Reykjanes - 30.05.2013, Blaðsíða 8

8 30. maí 2013
Páll Valur Björnsson þingmaður Bjartrar Framtíðar:
Mun beita mér
af fullum krafti
almenningi til heilla
Páll Valur Björnsson úr Grindavík náði kjöri í þingkosningunum 27.apríl s.l.
Reykjanes óskar Páli Val til hamingju með kjörið og fékk hann til
að svara nokkrum spurningum.
-S.J. Hvernig leið þér á kosninganóttina?
Þú varst að koma inn og detta út,en
náðir svo á endasprettinum jöfnunar-
þingsæti.
Það má með sanni segja að þessi
kosninganótt hafi verið eftirminnileg
í meira lagi. Björt framtíð var ekki með
neina kosningaskrifstofu í Suðurkjör-
dæmi svo að við frambjóðendur hér
sunnanlands hittumst öll á kosninga-
vöku í Reykjavík. Það var ljóst strax
eftir fyrstu tölur að við værum ekki að
fá kjördæmakjörinn þingmann í þessu
kjördæmi og í sjálfu sér kom það mér
ekkert á óvart þar sem að skoðana-
kannanir höfðu sýnt það í aðdraganda
kosninga. Ég fór nú bara snemma heim
í Grindavík og fylgdist með kosninga-
sjónvarpinu fram eftir nóttu en um
kl. hálf sex gafst ég upp og fór að sofa
dauðþreyttur en sáttur. Um sjöleytið
hringdi síminn og á hinum enda
línunnar var bróðir minn sem óskaði
mér til hamingju með þingsætið, ég
taldi nú í fyrstu að hann væri að gera
at í mér en staulaðist fram og kveikti
á sjónvarpinu. Þá kom í ljós að ég var
kominn inn sem uppbótarþingmaður
og átti ég erfitt með að átta mig á þessu
í fyrstu og var alveg á nálum þar til
að síðustu tölur duttu í hús um kl. 9
á sunnudagsmorguninn. Þetta eru án
nokkurs efa þær erfiðustu mínútur
sem ég ég hef upplifað en endirinn var
góður og ég er afskaplega ánægður með
að vera orðinn þingmaður Suðurkjör-
dæmis.
-Hefur þú alltaf haft áhuga á stjórn-
málum? Hvað kom til að þú ákvaðst að
gefa kost á þér.
Ég hef nú alla tíð haft áhuga á stjórn-
málum en hafði mig lítið í frammi
lengi vel, reif kjaft á kaffistofum og
í fjölskylduboðum en tók ekki þátt.
Það breyttist fyrir um fimm árum
síðan þegar ég fór að taka þátt í starfi
Samfylkingarfélagsins í Grindavík og
var í kjölfarið kosinn í bæjarstjórn
Grindavíkur í síðustu sveitarstjórn-
arkosningum. Það var afskaplega
ánægjulegur tími sem ég átti í bæj-
arstjórninni, fékk þar að starfa með
frábæru fólki sem hefur haft það að
meginmarkmiði að efla veg og hagsæld
íbúa Grindavíkur. Ástæða þess að ég
gaf kost á mér í stjórnmálin er einfald-
lega sú að ég vil láta gott af mér leiða og
leggja mitt af mörkum til þess að hér á
landi geti þrifist gott og heilbrigt sam-
félag. Og eins finnst mér hafa vantað
manneskju inn á þing sem hefur unnið
sem verkamaður nánast alla sína tíð,
þingmenn þurfa að koma frá öllum
geirum samfélagsins.
-Hvers vegna Björt framtíð?
Ég tók þá ákvörðun að ganga til liðs við
Bjarta framtíð vegna þess að til mín var
leitað og skorað á mig að taka 1. sæti
á lista flokksins í Suðurkjördæmi. Ég
tók góðan tíma í að íhuga stöðuna þar
sem að ég gerði mér grein fyrir því að
töluverðir möguleikar voru á því að ég
kæmist inn á þing og ég velti því fyrir
mér hvort ég væri tilbúinn til þess að
taka þar sæti. En ég tók slaginn og sé
ekki eftir því. Ég hef verið mikil að-
dáandi Besta flokksins allt frá því að
hann kom fram og hugmyndafræði
Bjartrar framtíðar byggjir að mörgu
leyti upp á sömu forsendum og hjá
Besta flokknum. Síðast en ekki síst er
fólkið sem starfar í Bjartri framtíð alveg
einstaklega yndislegt og jarðbundið
fólk sem tekur sjálft sig ekki hátíðlega
og setur málefni og markmið ofar eigin
hag.
