Reykjanes - 11.04.2013, Qupperneq 2

2 11. apríl 2013
Forvarnir skipta máli
Fréttir herma frá embætti lög-reglunnar á suðurnesjum eftir hverja helgi að einhver hafi verið
tekinn af lögreglunni fyrir að vera und-
ir áhrifum vímuefna. Af orðrómi hefur
Reykjanesbær oft haft það orð á sér
að vera vandræðabær. En samkvæmt
könnunum kemur Reykjanesbær ekk-
ert verr út með vímuefnaneyslu ung-
linga innan grunnskóla sveitarfélags-
ins og Fjölbrautarskóla Suðurnesja en
önnur bæjarfélög á landinu. En hvað
með þá unglinga sem eru ekki í skóla ?
Kannanir sýna að fjöldi ungmenna
sem hafa notað kannabis og eru á skrá
hjá vinnumálastofnun sé um 51% yngri
en 18 ára og 66% 18 ára og eldri.
Þetta eru sláandi tölur en bláköld
staðreynd. En ekki eru allir atvinnu-
lausir á þessum aldri því samkvæmt
Hagstofu Íslands eru 1257 skráðir í
Fjölbrautarskóla Suðurnesja af 2029
Suðurnesja ungmennum.
Einhverjir hafa farið annað í skóla
og margir eru í vinnu. Forvarnir eru
alltaf mikilvægar en þegar það er kom-
ið þannig fyrir unga fólkinu að það er
farið að nota vímuefni þá þarf íhlutun.
Forvarnir þurfa helst að hafa byrjað
snemma og því fyrr því betra.
Forvarnir hafa skilað miklum ár-
angri á áfengis- og vímuefnaneyslu
meðal nemenda í efstu bekkjum
grunnskólanna. Átak var gert í
forvarnarmálum hér á Íslandi fyrir um
15 árum og er árangurinn sá að vímu-
efnaneyslan er meðal þeirra lægstu í
Evrópu. Forvarnarstefna Reykjanes-
bæjar miðlar af því sem áratugalangar
rannsóknir íslenskra fræðimanna við
Háskóla Íslands og Háskólann í Reykja-
vík hafa sýnt að skili mestum árangri í
forvörnum gegn fíkniefnum:
1. Að foreldrar og ungmenni verji sem
mestum tíma saman.
2. Að börn og unglingar taki þátt í
skipulögðu íþrótta- og æskulýðs-
starfi.
3. Að ungmenni fresti því sem lengst
að hefja neyslu áfengis.
Að auki er forvarnarverkefni Lundar
í Reykjanesbæ sem hefur farið með
erindi í suma grunnskóla á svæðinu og
fjölbrautarskóla Suðurnesja. Einnig er
hjá Lundi ráðgjafi frá SÁÁ einu sinni
í viku með stuðningshóp fyrir þá sem
eru hættir að nota vímugjafa einnig er
fræðsla og stuðningshópur fyrir for-
eldra og aðra aðstandendur. Fræðsla
eykur þekkingu okkar og minnkar for-
dóma okkar í garð annarra. Fræðsla um
það hvernig er að vera aðstandandi og
hvað sé hægt að gera í málefnum þeirra
sem nota vímugjafa getur oft bjargað
heimili frá sundrungu og óviðráðan-
legum félagslegum vandamálum.
Neysla unglinga á löglegum og
ólöglegum vímugjöfum er alvarlegt
og viðvarandi vandamál sem þarfnast
stöðugrar athygli almennings. Af neysl-
unni vaxa oft óviðráðanleg persónuleg
og félagsleg vandamál sem skaða heilsu
þeirra sem neyta vímuefna og heilsu
allra aðstandenda.
Forvarnir eru eins og fram hefur
komið mikilvægur hlekkur í samfé-
laginu.
Allar rannsóknir íslenskra fræði-
manna sýna að mikilvægt sé að börn og
unglingar taki þátt í skipulögðu
íþrótta- og tómstundastarfi. Eftir að
hafa skoðað ýmis tómstundafélög í
Reykjanesbæ, félagsmiðstöðina Fjör-
heima og 88 húsið er sorglegt hve fáir
stunda það sem boðið er upp á. For-
eldrar þurfa að hvetja börn og unglinga
til að taka þátt og skoða hvað er í boði,
því mjög margt er í boði. Eins þarf
Reykjanesbær að hvetja börn og ung-
menni til að taka þátt til dæmis með því
að taka upp svokallaðar Hvatagreiðslur
aftur. Ungmenni framtíðarinnar skipta
máli, forvarnir skipta máli og samfé-
lagið skiptir máli. Forvarnir eru miklu
ódýrari kostur en að missa ungmenni í
neyslu vímugjafa. Við gætum bjargað
lífi.
