Reykjanes - 01.11.2012, Side 8

8 1. nóvember 2012
greiðFærari og Betri HöFn
Nú er að ljúka umtalsverðum endurbótum á höfninni í Grindavík. Eftir þær verður
svigrúm fyrir stærri skip eins og togara
og flutningaskip meira en áður.
„Við erum búnir að vera að breikka
innri rennuna okkar um 25%, úr 35
metrum í 45 sem er svipað eins og að
fara af einbreiðri brú yfir á tvíbreiða.
Það er gríðarlegur munur að fá þessa
breikkun, sérstaklega þegar vindur
stendur á hliðina á stóru skipunum.
Þá hafa þau meira svigrúm. Snúnings-
svæðin hérna innan hafnar þar sem
við snúum stóru frögturunum voru
rýmkuð líka og loks svæðið í austur-
höfninni þar sem togararnir leggjast að.
Við sjáum því að í framtíðinni geti þeir
komið að bryggju einir og óstuddir en
til þess höfum við notað lóðsbátinn til
að koma þeim að bryggju. Nú verður
það rúmt um þá að þeir eiga ekki að
þurfa aðstoð, þegar þeir leggjast að og
taka frá bryggju, ” segir Sigurður A.
Kristmundsson, hafnarstjóri í Grinda-
vík, í samtali við Útvegsblaðið.
Kostnaður um
180 milljónir
„Við erum að leggja um 180 milljónir
króna í þessi verkefni. Höfnin stendur
ekki ein undir þessum framkvæmdum
þó hún standi vel. Hluti af þessu er því
lán frá bæjarsjóði, hluti afgangur sem
við áttum í samgönguáætlun og loks
okkar eigið ráðstöfunarfé. Við teljum
hverri krónu vel varið í þessar endur-
bætur. Það hefur alltaf verið okkar Ak-
illesarhæll að vera með frekar þröngt
rými og því hafa menn ekki verið alveg
öruggir með sig, en þessar breytingar
ættu að ríða baggamuninn. Nú er höfn-
in mun betri og greiðfærari fyrir stærri
skipin, ” segir Sigurður.
En er eitthvað meira
að gerast hjá ykkur?
„Já, við erum svo að búa okkur undir
að stækka athafnasvæðið við Suður-
garð, sem er nýleg bryggja. Þar ætl-
um við að stækka athafnasvæðið um
7.000 fermetra. Þá fæst rými til að
taka á móti varningi, bæði gámum
og salti svo dæmi sé tekið. Við sjáum
það í kringum okkur að þær bryggjur
sem bjóða upp á mikið athafnarými
eru eftirsóknarverðar og menn vilja
helst leggja skipum sínum þar og fá gott
rými til að vinna við þau. Allt sem er í
kringum þetta er stórt í sniðum eins og
bílar með tengivagna, kranar og lyftar-
ar. Við erum líka að skipta út gömlum
tréflotbryggjum sem eru farnar að gefa
eftir svo við verðum færari um að taka
á móti flotanum þegar hann kemur.
Vilja gjarnan fleiri
fiskibáta
Með þessu erum við að bjóða upp
á betri aðstöðu fyrir frystitogara og
vöruflutningaskip. Í því felast tækifæri
fyrir okkur og viðskiptavini okkar til að
skoða það betur. Við viljum líka gjarnan
fá fleiri fiskibáta til að landa hjá okkur.
Við sjáum það þegar bátarnir frá stóru
fyrirtækjunum okkar, Þorbirni og Vísi,
eru að veiðum til dæmis fyrir austan,
landa þeir auðvitað fiskinum þar til að
spara sér siglingu heim. Á sama hátt
sjáum við tækifæri í því að aðrir bátar
komi til okkar þegar veiðarnar eru hér
fyrir utan eins og á vetrarvertíð. Þá er
styst fyrir bátana að koma hingað og
það er þá gagnkvæmur hagnaður að
því bæði fyrir okkur og þá.
