Reykjanes - 01.11.2012, Síða 4

4 1. nóvember 2012
Oddný G. Harðardóttir
styrkleikar svæðisins eru ótvíræðir
Flokksval Samfylkingarinnar verður haldið 16. og 17. nóv-ember n. k. Oddný G. Harðar-
dóttir hefur ákveðið að gefa kost á sér
í fyrsta sæti á lista Samfylkingarinnar í
kjördæminu. Fyrsta sæti listans skipar
núna Björgvin G. Sigurðsson, fyrrver-
andi ráðherra flokksins. Oddný hefur
á þessu kjörtímabili gegnt mörgum
trúnaðarstörfum fyrir Samfylkinguna,
verið formaður Fjárlaganefndar, Fjár-
málaráðherra og gegnir nú aftur for-
mennsku í þingflokknum. Reykjanes
ákvað að heyra aðeins hljóðið í Odd-
nýju.
-Er flokksvalið eingöngu fyrir skráða
félaga í Samfylkingunni?
Nei, flokksvalið er einnig fyrir skráða
stuðningsmenn en þeir þurfa að skrá
sig eigi síðar en 8. nóvember. Skráning
fer fram á síðunni xs.is undir flipan-
um Taktu þátt. Fyrst undir flipanum er
skráning í flokkinn og þar fyrir neðan
skráning stuðningsmanna. Kosningin
16. og 17. nóvember er rafræn og þeir
sem taka þátt fá allar upplýsingar á
síðunni xs.is, m. a. um kjörstaði fyr-
ir þá sem ekki eru með heimabanka
til að taka við lykilorði eða aðgnag að
nettengingu.
-Nú sækist þú eftir að leiða listann og
fara þannig gegn Björgvini núverandi
oddvita listans. Hvers vegna eiga kjós-
endur að treysta þér fyrir forystu listans?
Kjósendur verða að meta það með
því að líta yfir feril minn bæði sem
þingmanns og ráðherra en einnig störf
mín áður en ég settist á þing. Stærsta
hluta starfsævi minnar hef ég unnið
að skólamálum. Ég starfaði í tæp 20 ár
við Fjölbrautaskóla Suðurnesja, lengst
af sem aðstoðarskólameistari, vann
við stefnumótun í menntamálaráðu-
neytinu áður en ég gerðist bæjarstjóri
í Garði eftir sveitarstjórnarkosningar
2006. Ég býð mig fram í forystusætið
vegna þess að ég tel að ég sé traustsins
verð og að ég hafi sýnt það að ég ráði
við krefjandi verkefni. Ég hef á síðustu
árum öðlast bæði þekkingu og reynslu
sem nýtist vel til ábyrgðarstarfa fyrir
þjóðfélagið.
-Það vekur athygli mína að Björgvin G.
Sigurðsson hefur gefið það út að hann sé
mikill virkjanasinni og vilji m. a. ganga
í að virkja í Neðri hluta Þjórsár, sem ég
held að sé stefnubreyting hjá honum.
Ert þú virkjanasinni Oddný?
Það fer nú eftir því hvaða merkingu
þú leggur í orðið virkjanasinni. Ef það
þýðir að það eigi að virkja alltaf þegar
það er mögulegt án þess að taka tillit
til náttúru og samfélags og sama hvaða
verð fæst fyrir rafmagnið, þá er ég ekki
virkjanasinni. Vinna við gerð svokall-
aðrar rammaáætlunar hefur verið í
gangi frá árinu 1993 og niðurstaða
hennar er nú til umfjöllunar í þinginu.
Rammaáætlun gengur út á það að
finna sátt á milli nýtingar og vernd-
ar þegar kemur að virkjanakostum.
Metin eru áhrif á náttúru og menn-
ingarminjar, útivist, ferðaþjónustu og
hlunnindi og efnahagsleg og félagsleg
áhrif virkjana. Rammaáætlun verður
vonandi afgreidd frá Alþingi fyrir jól
því það er mjög mikilvægt að skapa
aðstæður sem fyrst til að gera áætlanir
til langs tíma, bæði hvað varðar virkj-
anir og náttúruvernd. Virkjanakostir
eru flokkaðir samkvæmt lögum í þrjá
flokka: nýtingu, vernd og bið. Þeir kost-
ir sem eru í biðflokki eru þar vegna þess
að það á eftir að rannsaka þá frekar.
Þegar rannsóknirnar hafa farið fram
og niðurstöður liggja fyrir þá verður
að flokka þá annað hvort í vernd eða
nýtingu eftir því sem niðurstöðurnar
gefa ástæðu til. Af varfærni er lagt til í
þingsályktunartillögunni um rammaá-
ætlun að neðri hluti Þjórsár verði í bið-
flokki á meðan laxagengd er rannsökuð
enn frekar eftir að fram komu nýjar
upplýsingar hvað hana varðar. Ég er
sammála því að fara með þeirri varúð
en legg jafnframt áherslu á að niður-
stöður liggi fyrir eins fljótt og auðið er.
