Reykjanes - 13.06.2013, Blaðsíða 14

14 13. júní 2013
Guðbergsstofa
opnuð í Kvikunni
Guðbergsstofa, safn og sýning um Guðberg Bergsson rit-höfund og heiðursborgara
Grindavíkur, var opnuð í Kvikunni á
Sjóaranum síkáta. Guðbergsstofa er
samstarfsverkefni Grindavíkurbæjar
og ARTPRO ehf. Fjölmenni var við
opnunina. Kristín María Birgisdóttir
formaður bæjarráðs og dr. Birna
Bjarnadóttir forstöðumaður íslensku-
deildar Manitóbaháskóla í Kanada
fluttu ávörp sem og Guðbergur sjálfur.
Í Guðbergsstofu hefur verið komið
upp vönduðu safni og sýningu til
heiðurs Guðbergi Bergssyni, einum
virtasta rithöfundi Íslendinga fyrr og
síðar. Guðbergur fæddist í Grindavík
árið 1932 og ólst þar upp. Guðbergur
hefur alla tíð tengst Grindavík sterkum
böndum og var útnefndur heiðurs-
borgari Grindavíkurbæjar árið 2004.
Guðbergur býr hluta ársins í húsi sínu
í Grindavík sem er húsið sem hann ólst
upp í. Guðbergur varð áttræður í fyrra.
Meðal þess sem er í Guðbergsstofu
eru allar bækur og öll verk sem gefin
hafa verið út eftir Guðberg Bergsson
á Íslandi. Skáldsögur, ljóðabækur,
smásögur, barnabækur, sem samtals
eru a. m. k. 36 verk. Auk bóka sem
Guðbergur hefur þýtt úr erlendum
málum sem skipta tugum. Sýnishorn
af bókum og verkum Guðbergs sem
þýdd hafa verið á erlend tungumál.
Verk Guðbergs hafa komið út á 19
tungumálum um allan heim frá árinu
1961. Sýnishorn af óútgefnum verkum
Guðbergs og saga og ferill Guðbergs
Bergssonar er á stórum veggskiltum.
Allar upplýsingar eru bæði á íslensku
og ensku.
Ávarp Kristínar Maríu Birgisdóttur,
formanns bæjarráðs, við opnun Guð-
bergsstofu:
„Kæru gestir, ég vil byrja að því að
óska ykkur gleðilegrar hátíðar um leið
og ég óska sjómönnum og fjölskyldum
þeirra til hamingju með daginn! Það
er gaman að sjá hversu margir eru
saman komnir á þessum menningar-
tímamótum í Kvikunni nú þegar Guð-
bergsstofa er formlega opnuð.
Í tilefni þess að Guðbergur varð átt-
ræður á síðasta ári var það einlæg ósk
Grindavíkurbæjar að gera bæði ævi
hans og verkum góð skil. Guðbergur
er stolt okkar Grindvíkinga enda ein-
hver virtasti rithöfundur Íslendinga
fyrr og síðar. Hann er heiðursborgari
Grindavíkur og líklega okkar manna
þekktastur enda liggja eftir hann fjöl-
mörg ritverk; skáldsögur, smásögur,
ljóðabækur og barnabækur ásamt
fjölda annarra ritverka og þýðinga. Þá
hafa ritverk hans komið út á 19 tungu-
málum. Guðbergur hefur sannarlega
auðgað íslenskar bókmenntir þann
tíma sem hann hefur verið að skrifa
en sá tími telur rúma hálfa öld.
Í október í fyrra hélt Grindavíkurbær
samkomu til heiðurs Guðbergi sem
á þeim tíma fagnaði áttræðis afmæli
sínu. Undirrituð var viljayfirlýsing á
milli bæjarins og Guðbergs um opnun
Guðbergsstofu. Í safninu verður bæði
lífi og verkum Guðbergs gerð skil.
Við ætlum líka að gera verkum hans
góð skil á nýju bókasafni sem senn fer
að rísa en fyrsta skóflustungan að því
verður á miðvikudaginn næstkomandi.
Í gær tók Guðbergur við heiðurs-
doktorsnafnbót frá Háskóla Íslands
en málþing var haldið um morguninn
sérstaklega til heiðurs Guðbergi. Var
það á hvorki fleiri né færri en fimm
tungumálum. Það var gaman að heyra
í fjölmiðlum í hversu miklum metum
Guðbergur er, m. a. hjá fyrrverandi
forseta okkar, frú Vigdísi Finnboga-
dóttur en hún lýsti Guðbergi sem
galdramanni orða og hughrifa og að
einstakt væri hversu óþreytandi hann
hafi verið að ferðast um lönd og færa
nýjar hugmyndir hingað heim. Mikil-
vægt væri fyrir Íslendinga að eiga rit-
höfunda og skáld sem þekktu heiminn.
Vigdís sagði Guðberg hafa brotið blað í
íslenskri bókmenntasögu. Íslendingar
hafi þyrst í sögur af sér og öðrum til
samanburðar og það hefði Guðbergur
fært þeim. Benti hún á hversu mikil-
vægt það væri að víkkja sjóndeildar-
hringinn og að Guðbergur hefði, eins
og hún orðaði það, „komði með eilítið
aðra sól og sýn en við höfum átt að
venjast í víkum, til fjalla eða á nesinu,
hér heima í íslensku náttúrudýrðinni.
Ég vil fyrir hönd bæjarstjórnar
Grindavíkur óska ykkur hjartanlega
til hamingju með Guðbergsstofu og
erum við þess sannfærð um að hún
muni auðga til muna þau glæsilegu
söfn sem fyrir eru um jarðorku og lífæð
okkar Grindvíkinga, saltfiskinn. „
Guðbergur heiðursdoktor
frá HÍ
Guðbergur Bergsson, rithöfundur,
segir að helsti lærdómur ferðalaga sé að
læra að þekkja sjálfan sig. Hann hlaut
heiðursdoktorsnafnbót frá Háskóla
Íslands á málþingi sem var tileinkað
honum og verkum hans.
Guðbergur hefur frá árinu 1961
skrifað ótal skáldsögur, smásögur,
ljóðabækur og barnabækur auk
annarra ritverka og þýðinga. Verk Guð-
bergs hafa komið út á 19 tun gumálum
um allan heim. Hann, sem fagnaði átt-
ræðisafmæli í fyrra, segist ætla að halda
áfram að gera það sem hann hafi gert
hingað til, að skrifa. Í dag hlaut hann
æðstu viðurkenningu Háskóla Íslands.
„Þetta var ekkert undarlegur dagur.
Mér finnst þetta vera sjálfsagður dagur.
Það fór svona helst í gegnum hugann
að ég heyrði afar fátt”, sagði Guðbergur
Guðbergur hefur ferðast mikið
um ævina, búið erlendis og kynnt
Íslendinga fyrir öðrum menn-
ingarheimum.
„Það er afar erfitt að segja um það
hvað maður hafi lært á ferðalögum. En
ég held að það sé helst það að maður
lærir að þekkja sjálfan sig”.
(Heimasíða Grindavíkur)