Reykjanes - 27.06.2013, Side 9

27. júní 2013 9
Vilhjálmur Árnason, þingmaður Sjálfstæðisflokksins
Fólk vill að þau fjölmörgu
tækifæri sem við höfum verði nýtt
Einn af nýju þingmönnunum frá Suðurnesjum er Vilhjálmur Árnason frá Grindavík. Vil-
hjálmur skipaði 4. sæti á framboðslista
Sjálfstæðisflokksins í Suðurkjördæmi.
Flokkurinn náði góðri kosningu og í
framhaldinu sest Vilhjálmur á þing.
Reykjanes heyrði aðeins hljóðið í Vil-
hjálmi.
- Hvenær vaknar áhugi þinn á stjórn-
málum?
Áhugi minn á stjórnmálum vakn-
aði snemma. Faðir minn var virkur
í stjórnmálunum í Skagafirði og mér
hefur alltaf þótt gaman að því að fá að
taka þátt í því með honum. Svo þróaðist
það þannig að ég varð ákafari en hann
á pólitíska sviðinu. Hann er í sama
stjórnmálaflokki og ég en við erum
alls ekki alltaf sammála.
- Mikil endurnýjun á sér nú stað á Al-
þingi. Hefur þú trú á að í framhaldinu
breytist vinnubrögðin?
Já ég hef mikla trú á því. Það eru
rosalega margar venjur og siðir hér
sem mun taka langan tíma að læra.
Síðast var einnig mikil endurnýjun á
Alþingi og ég held að þeir þingmenn
sem komu nýir inn síðast séu ekki
búnir að tileinka sér þá siði og venjur
ennþá. Því held ég að þessir tveir hópar
nýrra þingmanna munu ekki tileinka
sér þetta allt saman, heldur mynda
nýjar aðferðir sem munu vonandi
verða til bóta.
- Getum við reiknað með að málefni
Suðurnesja fái jákvæðari niðurstöðu
heldur en á síðasta kjörtímabili?
Ég held að ég geti fullyrt að svo
verði, ekki bara út af því hversu mörg
við erum frá Suðurnesjunum. Heldur
einnig út af þeim skilaboðum sem
þjóðin sendi í kosningunum að fólk
vill að þau fjölmörgu tækifæri sem við
höfum í þessu landi verði nýtt, sama
hvar þau eru staðsett. Mér fannst ég
finna fyrir minni átökum á milli lands-
hluta í þessari kosningabaráttu heldur
en áður.
- Mikil aukning er á ferðamönnum til
Íslands. Erum við hér á Suðurnesjum
nógu dugleg á að markaðssetja svæðið
sem góðan möguleika til að dvelja á og
skoða?
Að sjálfsögðu má alltaf gera betur.
En ég held að það sé mikil vakning
hér á Suðurnesjum hvað þessi mál
varðar. Samstarf ferðaþjónustuaðila á
Suðurnesjum hefur aukist mjög mikið
að undanförnu og það er mikilvægast
í þessu. Hér er fullt af hugmyndaríku
og drífandi fólki sem er alla daga að
vinna að uppbyggingu ferðaþjónust-
annar hér á svæðinu, við höfum hafið
undirbúning að stofnun GeoPark
(jarðvangs) og höfum stærsta ferða-
mannastað landsins, Bláa Lónið innan
okkar svæðis. Því held ég að við séum
á réttri leið þar. Ég hef fulla trú á því
að ferðamenn fari að dvelja lengur hér
á svæðinu innan skamms tíma. Ég tel
það mikilvægt að þegar að því kemur,
þá verðum við tilbúin að taka á móti
þeim ferðamönnum.
- Nú þekkir þú löggæslumálin vel. Munt
þú beita þér til að bæta úr þeim málum?
Löggæslumálin eru mikilvæg fyrir
allt samfélagið. Öryggi er forsenda heil-
brigðis hvers og eins. Ég er því mjög
stoltur af reynslu minni í lögreglunni
sem ég mun nýta vel við störf mín á
Alþingi. Ég hef þegar hafið umræðu um
öryggi lögreglumanna á Alþingi, en það
er mikilvægt svo þeir geti tryggt öryggi
annarra. Það er margt sem hægt er að
gera til að efla löggæsluna og auka ör-
yggi borgaranna. Það munum við gera
jafnt og þétt allt kjörtímabilið.
- Hvað með stöðu heilbrigðismála hjá
okkur. Getum við vænt þess að úr rætist?
Það er ásetningur allra að gera betur
í þeim málum. Þar hef ég mikinn áhuga
og skoðanir á málum og mun fylgja því
fast á eftir. Við verðum að þora að fara
nýjar leiðir í þessum málaflokki til að
nýta fjármunina sem best og veita sem
bestu þjónustuna heima í héraði. Þetta
er stórt mál sem verður ekki lagað á
einni nóttu en verður tekið föstum
tökum strax í upphafi og vonandi sjáum
við fljótlega einhverjar breytingar þar.
- Hvað með önnur áhugamál en stjórn-
málin?
Félagsmál hafa alltaf verið mjög ofar-
lega sem áhugamál hjá mér og ég hef
varið mikið af mínum frítíma í þau, en
stjórnmálin falla líka þar undir. Í dag
nýti ég allan minn frítíma í að gera eitt-
hvað með fjölskyldunni og höfum við
mjög gaman af því að ferðast um landið.
Annars stundaði ég körfubolta á mínum
yngri árum og nýtti öll tækifæri til að
vera í sveitinni ef ég gat.
Reykjanes þakkar Vilhjálmi fyrir
greinargóð svör og óskar honum vel-
farnaðar í starfi.
Með oddvitanum.
Með eiginkonunni Sigurlaugu Pétursdóttur.
Þrír flottir Sjálfstæðismenn.
Áfram Grindavík.
Börnin í uppáhaldi.
Steinar Páll Magnússon,Vilhjálmur,janus Arn Guðmundsson og Vilhjálmur
Egilsson
Geir jón,Hanna Birna,Ragnheiður Elín og Vilhjálmur Árnason