagið alla velkomna að gerast
aðilar í hópnum og fylgjast þannig
með starfi þess og einnig til þess að
hafa áhrif innan þess. En fram kemur
að félagið er almennt og óháð félag
sem starfar á lýðræðislegum grunni
með það að leiðarljósi að allir félagar
hafi jafnan rétt til áhrifa.
Að lifa sönn jól
- hugvekja sr. Eðvarðs Ingólfssonar sóknarprests á Akranesi
Ekki hefur farið á milli mála að mikils hefur verið vænst undanfarnar vikur. Bær-
inn okkar hefur verið fagurlega
skreyttur og ljósum prýddur. Margar
samkomur, tengdar aðventu og jólum,
hafa verið haldnar, sálmar og jólalög
sungin. Kveikt hefur verið á aðventu-
kransi á flestum heimilum og eftir-
vænting jólanna hefur speglast í öllu
skólastarfi. Auglýsendur eru yfirleitt
á undan okkur prestunum að muna
eftir jólum og minna á þau. Þeir eru
fljótari að taka við sér. Við fáum alls
konar gylliboð. Í einu auglýsingablaði
mátti lesa þessa fyrirsögn fyrir stuttu:
Nú verða snjallsímajól! Okkur er talin
trú um að jólin verði betri og við ham-
ingjusamari ef við eignumst snjall-
síma! Er það tilfellið? Fyrir nokkrum
árum voru hlaupahjóla-jól! Allir áttu
að eignast hlaupahjól. Ég sá nú samt
ekki gamla fólkið fyrir mér á hlaupa-
hjóli! Í enn einum jólabæklingnum
mátti á sínum tíma lesa eftirfarandi
stríðsfyrirsögn: Nú verða kalkúnajól!
– og í þeirri auglýsingu birtist mynd af
risastórum kalkúni, líkum þeim sem
Mr. Bean, sá frægi hrakfallabálkur,
festi á hausnum á sér í einni mynda
sinna. Allar þessar auglýsingar vekja
mann til umhugsunar um tilgang og
gildi jóla. Um hvað snýst hátíðin? Um
það að eiga sem mest af veraldlegum
tólum og tækjum, að geta kýlt út
vömbina af gómsætum mat og öðru
góðgæti frá morgni til kvölds. Um
kyrrð og frið?
Hverju er annars verið að fagna? Það
er góð spurning! Ef jólin eru haldin
hátíðleg jólanna vegna, þá hljóta þau
að verða ansi merkingarsnauð og skilja
lítið eftir sig nema þá kannski helst
minningu um kærkomna frídaga. Þá
er þetta að mestu leyti dans í kringum
gullkálfinn og skammdegismyrkrið og
tómarúmið hvolfist yfir aftur að hátíð-
inni lokinni með jafnmiklum þunga
og áður. Gott er að gera sér dagamun
á jólum, hvíla sig frá erilssömu starfi
eða námi – og flestum þykir gaman að
taka upp jólaböggla og láta koma sér á
óvart. Ekkert okkar slær hendi á móti
góðum mat og jólaboðum, þar sem
fjölskylda og vinir hittast í hátíðar-
skapi. Þá er hversdagslegu amstri og
áhyggjum ýtt til hliðar. En auðvitað
ætti friður, vinsemd og kærleikur ekki
aðeins að ríkja á jólum heldur alla
daga ársins og móta samskipti fólks.
Þá væri bjartara í veröld okkar en nú
er, minna um árekstra og vandræði.
Við mættum líka muna að á jólum
sitja ekki allir við allnægtarborð, t. d.
þeir sem eru fátækir en þeir skipta
hundruðum milljóna um heim allan.
Í Afríku einni deyja þúsundir manna
úr hungri á jólum. Á þeim heimilum
verða hvorki snjallsímajól, hlaupa-
hjóla-jól né kalkúnajól! Og það
njóta ekki allir jóla þótt þeir sitji við
allsnægtarborð, t. a. m. þeir sem eiga
við veikindi og erfiðleika ýmiskonar
að etja eða hafa misst ástvini sem þeir
sakna sárt á jólum og skilja eftir sig
mikið tómarúm. Það er svo margt sem
nærir þá útbreiddu skoðun að flest
megi ávinna sér eða fá keypt, einnig
jólafögnuð og frið, sannan frið í sál.
En jól, sönn, glöð og helg jól – og sá
friður sem þau færa fæst ekki gegn
neinu gjaldi, þau verða aðeins þegin.
Og að þiggja jólin er að þiggja barnið
sem þau boða og vegsama.
Þeir sem reynt hafa þrengingar,
sársauka og myrkur þessa heims, vita
betur en aðrir að hvorki farsímar né
kalkúnar koma í staðinn fyrir sanna
vináttu, ást og kærleika, þá þætti
mannlegs lífs sem vega þyngst þegar
á móti blæs og allt fólk þráir að finna í
viðmóti og samskiptum við aðra. Það
sem skiptir mestu máli í lífinu verður
ekki keypt, aðeins þegið.
Guð gefi þér að þiggja þá gjöf, les-
andi góður, að finna jólin við jötu Jesú,
sem er Kristur Drottinn, og þakka þá
gjöf og hljóta fögnuð gleðilegra jóla.
Megi þessi ljóssins hátíð færa þér og
þínum birtu, gleði og sannan frið!
sr. eðvarð Ingólfsson við glerlistaverk í safnaðarheimili Akraneskirkju eftir
listamanninn Leif breiðfjörð.
stjórn Femínistafélags bifrastar.
Tónlistarskóli Grundarfjarðar
gefur út geisladisk
Tónlistarskóli Grundarfjarðar hefur nýlega gefið út geisladisk.
Um er að ræða lifandi upptökur með
skólahljómsveit, söngnemendum
og kirkjukór Setbergsprestakalls frá
jólatónleikum skólans frá desember
2012 ásamt upptökum söngnemenda
í desember 2013 í Stúdíó Stórakrók.
Geisladiskurinn fæst í Samkaup
Grundarfirði.
Ungir tónlistarmenn í Grundarfirði.
Hljómur með jólatónleika í Akraneskirkju
Sunnudaginn 15. desember sl. , þriðja sunnudag í aðventu, voru sungnir jólasöngvar í
Akraneskirkju af Hljómi, kór (h)
eldri biorgara á Akranesi. Stjórn-
andi kórsins er Katrín Valdís Hjart-
ardóttir og tendrað var á engla-
kertinu og sr. Úrsúla Árnadóttir
messaði.
Í gær, miðvikudag, voru jólatón-
leikar Grundartangakórsins og Odd-
fellowkórsins í safnaðarheimilinu
Vinaminni. Stjórnandi Grundar-
tangakórsins er Atli Guðlaugsson,
og píanóleikari Flosi Einarsson en
einsöngvarar eru Bjarni og Guð-
laugur Atlasynir og Smári Vífilsson.
Stjórnandi Oddfellowkórsins er Jón
Karl Einarsson. Hljómur, kór (h)eldri borgara á söngloftinu.
Það líður nær jólum.
Eftirvæntingin er
að ná hámarki.
Innrihólmskirkja.