Hrafnhildur Gunnarsdóttir
Nemi í tómstunda- og félags-
málafræði í Háskóla Íslands.
Korteri fyrir þinglok spilaði Steingrímur J. Sigfússon allsherjarráðherra út flottum spilum til Norðlendinga. Alls konar fyrirgreiðsla á kostnað ríkissjóðs varð staðreynd til að liðka fyrir framkvæmdum á Bakka
við Húsavík. Þar hafa íbúar barist fyrir atvinnuuppbyggingu í langan tíma án
árangurs, en nú birtir allt í einu til í þeim efnum. Við hljótum að samgleðjast
með þeim.
Auðvitað hugsuðu Suðurnesjamenn, þetta er flott. Jafnræðis verður gætt og
ríkið mun nú spila út flottum spilum til uppbyggingar í Helguvík.
Til að liðka fyrir framkvæmdum á Bakka var samþykkt að ríkið kostaði lóða-
framkvæmdir, gatnaframkvæmdir, hafnaframkvæmdir, þjálfunarstyrkir vegna
starfsmanna og alls konar skattaívilnanir. Hér er um að ræða mörg hundruð
milljónir úr ríkissjóði. Það mun skila sér til baka eru rökin. Sömu rök hljóta
að gilda um stuðning við uppbyggingu í Helguvík.
En hvað? Engin spil til Suðurnesja. Ekki einn einasti stuðningur við upp-
byggingu hér. Allt kjörtímabilið höfum við beðið eftir að það rofaði til.
Suðurnesjamenn hafa beðið eftir að atvinnuupbbygging hæfist og til yrðu
mörg vel launuð störf.
Hvernig getur þingmaður og einn af forystumönnum Samfylkingarinnar,
Oddný G. Harðardóttir, staðið frammi fyrir kjósendum hér á Suðurnesjum
og leitað eftir stuðningi eftir það sem á undan er gengið. Þrátt fyrir ýmis
falleg orð um uppbyggingu hefur Samfylkingin ekki staðið við neitt af stóru
orðunum. Það er eðlilegt að fylgi Samfylkingarinnar í Suðurkjördæmi hafi
gjörsamlega hrunið.
Þetta kjörtímabil hefur annar af forystmönnum Bjartrar framtíðar Róbert
Marshall, verið þingmaður Suðurnesja. Lítið hefur farið fyrir hans stuðningi
við atvinnuuppbyggingu hér. Það er lítil von um breytingu komist Björt
framtíð í ríkisstjórn.
Ekki þarf að búast við stuðningi Vinstri grænna við uppbyggingu álvers í
Helguvík.
Kosningarnar þann 27. apríl n. k. skipta miklu máli fyrir íbúa Suðurnesja.
Kosningarnar snúast um það hvort hér mun áfram ríkja stöðnun undir merkj-
um vinstri flokkanna eða hvort nýtt framfaraskeið hefst á nýju kjörtímabili.
Sjálfstæðisflokkurinn hefur lagt höfuð áherslu á það í sinni kosningabaráttu
að efla þurfi atvinnulífið. Með því að til verði mörg hundruð vel launuð störf
bætum við hag fjölskyldnanna best. Um leið bætum við haga sveitarfélaganna
og ríkisins.
Fái Sjálfstæðisflokkurinn lélega útkomu úr kosningunum laugardaginn 27.
apríl n. k. er næsta víst að vinstri stjórn mun áfram verða við völd í landinu.
Suðurnesjamenn vita hvað það þýðir. Stöðnun og áframhaldandi atvinnuleysi.
Viljum við það?
leiðari
Stöðnun eða
framkvæmdir á
næsta kjörtímabili
Frí blað ið Reykja nes vill gjarn an kom ast í sam band við íbúa Suð ur nesja.
Seg ið ykk ar skoð un með því að senda inn pist il. Send ið inn fyr ir spurn.
