Reykjanes - 03.10.2013, Blaðsíða 9
3. október 2013 9
Auglýsingasíminn er 578 1190
Netfang: auglysingar@fotspor.is.
Virkni barna og
unglinga í íþróttum
Börn og unglingar sem stunda íþróttir þurfa að fá næringu í samræmi við virkni sína. Það
þýðir samt ekki að þau eigi að fá sér
orkustengur eða gosdrykki. Í stað þess
ættu þau að hafa það sem reglu að fá
sér vatn og banana til að hafa þrek
og orku fyrir daginn. Hvert andartak,
hver hreyfing og sérstaklega hvert lík-
amsátak þarfnast orku. Því lengur og
ákafar sem er æft því meiri er hitaein-
ingaeyðslan. Börn og unglingar sem
æfa mikið þurfa að hafa næga orku
og næringarefni. Næringarskortur
getur leitt til þroskatruflana sem geta
svo leitt til veikinda. Góð og holl
næring er bráðnauðsynleg ungum
íþróttamönnum. Vítamín eru hins
vegar engin undraefni því óskipulögð
inntaka vítamína getur valdið alvar-
legum heilsufarsvandamálum. Best
er að ráðfæra sig við lækni ef inntaka
vítamína er talin nauðsyn. Til að ná
besta mögulega árangri í íþróttum
er ráðlegt að fá sér fimm til sex litlar
máltíðir á dag en forðast skal át rétt
fyrir keppni eða æfingu. Gott er að
nærast tveimur klukkutímum fyrir
íþróttaæfingu. Tilvalin næring er
ávextir og múslí og á milli leikja má
fá sér hnetur, múslístengur eða þurrk-
aða ávexti. Ekki má gleyma að drekka
nóg af vatni og einnig getur verið
gott að fá sér eplasafa. Síðast en ekki
síst er mikilvægt að foreldrar ungra
íþróttamanna séu virkir, meðal annars
með því að fylgjast með æfingum og
keppni. Foreldrar ættu auðvitað að
vera mestu aðdáendur barna sinna.
Almennar reglur um næringu snú-
ast um að borða nóg af jurtaríkum
mat, minna af dýraafurðum og lítið
af fituríkum mat. Aldurstengdir dag-
skammtar af hitaeiningum þurfa að
fara upp í 90% af orkuþörf líkamans.
Börn á aldrinum 10 til 12 ára ættu
að fá um það bil 2150 hitaeiningar á
dag, stúlkur á aldrinum 13 til 14 ættu
að fá 2200 hitaeiningar og strákar
á sama aldri um 2700 hitaeiningar.
Stúlkur frá 15 til 18 ára ættu að fá
2500 hitaeiningar daglega en drengir
hins vegar 3100. Um 55% allrar orku
líkamans kemur úr kolvetnum, korni,
kartöflum, núðlum og ávöxtum. Fita
er um það bil 30% orkunnar en hún
er fengin úr olíu, smjörlíki og smjöri.
Hin 15% orkunnar koma úr próteini,
mjólk, kjöti, fiski og eggjum. Ekki er
hægt að segja að einhver næringarefni
séu hollari en önnur. Hvaða næring
sem er getur í raun flokkast sem „holl-
usta“. Börn vita nákvæmlega hvað þau
vilja borða og hvað ekki. Ráðlegt er
að taka þau með út í búð að versla
til að kanna hvað verður fyrir valinu
hjá þeim. Stundum má líka fá sér
hamborgara sem inniheldur að vísu
mikið af hitaeiningum og fitu en það
má borða hann með grænmeti eða
salati og fá sér til dæmis ávexti eftir
á. Einnig er ráðlegt að fá sér lítinn
skammt af hráu fæði, til dæmis ferskt
salat eða ávexti fyrir hverja máltíð. Það
hefur góð áhrif á starfsemi þarma og
getur dregið úr hægðatregðu. Einn
þriðji daglegrar næringar ætti að vera
hrámfæði. Þarmarnir geta tekist á við
ýmislegt misjafnt en ekki of mikið á
heilli mannsævi.
Góð þarmahreinsun fæst meðal
annars með því að borða ferska og
þurrkaða ávexti, hrátt grænmeti,
hörfræ og sólblómafræ.
