Reykjanes - 21.02.2013, Blaðsíða 2

2 21. febrúar 2013
hvalreki af gjaldeyri
Fólkið í landinu fagnar niður-stöðu Icesave-dómsins og mis-vitrir sjórnmálamenn reyna að
nudda sér upp við sigurvegarana til
að komast í kastljós þessarar frábæru
niðurstöðu. Það var ömurlegt að sjá
svipinn á sumum þegar niðurstað-
an lá fyrir og fékk maður á tilfinn-
inguna að þessir sömu hefðu vonað
að niðurstaðan væri öðruvísi og beint
lýðræði ætti ekki upp á pallborðið
hjá Íslendingum þegar sérfræðingar
stjórnvalda væru tilstaðar. Viðbrögð
stjórnvalda og annarra flokka sem
studdu síðasta Icesave-samninginn
voru : „Það hefði getað farið verr,
hvað ef við hefðum tapað!“ Já, hvað
ef við hefðum tapað? Lítið hefði gerst,
Íslendingar hefðu allavega ekki verið
dæmdir í fjársektir, en eitt er víst að
stjórnmálamenn, nú á útleið, hefðu
áminnt þjóðina og þ. a. l. alla þá
sem tóku þátt í að kveða þennann
draug niður um langa tíð um van-
hæfni almennings im að taka „réttar“
ákvarðanir.
Gríðarleg tækifæri
Gríðarleg tækifæri liggja í niður-
stöðu Icesave-dómsins, en hún gerir
m. a. Íslendingum kleyft að gera upp
þrotabú Landsbankans í íslenskum
krónum og þvinga alla aðra erlenda
kröfuhafa til að taka við krónum
sem er okkar lögeyrir. Bretar og
Hollendingar sem aðrir, verða að
sætta sig við að fá restina af kröf-
um sínum vegna Icesave greiddar í
krónum vegna gjaldeyrishaftanna.
Þeir eru í kjölfar niðurstöðu EFTA-
dómstólsins í sömu stöðu og aðrir
kröfuhafar bankanna. Þetta leiðir
allt til þess að hér verður hvalreki af
erlendum gjaldeyri sem við þurfum
ekki að greiða strax úr landi.
Gjaldeyrishöftin
Gjaldeyrishöftin valda því meðal
annars að aflandskrónur og innistæð-
ur erlendra aðila eru og verða fastar í
krónum sem vaxa dag frá degi á fullum
vöxtum í bankakerfinu og köllum við
þetta allt saman snjóhengju. Vextir á
þessar innistæður eru að lágmarki um
60 milljarðar á ári og fer hækkandi.
Við þetta bætist svo innheimtur þrota-
búa föllnu bankanna og uppsöfnun á
reiðufé sem þarf að borga vexti af. Snjó-
hengjan er í dag talin vera um 1.200
milljarðar, en með tíð og tíma verður
hún að lágmarki 2.500 milljarðar. Það
þarf nú vart að taka það fram að kostn-
aðinn af þessu þurfa íslensk heimili og
fyrirtæki að bera.
Ríkisdalur er lausnin
Ef landsmenn vilja koma á efnahags-
legum stöðugleika og losna við gjald-
eyrishöftin og snjóhengjuna, er ein að-
ferðin, að gera nýjan ríkisdal að lögeyri
og festa gengi hans við bandaríkjadal.
Bandaríkjadalur er aðalviðskiptamynt
Íslands og mest notaði gjaldmiðill
veraldar. Öllum íslenskum krónum
landsmanna, launum, lausu fé, inni-
stæðum, skuldum, verðbréfum, o. s.
frv. yrði skipt út fyrir ríkisdal. Gengi
ríkisdalsins myndi sveiflast eins og
gengi bandaríkjadals gagnvart öðrum
gjaldmiðlum. Gamla krónan yrði áfram
í gildi, en eignir þrotabúanna og allar
aflandskrónur þ. e. snjóhengjan sætu
eftir í gömlu krónunni og gætum við þá
samið sérstaklega við hrægammasjóð-
ina, þrotabúin og aðra eigendur gömlu
krónunnar um að losna úr prísundinni.
Innlánsvextir á gömlu aflandskrónun-
um yrðu keyrðir niður í 0,0% og hag-
kerfið leyst úr gíslingu.
