Reykjanes - 05.09.2013, Blaðsíða 14
Stuðningur fyrir hlaupin
Mikið úrval af stuðningshlífum frá Sporlastic.
Vandaðar vörur á góðu verði.
Komdu og skoðaðu úrvalið
- við tökum vel á móti þér og finnum réttu lausnina fyrir þig. F
A
S
TU
S
_H
_2
5.
08
.1
3
Verið velkomin í verslun okkar að Síðumúla 16. Opið mán - fös 8.30 - 17.00
Síðumúli 16 • 108 Reykjavík • Sími 580 3900 • www.fastus.is
Veit á vandaða lausn
14 5. september 2013
Fyrsta símstöðin í Garði
Í þessu húsi sem stóð í Gerðahverf-inu var fyrsta símstöðin í Garði og bréfhirðing.
Fyrir framan það standa hjónin
Árni Árnason, fyrsti símstöðvar-
stjórinn og eiginkona hans Guðrún
Ingjaldsdóttir og sonur þeirra Sveinn
Árnason.
Gerðaheimilið var í tíð þeirra hjóna
mikið athafnaheimili. Var sjávarút-
vegur rekinn þar í stórum stíl samfara
búskap. Árni var farsæll formaður,
listastjórnari og aflamaður og áreið-
anlegur, svo að orð hans voru jafngild
undirskrift. Árni varð fyrsti símstjór-
inn í Gerðum árið 1908. Fólki þótti
síminn mikið undratæki og var hálf-
feimið að tala í hann, heyra röddina
í ættingjum og vinum í fleiri tuga
kílómetra fjarlægð. En svo vöndust
menn því.
Eftir að Árni lést af slysförum árið
1911 tók Guðrún kona hans við því
starfi, búi og útgerð, og gegndi þvi öllu
með mikilli prýði. Hún hafði á hendi
símstjórastarfið til ársins 1938 og var
vinsæl og vel metin af öllum.
Þau hjónin Árni og Guðrún tóku
mikinn og góðan þátt í öllu félagslífi,
en einkum var það bindindismálið,
sem þau unnu fyrir af frábærum
áhuga.
Útskálakirkju helguðu þau einnig
krafta sína og í mörg ár voru þau bæði
í söngflokk kirkjunnar og studdu
starfsemi safnaðarins og öll málefni
hans af kostgæfni á allan hátt. Þeim
hjónum Árna og Guðrúnu fæddust
þrír synir: Þorsteinn trésmíðameist-
ari, Sveinn bóndi og útvegsmaður í
Gerðum, Kristinn skipstjóri og út-
vegsmaður í Gerðum.
Gamla myndin
Auglýsingasíminn er
578 1190
Netfang:
auglysingar@fotspor.is
www.fotspor.is
Merkir Suðurnesjamenn
Merkir Suðurnesjamenn
Sólveig Sigrún Oddsdóttir
Sólveig Sigrún Oddsdóttir fæddist í Móhúsum í Garði, 11.október 1916. Hún lést á hjúkrunarheim-
ilinu Garðvangi 30. janúar 2009. For-
eldrar hennar voru hjónin Oddur
Jónsson, f. 25.10. 1886, d. 31.8. 1977
og Kristín Hreiðarsdóttir, f. 19.8. 1888,
d. 1.10. 1989 frá Presthúsum í Garði.
Sigrún giftist 15. maí 1937 Hjálm-
ari Óskari Magnússyni, f. 11.10. 1913,
d. 31.7. 1984. Sigrún bjó fyrstu ævi-
árin í Móhúsum en fluttist svo með
foreldrum sínum að Presthúsum þar
sem hún bjó þar til þau Hjálmar hófu
búskap á Nýjalandi. Þar bjó hún öll
sín æviár að undanskildum síðustu
rúmum sjö árum sem hún dvaldi á
hjúkrunarheimilinu Garðvangi. Sig-
rún var fyrst og fremst mikil húsmóðir
og hélt með mikilli natni og reglusemi
utan um heimili sitt og fjölskyldu. En
hún lét sig málefni sveitarfélagsins
mikið varða og sat í hreppsnefnd í tólf
ár, oftast sem ritari. Einnig var hún for-
maður fegrunar- og umhverfisnefndar
um árabil og hafði mikil áhrif á fegrun
byggðarlagsins. Sigrún var gerð að
heiðursborgara Gerðahrepps árið 2001.