Einnig er gert ráð fyrir að áhrifasvæði
Vatnajökulsþjóðgarðs verði athugað
betur en annars er þingsályktunar-
tillagan með óbreyttum hugmyndum
sem formenn faghópa og formaður
verkefnastjórnar lögðu fram og fór í
lögbundið umsagnarferli á síðasta ári.
Það er afar mikilvægt að rammáætlun
verði samþykkt svo taka megi til við að
vinna eftir henni, hvort sem um er að
ræða vegna nýtingarkosta, verndar eða
að svara þeim spurningum sem settar
hafa verið fram vegna virkjanakosta
sem eru tímabundið í biðflokki. Ferlið
hefur staðið yfir í næstum 20 ár og það
er gleðilegt að nú sé komið að því að
staðfesta niðurstöðuna.
-Atvinnuástand hefur ekki verið nógu
gott hér á Suðurnesjum. Hvernig er hægt
að bæta úr því á næsta kjörtímabili?
Í fyrsta lagi þurfa ríki og sveitarfélög
að skapa góðar aðstæður svo fyrirtæki
velji Suðurnesin sem starfsvettvang.
Það hafa sveitarfélögin gert með góðu
skipulagi fyrir atvinnustarfsemi og
halda þarf áfram með það ágæta sam-
starf sem hefur verið á milli sveitarfé-
lagana á Suðurnesjum og þróa nýjar
leiðir hvað það varðar. Ríkið býður
fjárfestingasamninga og fjórir slíkir
samningar hafa verið skrifaðir vegna
stórra verkefna á Suðurnesjum og þrír
þeirra þegar undirritaðir. Þetta er álver-
ið og kísilverið í Helguvík, gagnaver-
ið á Ásbrú og fiskeldið á Reykjanesi.
Ég er sannfærð um að bæði álverið
og kísilverið fara á fulla ferð um leið
og markaðsaðstæður í löndunum í
kringum okkur batna og munu skapa
hér ákveðinn stöðugleika atvinnulífs á
svæðinu ásamt þeim fyrirtækjum sem
fyrir eru.
Nýsköpun er annar mjög mikilvæg-
ur þáttur og mun skipta æ meira máli
fyrir atvinnulífið hér á næstu árum.
Nú þegar eru styrkir veittir til nýsköp-
unarfyrirtækja vegna rannsóknar og
þróunar og rannsóknar- og tæknisjóðir
verða efldir svo um munar á næsta ári
og það mun nýtast nýsköpun í atvinnu-
lífinu beint. Sem fjármála- og efna-
hagsráðherra setti ég af stað vinnu í
ráðuneytinu við að undirbúa frumvarp
um skattaafslátt til þeirra sem fjárfesta
vilja í nýsköpunarfyrirtækjum. Þegar
allt þetta vinnur saman ásamt hug-
myndaauðgi og krafti heimamanna þá
munu nýsköpunarfyrirtækin blómstra
og veita fjölbreytt atvinnutækifæri.
Til stuðnings öflugu atvinnulífi
þarf öfluga skóla. Því þarf að styrkja
menntastofnanir svæðisins til góðra
verka sem skila sér ríkurlega til samfé-
lagsins til langs tíma. Þar er kjölfestan
Fjölbrautaskóli Suðurnesja þar sem
um 1.100 Suðurnesjamenn stunda
nám. Keilir á Ásbrú, Fisktækniskólinn
í Grindavík, MSS í Reykjanesbæ og
Þekkingarsetrið í Sandgerði eru allt
stofnanir sem styrkja samfélagið að
ógleymdum tónlistarskólunum sem
spila hér stóran þátt eins og dæm-
in sanna. Hagvöxtur til lengri tíma
litið kemur með góðri og fjölbreyttri
menntun. Því má alls ekki gleyma hlut
skólanna í eflingu atvinnulífsins.
Suðurnesin hafa allt til að bera sem
vænlegur búsetukostur. Hér eru greið-
færir vegir og samgöngur góðar, ágætar
hafnir og alþjóðaflugvöllur. Náttúru-
fegurð og jarðvangur innan seilingar.
Góðir skólar og íþróttastarf. Nálægð
við höfuðborgarsvæðið ætti frekar að
styrkja okkur en veikja. Styrkleikar
svæðisins eru ótvíræðir og við munum
vinna á langtíma atvinnuleysi á næsta
kjörtímabili, m. a. með góðu samstarfi
ríkis og sveitarfélaga.