Lausnargjaldið
Þrotabúum föllnu bankanna, eigendum
aflandskrónanna, erlendu hrægamma-
sjóðunum yrðu boðnar tvær leiðir til að
losna úr viðjum gjaldeyrishaftanna: a)
að skipta yfir í ríkisdal með 95% afföll-
um, eða b) skipta á aflandskrónugengi
í 30 ára skuldabréf, útgefnu í banda-
ríkjadölum á mjög lágum vöxtum.
Ef erlendu hrægammasjóðirnir vilja
ekki þiggja þetta boð, þá verða þeir
rukkaðir um vexti á innistæðum sínum
eftir fyrsta árið fyrir allt umstangið,
en við þetta má bæta að bankar í Sviss
rukka geymslugjald fyrir fé sem þeir
varðveita. Þetta sparar tugi milljarða
kr. á ári í vaxtakostnað. Peningarnir
sem koma í ríkissjóð með útgáfu nýja
skuldabréfsins má nota til þess að borga
upp það sem hægt er og skuldbreyta
erlendum skuldum ríkissjóðs og fara í
nauðsynlegar fjárfestingar hér á landi.
Líta verður á aflandskrónurnar og
niðurstöðu Icesave dómsins sem sér-
stakt tækifæri, snúa verður taflinu við
og veita erlendum hrægammasjóðum
makleg málagjöld. Þessi leið tæki 6 til
9 mánuði að koma í verk.
Guðmundur Franklín Jónsson
Formaður XG-Hægri grænna,
flokks fólksins
Sandgerði:
gönguStígur
og bætt aðgengi
Bæjarstjórn Sandgerðis fagnar því að Framkvæmdasjóður ferðamanna-
staða hefur veitt styrki til tveggja verk-
efna: Göngustígur við Sandgerðistjörn
og Bætt aðgengi að Stafnesvita.
Bæjarstjórn telur að hér sé á ferðinni
merkur áfangi í að byggja upp aðstæð-
ur sem auka þjónustu við ferðamenn
sem vilja heimsækja náttúruperlur og
sögustaði í sveitarfélaginu.
Hér er um að ræða verkefni sem falla
inn í uppbyggingu Ferðamannavegar
sem er samstarfsverkefni Sandgerðis-
bæjar, Sveitarfélagsins Garðs, VSÓ og
Vegagerðarinnar".
Bæjarstjórn leggur áherslu á að haft
verði samráð við Náttúrustofu Suðvest-
urlands og viðkomandi landeigendur
um framkvæmdir.
viltu taka þátt í nýSköpun
og þróun í grindavík?
Ýmis uppbygging í hafsæk-inni starfsemi á sér nú stað í Grindavík eins og fullvinnsla
sjávarafurða, líftækni, haftengd ferða-
þjónusta, framleiðsla á snyrtivörum
og margt fleira. Grindavíkurbær hef-
ur ákveðið að bjóða fyrirtækjum að
sækja um styrk til þess að ráða til
sín nemendur til að sinna verkefn-
um sem lúta að nýsköpun og þróun
í starfseminni.
Um er að ræða tvo styrki að upphæð
allt að 500 þúsund hver. Styrkir geta
verið allt að 50% af styrkhæfum kostn-
aði gegn mótframlagi umsækjanda.
Umsóknum, með nafni verkefnis
og umsækjanda, skal skilað til skrif-
stofu Grindavíkurbæjar, Víkurbraut
62,240 Grindavík, fyrir 15. mars,
merkt „Nýsköpun og þróun í Grinda-
vík".
Í umsókninni skal koma fram
hvaða verkefni um er að ræða, hvert
sé markmið verkefnisins og fjár-
hagsáætlun. Verkefnin skulu unnin í
Grindavík og hafa tengingu við starf-
semi í bænum. Fylgt verður viðmið-
um Vaxtarsamnings Suðurnesja við
mat á styrkhæfum kostnaði.
(Heimasíða Grindavíkur)
Framsóknarmenn hafa á kjörtímabilinu haldið uppi mjög harðri gagn-rýni á hina tæru Vinstri stjór Jóhönnu og Steingríms J. Það hlýtur að hafa valdið Framsóknarmönnum miklum vonbrigðum eftir að hafa
komið Samfylkingunni og Vinstri grænum til valda á sínum tíma að ekkert
var hlustað á þau.