Stóru útgerðirnar hérna hafa séð al-
veg sjálfar um löndun úr eigin skipum
og því hefur ekki verið grundvöllur
fyrir aðra til að stofna löndunarþjón-
ustu. Ég hef rætt þetta við stjórnendur
Þorbjarnar og Vísis og þeir eru tilbúnir
að opna á það að löndunarþjónusta
þeirra standi öllum opin. Því er skortur
á löndunarþjónustu ekki lengur í vegi
fyrir því að bátar frá öðrum stöðum
komi hingað til löndunar, ” segir Sig-
urður.
Hafnir landsins voru fyrir nokkru
teknar út af samgönguáætlun sem
þýðir að þeim stendur ekki til boða
lengur fé frá hinu opinbera til betrum-
bóta og lagfæringa. Sigurður segir að
mjög mikilvægt sé að hafnirnar kom-
ist þangað inn aftur því hafnir eins og
Grindavík sem þar sem ekki sé mikið
um vöruflutninga og hafi nánast ein-
göngu tekjur vegna aflagjalda, standi
hreinlega ekki undir viðhaldskostnaði.
„Við erum til dæmis með bryggju hér
sem heitir Miðgarður. Hann er kominn
til ára sinna og komið að því að gera
hann upp. Það kostar okkur um 600
milljónir króna með þeim dýpkunum,
sem óhjákvæmilega verða að fylgja
endurbótunum. Við stöndum ekki
undir því nema við fáum eitthvað af
þessum sérstöku veiðigjöldum til baka,
eða komumst inn á samgönguáætlun á
ný, ” segir Sigurður.
Mikil breyting fyrir okkur
Hilmar Helgason er skipstjóri á Hrafni
Sveinbjarnarsyni og hefur verið með
hann í tæp 23 ár. „Rennan fyrir þessar
breytingar var frekar þröng og grunn
þannig að við þurftum að sæta sjáv-
arföllum, þegar við vorum að koma
inn. Við á togurunum höfum verið að
berjast fyrir því lengi að fá hana breikk-
aða, sérstaklega inni við Eyjabakka.
Nú verður mun betra fyrir togarana að
koma að og alls staðar verður 7 metra
dýpi þannig að við þurfum ekki leng-
ur að sæta sjávarföllum eftir að þessi
framkvæmd verður búin nú í haust.
Þetta verður mikil breyting fyrir okkur.
Þegar við erum að fara út í vindi er ekki
eins þröngt um okkur, en þessi stóru
skip drifta dálítið í austan og suðaustan
áttunum og eftir þetta erum við ekki
eins aðþrengdir og áður og aðgengi alls
staðar orðið betra í höfninni, ” segir
Hilmar. (Heimasíða Grindavíkur).
Stóru-Vogaskóli
glæsileg 140 ára amælisHátíð
Virðing - vinátta - virðing
Nýlega fagnaði Stóru-Voga-skóli þeim merkilegu tíma-mótum að hafa náð 140
ára aldri í skólasögu sveitarfélagsins.
Tímamótanna var minnst á viðeig-
andi hátt í skólanum að viðstöddum
nemendum og fjölda gesta. Hér koma
nokkrar myndir.
Heiðruð Fyrir vel
unnin störF
Aðventkirkjan í Keflavík hélt í síðustu viku fjölmenna samkomu, þar sem þrír mátt-
arstólpar voru heiðruð fyrir óeigin-
gjörn störf fyrir söfnuðinn. Karen
Sturlaugsson, Þórólfur Þorsteinsson
og Einar Valgeir Arason hafa um árabil
verið í fararbroddi í að halda uppi
góðu starfi bæði hvað varðar tónlist
og fræðslu.
tveir nýir Hjá BílaHúsinu
Bílahúsið sýndi um síðustu helgi tvo nýja bíla. Hyundai Santa Fe kemur nú enn glæsilegri en
áður. Hér um einstaklega flotta glæsi-
bifreið að ræða. Verð á bílnum er frá
rúmum 7 milljónum.
Hinn bíllinn Dacia Duster, sem
er athyglisverður bíll á einstaklega
hagstæðu verði. Svo sem engin íburð-
ur, en allt sem þú þarft. Bíllinn er
sportjepp og kostar aðeins tæpar 4
milljónir.