Almenna aðgerðin er þó alltaf sú að
haldið sé á ríkisfjármálum og efnahags-
stórn af ábyrgð og hagsýni þannig að
velferðin sé tryggð. Á það legg ég mikla
áherslu því góð hagstjórn er undir-
staða velferðarinnar ásamt traustu
atvinnulífi. Vanda þarf uppbyggingu
til framtíðar og varast lítt hugsaðar
skyndilausnir.
Ásmundur fyrrverandi bæjarstjóri
og frambjóðandi í prófkjöri Sjálfstæð-
isflokksins sendir þér nýlega pillu á
vef Víkurfrétta, vegna erfiðrar stöðu
Fjölbrautarskóla Suðurnesja. Ásmund-
ur segir:
“Við þurfum alvöru talsmenn á
þing. Fólk sem berst fyrir hagsmun-
um Suðurnesja en ekki gegn þeim. ”
-Oddný, ert þú að vinna gegn hagsmun-
um Suðurnesja á þingi?
Ég tel ákaflega mikilvægt að
Suðurnesin eigi góðan og öflugan tals-
mann. Ég er Suðurnesjamaður í húð
og hár, fædd og uppalin í Garðinum
og hef stærstan hluta starfsævi minnar
unnið við Fjölbrautaskóla Suðurnesja.
Ég hef kynnst innviðum samfélagana
bæði sem þjónustuþegi og bæjarstjóri.
Dætur mínar búa einnig á Suðurnesj-
um með sínar fjölskyldur og nánast öll
mín skyldmenni í báðar ættir. Segja
má að ég þekki hvern hól og hverja
hæð þegar kemur að Suðurnesjum og
hagsmunum fólksins sem þar býr. Ég
ætla ekki að túlka ummæli þau sem þú
vitnar í en ég leyfi mér þó að segja að
það sé augljóst að ég vinn að heilindum
að hagsmunum Suðurnesjamanna á
þingi. Ég hef tamið mér að velja frekar
rökfestu og yfirvegun en upphrópanir
og tel að það sé einnig fyrsti valkostur
Suðurnesjamanna.
-Aðeins að þjóðaratkvæðagreiðslunni
20. október s. l. Helmingur kjósenda
situr heima og mætir ekki á kjörstað,
þótt Samfylkingin segi þessar kosningar
einstaklega mikilvægar. Er þetta áhuga-
leysi kjósenda kjaftshögg fyrir Samfylk-
inguna?
Nei auðvitað ekki. Ég vil alls ekki
snúa því lýðræðislega ferli sem samn-
ing nýrrar stjórnarskrár er í upp á
stjórnmálaflokka. Það hófst með
þverpólitískri sátt um þjóðfundinn
góða. Stjórnlagaráð fékk síðan það ver-
kefni að útfæra niðurstöður þjóðfund-
ar. Ég er mjög stolt af allri þessari vinnu
sem þúsundir Íslendinga hafa komið
að. Þjóðin er að semja sér nýja stjórnar-
skrá, loksins. Ég var ánægð með niður-
stöðuna úr þjóðaratkvæðagreiðslunni.
Þeir sem sátu heima ákváðu að láta
þá sem kusu ráða og það er bara fínt.
Þannig virkar lýðræðið sem við búum
sem betur fer við.
Reykjanes þakkar Oddnýju fyrir
skilmerkileg svör og óskar henni góðs
gengis í flokksvalinu.
Full búð af
flottum fötu
m
Fyrir flottar
konur
Skeifunni 8 • 108 Reykjavík • Sími: 517-6460
www.belladonna.is
Verslunin Belladonna á Facebook
Stærðir 40 – 58
Hof 40 ára.
BaldvinsHoF
Kiwanisklúbburinn Hof í Garði fagnaði s. l. föstudag 40 ára afmælis síns. Hin veglegasta
afmælisveisla var haldin í húsakynn-
um Hofs í Garðinum. Tveir af stofn-
endum klúbbsins eru enn starfandi, en
það eru þeir Ingimundur Þ. Guðnason
og Jón Hjálmarsson. Guðmudnur for-
seti Hofs heiðraði féæagana á þessum
tímamótum. Á afmælishátíðinni fékk
húsnæðið einnig nafn. Baldvinshof
skal það heita. Baldvin heitinn Njáls-
son átti allan heiðurinn af því að fé-
lagið festi kaup á húsnæðinu og er
þaðþví vel við hæfi að nefna húsið
eftir hans nafni. Kiwanisklúbburinn
Hof hefur í gegnum áratugina styrkt
mörg góð málefni í Garðinumog víðar.
Reykjanes færir klúbbnum hamingju-
óskir á þessum tímamótum.