Einörð afstaða Framsóknarflokksins gegn Icesave samningum er nú að skila
flokknum verulega auknu fylgi. Það er einnig athyglisvert að forystu Fram-
sóknarflokksins hefur tekist að setja fram mjög trúverðuga stefnu um lausn á
skuldavanda heimilanna og verðtrygginguna. Framsóknarmenn tala einnig
mjög skýrt í andstöðu sinni gegn ESB aðild. Sama má segja um atvinnumálin.
Forysta Framsóknarflokksins hglaut rússneska kosningu. Sigmundur Davíð,
Sigurður Ingi og Eygló Harðardóttir fengu öll yfir 90% stuðning á flokksþinginu.
Það er gífurlega gott vegarnesti í kosningabaráttuna. Framsóknarflokkurinn
er á fullri ferð.
Tækifæri Sjálfstæðisflokksins
Það líður að Alþingiskosningum. Landsmenn hafa nú fengið í fjögur ár að
kynnast stjórnarháttum hinnar tæru Vinstri stjórnar. Ríkisstjórn Jóhönnu og
Steingríms J. er sú allra óvinsælasta sem nokkurn tímann hefur setið á Íslandi. Í
könnun sem nýlega var gerð um það hvernig menn vildu hafa næstu ríkisstjórn
voru það eingöngu 8% sem vildu áfram tæra Vinstri stjórn.
Miðað við þessar kringumstæður ætti Sjálfstæðisflokkurinn að blómstra.
Raunhæft væri að gera ráð fyrir að flokkurinn myndi nú mælast með allt að
45% fylgi. Það er samt ekki að gerast. Sjálfstæðisflokkurinn er með á bilinu
32-36% fylgi. Það getur ekki talist ásættanlegt eftir fjögurra ára óstjórn Sam-
fylkingar og VG.
Landsfundur Sjálfstæðisflokksins hefst í dag. Sjálfstæðisflokkurinn fær nú
tækifæri til að rétta sinn hlut. Sjálfstæðisflokkurinn verður að leggja fram
skýra og trúverðuga stefnu hvernig leysa eigi skuldavanda heimilanna, hvernig
byggja eigi upp atvinnulífið. Kjósendur verða að gerta treyst því að ekki verði
gefið eftir í andstöðunni við ESB aðild. Sjálfstæðisflokkurinn verður að geta
sýnt fram á að hægt sé að lækka skatta og tryggja aukinn kaupmátt.
Ný forysta Sjálfstæðisflokksins verður að tala þannig að hún nái eyrum kjós-
enda. Ísland má ekki við því að fá Vinstri stjórn aftur næstu fjögur árin. Sjálf-
stæðisflokkurinn fær nú gullið tækifæri til að koma í veg fyrir það.
leiðari
Framsókn
á fullri ferð
Frí blað ið Reykja nes vill gjarn an kom ast í sam band við íbúa Suð ur nesja.
Seg ið ykk ar skoð un með því að senda inn pist il. Send ið inn fyr ir spurn.
Vin sam leg ast send ið okk ur tölvu póst á net fangið asta. ar@sim net.is eða
hring ið í síma 847 2779.

Reykjanes 4. Tbl.3. áRganguR 2013
Útgefandi: Fótspor ehf. Ábyrgðarmaður: Ámundi Ámundason, sími: 824 2466, netfang: amundi@fotspor.is.
framkvæmdastjóri: Ámundi Steinar Ámundason, netfang: as@fotspor.is.
auglýsingastjóri: Ámundi Ámundason, Suðurlandsbraut 54,  108 Reykja vík. Auglýsingasími: 578 1190, netfang: auglysingar@fotspor.is.
Ritstjóri: Sigurður Jónsson, netfang: asta. ar@simnet.is, sími: 847 2779. Myndir: Ýmsir. Umbrot: Prentsnið
Prentun: Ísafoldarprentsmiðja. Upplag: 8.000 eintök. dreifing: Íslandspóstur. Vefútgáfa Pdf: www. reykjanesblad.is
reykjanes er dreift í 8.000 eintökum ókeypis í allar íbúðir á reykjanesi.
Viltu segja skoðun þína?
Auglýsingasíminn er 578 1190
Netfang: auglysingar@fotspor.is.