Vin sam leg ast send ið okk ur tölvu póst á net fangið asta. ar@sim net.is eða
hring ið í síma 847 2779.

Reykjanes 7. Tbl.  3. áRganguR 2013
Útgefandi: Fótspor ehf. Ábyrgðarmaður: Ámundi Ámundason, sími: 824 2466, netfang: amundi@fotspor.is.
framkvæmdastjóri: Ámundi Steinar Ámundason, netfang: as@fotspor.is.
auglýsingastjóri: Ámundi Ámundason, Suðurlandsbraut 54,  108 Reykja vík. Auglýsingasími: 578 1190, netfang: auglysingar@fotspor.is.
Ritstjóri: Sigurður Jónsson, netfang: asta. ar@simnet.is, sími: 847 2779. Myndir: Ýmsir. Umbrot: Prentsnið
Prentun: Ísafoldarprentsmiðja. Upplag: 8.000 eintök. dreifing: Íslandspóstur. Vefútgáfa Pdf: www. fotspor.is
reykjanes er dreift í 8.000 eintökum ókeypis í allar íbúðir á reykjanesi.
Viltu segja skoðun þína?
Vogar
Flott
FréttabréF
Minja og sögufélag Vatns-leysustrandar hefur gefið ít flott og veglegt fréttabréf.
Hægt er að lesa fréttabréfið á heimasíðu
sveitarfélagsins. www. vogar.is
garðvangur áFram
Á fundi bæjarráðs Garðs 14. mars s. l. var fjallað um hjúkrunarheimil og gerð
grein fyrir samkomulagi sem náðst
hefur. Sótt verður um 20 hjúkr-
unarrými til viðbótar á Nesvöllum
og Garðvangur verður starfræktur
áfram.
Bæjarstjóri kynnti fyrirliggjandi
drög að samkomulagi milli sveitarfé-
laganna Garðs, Reykjanesbæjar, Sand-
gerðisbæjar og Sveitarfélagsins Voga
um uppbyggingu hjúkrunarheimila á
starfssvæði Dvalarheimilis aldraðra
á Suðurnesjum og gerði grein fyrir
viðræðum bæjarstjóra sveitarfélag-
anna um málið.
Í drögum að samkomulaginu koma
m. a. fram eftirfarandi áherslur í ná-
inni framtíð:
Unnið verði að því að fjölga
hjúkrunarrýmum á starfssvæði DS
þannig að aldraðir sem þurfa á hjúkr-
unarheimili að halda fái notið þeirrar
þjónustu sem þeir þarfnast. Sveitar-
félögin standi sameiginlega að er-
indi til Velferðarráðuneytisins um 20
hjúkrunarrými til viðbótar þeim 60
sem heimiluð hafa verið á Nesvöllum,
enda þjóni Nesvellir íbúum svæð-
isins alls. Garðvangur verði rekinn
áfram sem 20 rýma hjúkrunarheimili.
Staðið verði sameiginlega að umsókn
um fjármagn úr Framkvæmdasjóði
aldraðra til endurbóta á Garðvangi.
Hlévangur verði seldur og söluand-
virðið lagt í endurbætur á Garð-
vangi. Samkvæmt svæðisskipulagi
Suðurnesja verði horft til þess að í
samræmi við stækkandi samfélög
verði í framtíðinni hjúkrunarrými í
öllum bæjarfélögunum.
Bæjarstjórar sveitarfélaganna sem
standa að DS komi að samningum
við væntanlega rekstraraðila hjúkr-
unarheimilanna að Garðvangi og
Nesvöllum.
Bæjarráð samþykkir samhljóða
efni samkomulagsins og leggur
jafnframt áherslu á að samkomu-
lagið verði lagt fyrir bæjarstjórnir
sveitarfélaganna til staðfestingar.
Samþykkt samhljóða að fela bæjar-
stjóra umboð til að fylgja málinu eftir
og ganga frá samkomulaginu, sem
verði síðan lagt fram til staðfestingar
í bæjarstjórn.
næsta blað
Reykjanes kemur næst út miðviku-daginn 24. apríl.
sumarið
nálgast
Um páskana mátti sjá að sum-arið er í nánd. Garðskagi heillar og nokkrir voru þar
mættir á húsbílum sínum.
Auglýsingasíminn er 578 1190
Netfang: auglysingar@fotspor.is