-Það vekur að sjálfsögðu athygli að nú
koma sjö þingmenn,sem búsettir eru
á Suðurnesjum. Á þetta eftir að hafa
jákvæð áhrif fyrir svæðið?
Það er hægt að segja að útkoma
kosninganna hafi verið glæsileg hjá
okkur Suðurnesjamönnum og að fá sjö
þingmenn er í raun ótrúlegt. Ég held að
áhrif þess að Suðurnesin fái alla þessa
þingmenn geti ekki verið annað en já-
kvæð og það er einlæg von mín að við
náum öll að starfa saman svæðinu og
kjördæminu öllu til heilla. Ég þekki allt
þetta fólk og hef verið í töluverðu sam-
bandi við það í kosningabaráttunni og
get sagt af fullri einlægni að þetta er allt
afskaplega gott fólk og hlakka ég til að
starfa með þeim á komandi misserum.
Það er líka einstaklega ánægjulegt að
tveir ráðherrar nýju ríkistjórnarinnar
skuli koma úr kjördæminu og er trú
mín sú að það hafi líka mikil og góð
áhrif.
-Á hvaða mál ætlar þú að leggja áherslu
á?
Ég mun leggja áherslu á að við störfum
öll saman að því að leysa öll þau brýnu
mál sem bíða úrlausnar í íslensku sam-
félagi, af nógu er að taka. Það liggur
beinast við að taka þarf á skuldavanda
þeirra heimila sem verst eru sett og
hvað okkar svæði varðar þá þurfum við
öll í sameiningu að finna lausnir til þess
að eyða því atvinnuleysi sem ríkt hefur
hér alltof lengi. Tækifærin liggja víða til
aukinnar atvinnuuppbyggingar og það
er stjórnvalda að skapa aðstæður og
skilyrði til þess að hér geti ný og öflug
fyrirtæki skotið rótum sama í hvaða
geira atvinnulífsins sem er.
Mörgum fannst sjávarútvegsstefna
Samfylkingar og Vinstri grænna vera
stórhættuleg fyrir útgerðastaði eins og
hér á Suðurnesjum. Hver er afstaða
Bjartrar framtíðar til sjávarútvegsins?
Það má nú eflaust deila um það hvort
að sú stefna sem rekin var af þessum
flokkum hafi verið stórhættuleg eða
ekki. Það hefur ætíð verið þannig að
ef eitthvað á að hrófla við þessu kvóta-
kerfi þá ætlar allt af göflum að ganga
og oftar en ekki er verið að gera úlfalda
úr mýflugu. Það er ljóst að sjávarút-
vegurinn á Íslandi er ein að okkar höf-
uðatvinnugreinum, atvinnugrein sem
hefur skilað gríðarlegum verðmætum
í þjóðarbúið og ef ganga á í breytingar
á þessu kerfi verður að vanda vel til
verka. Sjávarútvegurinn er rekinn
með hagnaði og á mjög hagkvæman
og arðbæran hátt og það hlítur að vera
aðal keppikeflið,að gera einhverjar
stórkostlegar breytingar á kerfi sem
er að skila svona miklum arði er afar
óvenjulegt. Í kosningaáherslum okkar
segir að viljum skapa varanlega sátt um
sjávarútveg á grunni fjögurra stoða:
1) Að arður renni til þjóðarinnar 2)
að nýting fiskimiðanna sé sjálfbær 3)
að greinin njóti góðra skilyrða til að
skila hagnaði og 4) að nýir aðilar geti
haslað sér völl í sjávarútvegi. Við viljum
meina að það vanti bara herslumuninn
í þessu og það hljóti að vera hægt, í
góðu samráði allra aðila, að komast
að niðurstöðu sem felur þetta allt í sér.
Það liggja stórkostleg tækifæri í sjáv-
arútveginum á Íslandi og það er ljóst
að á næstu árum verði kvótinn aukinn
sem gefur okkur færi á m.a. að auka
nýliðun í greininni.
Björt framtíð gaf það mjög sterkt út
að stefnan væri sett á inngöngu í ESB.
Óttast þú að með inngöngu séum við
að afsala okkur yfirráðum á okkar góðu
fiskimiðum?
Já við förum ekkert í launkofa með
það að við teljum það farsællegast til
framtíðar fyrir íslenskt samfélag að
ganga í Evrópusambandið það er í
raun ekki hægt að bjóða fólki upp á
þá þrautagöngu sem hér hefur verið
gengið með íslensku krónuna. Hvað Fjölskyldan á góðri stund.
Hjónin hvíla lúin bein í göngutúr í
Fljótunum.
Sigri fagnað í Laugardalshöllinni ásamt vinum.jpg
Páll Valur og Hulda kona hans í fimmtugsafmæli Páls.