Félags-, menningar- og forvarnarmál
voru henni mjög hugleikin. Hún var
gæslumaður barnastúkunnar Sið-
semdar í þrjátíu ár og starfaði innan
Stórstúku Íslands, formaður Kvenfé-
lagsins Gefnar í tuttugu og eitt ár, starf-
aði í Slysavarnadeild kvenna í Garði,
hún söng með kirkjukór Útskálakirkju
í 40 ár og starfaði í sóknarnefnd um
árabil auk þess sem hún sá um þrif
og búnað kirkjunnar. Sigrún var
sæmd riddarakrossi hinnar íslensku
fálkaorðu árið 2002 fyrir störf sín að
bindindis- og félagsmálum.
Gamla myndin.
Smá
ábending
Reykjanes fékk eftirfarandi sent vegna
Gamla myndin í síðasta Reykjanesi.
Gerðabræður áttu bátinn Farsæl GK
8 frá 1956 til 1963, þá seldur Páli H.
Pálssyni, sennilega Palla í Vísi Grinda-
vík, sem þá var með útgerð í Keflavík,
því báturinn varð KE 27.
Yaris
til sölu
Toyota Yaris árgerð 2001 er til sölu. Ekinn aðeins 92.000 km.
Sjálfskiptur, 4 dyra, skoðaður 2014.
Listaverð er kr. 580 þús en hægt er fá
bílinn á kr. 430 þús.staðgreitt. Upp-
lýsingar í síma 847 2779
Lesandi hafði samband:
Flottur árangur
Lesandi hafði samband við Reykjanes. Vildi að það kæmi vel fram hversu góður árangur
hefði náðst í að bæta lesskilning.
Nefndi sérstaklega nýjungar,sem
Guðbjörg Rut Þórisdóttir í Holtaskóla
hefði komið með. Guðbjörg Rut er
menntaður lestrarfræðingur frá Banda-
ríkjunum. Lesandinn nefndi einnig
frábært starf kennara á Suðurnesjum
til að ná þessum árangri. Þá vildi les-
andinn einnig að það kæmi fram að
lestrarömmurnar á vegum Félags eldri
borgara væru að vinna mjög gott starf
til að auka læsi.
Ályktun stjórnar Félags eldri borgar á Suðurnesjum:
Hugsað til framtíðar
Þessa dagana er verið að semja um að vista út rekstri hjúkr-unarheimilisins á Nesvöllum
og hugsanlega Hlévangs til Sjó-
mannadagsráðs Reykjavíkur. Við
sjáum ekki nauðsyn þess að stjórnun
hjúkrunarheimila verði í Reykjavík.
Farsælast er að hjúkrunarheimilin
verði áfram á ábyrgð og stjórnað af
Suðurnesjamönnum í framtíðinni enda
er stefnt að því að sveitarfélögin taki
yfir alla þjónustu við eldri borgara af
ríkinu á næstu árum. Best er að þjón-
usta við Suðurnesjamenn verði áfram
á ábyrgð og undir stjórn sveitarfélag-
anna á Suðurnesjum. Þannig fer saman
stjórn og ábyrgð á fjármálum auk þess
sem samvinna auðveldar frekari upp-
byggingu og fjölgun hjúkrunarrýma.
Við verðum að hugsa til framtíðar
þar sem eldri borgurum á Suðurnesjum
sem þurfa dvöl á hjúkrunarheim-
ilum fjölgar ört. Gert er ráð fyrir að
árið 2020, sex árum eftir að hjúkr-
unarheimilið á Nesvöllum verður
komið í rekstur verði líkur til þess
að milli 40 til 50 sjúkir eldri borgarar
verði á biðlista eftir þjónustu á hjúkr-
unarheimilum ef ekkert verður að gert.
Það á því að vera hlutverk sveitarfé-
laga á Suðurnesjum að hafa forystu
um að hefja nú þegar undirbúning
að byggingu hjúkrunarheimilis fyrir
60 til 80 íbúa.
Það er því skoðun Félags eldri
borgara á Suðurnesjum að enn skuli
reyna til fulls að ná samkomulagi um
samvinnu sveitarfélaganna um rekstur
hjúkrunarheimilanna og uppbyggingu
hjúkrunarheimila í framtíðinni.
Við skorum á þá sem bera ábyrgð á
þessum málum að snúa sér að því að ná
samkomulagi um að tryggja öldruðum
sjúkum heimili þegar viðkomandi
getur ekki dvalið heima vegna sjúk-
leika. Þörfin er mikil eins og skýrslur
sanna.
Samvinna er það sem gildir.
Samþykkt á stjórnarfundi Félags
eldri borgara á Suðurnesjum 22. ágúst
2013