Draga má úr uppþembu í maga og
þörmum með neyslu á belgávöxtum,
lauk, hvítkáli, blómkáli, rauðkáli, geri,
nýbökuðu brauði og drykkjum sem
innihalda kolsýru.
Fæða sem hefur herpandi áhrif á
þarmastarfsemi eru bananar, hnetur,
möndlur, kókosmjöl, þurr ostur og
ekki síst súkkulaði.
Lyktarmyndandi fæðuvörur eru
egg, fiskur, kjöt, laukur og hvítlaukur
en trönuberjasafi, jógúrt og steinselja
draga úr lykt.
Ungar konur á fyrstu árum tíða-
blæðinga, ekki síst virkar íþrótta-
konur á frjósemisaldri, fá tíðaverki
og um það bil 10% kvenna upplifa
harða verki samfara tíðablæðingum.
Hugsanir um næstu blæðingar hvern
mánuð hjá stúlkum birtast oft í streitu,
Ungar konur á fyrstu árum tíðaverkja
vanlíðan og pirringi. Oftast eru það
efni sem líkaminn framleiðir sjálfur
sem hafa áhrif á vöðvasamdrátt í
legi þegar legslímhúðin losnar frá
en einnig gætu líffærasjúkdómar
haft áhrif þar á. Þá þarf að leita til
læknis. Þriðji þátturinn, sem skiptir
ekki síst máli, er sálræna og andlega
álagið sem kann að auka einkennin.
Til að forðast tíðaverki er gott að auka
inntöku járns nokkrum dögum áður
en blæðingar hefjast því járn eykur
blóðmyndun fyrir og á meðan á blæð-
ingum stendur. Járn fæst með neyslu
á kjöti, lifur, grænmæti og heilhveiti-
afurðum. Járninntaka hefur einnig
jákvæð áhrif á efnaskipti próteina.
Magnesíum hefur einnig áhrif á tíða-
verki. Bananar, hnetur og hýðishrís-
grjón auka magnesíum í líkamanum
sem getur hjálpað gegn tíðaverkjum.
Gott getur verið að fara í gufubað frá
þriðja degi blæðinga eða í heitt bað
frá öðrum degi því hlýja getur dregið
úr tíðaverkjum. Gamalt húsráð er að
setja hitapoka við kviðarhol nokkrum
sinnum á dag í 20 mínútur.
Vöðvaslakandi aðferðir eru í
raun allt sem tengist jóga og nuddi
en einnig geta æfingar eða leikfimi
hjálpað. Það er bæði gott fyrir vöðva
og öndun.
Birgitta Jónsdóttir Klasen
Náttúrulækningar
Heilsumiðstöð Birgittu
Hafnargötu 48a
Sumarlestur
2013 í Garði
Að vanda stóð bókasafnið í Garði fyrir svokölluðum sumarlestri á nýliðnu sumri.
Þá voru börnin hvött til að lesa sem
mest. Fjórir nemendur fengu sér-
stakar viðurkenningar en þeir lásu
flestar blaðsíður í sumar. Þeir eru
Amelía Björk Davíðsdóttir í 5. bk.
, Neil Einar Christian Einarsson í 7.
bk. , Bergsteinn Örn Ólafsson í 7. bk.
og Friðrik Smári Bjarkason í 5. bk.
Þessir nemendur lásu um 1000 til
1700 bls. í sumar. Nemendur fengu
viðurkenningar fyrir dugnaðinn. Alls
voru 42 börn skráð í sumarlestur-
inn, aðeins færri en í fyrra. Fjórir
heppnir þátttakendur hlutu einnig
viðurkenningar en það voru Amelía
Björk Davíðsdóttir í 5. bk. , Emelía
Hrönn Agullar í 3. bk. , Neil Einar
Christian Einarsson í 7. bk. og Tómas
Poul Einarsson í 4. bk. Kvenfélagið
Gefn gaf bókagjafir. (Heimasíða
Gerðaskóla)
Tvöfaldur regnbogi
Haraldur Hjálmarsson áhugaljós-myndari, sjómaður og golfari tók
þessa frábæru mynd af kirkjugarðinum
á Stað sem er staðsettur rétt vestan við
Grindavík og liggur að sjó. Eins og sjá
má er tvöfaldur regnbogi yfir kirkju-
garðinum.
Undanfarin ár hefur ötullega verið
unnið að stækkun og fegrun bæði garðs
og umhverfis. Gamli og nýi garðurinn
tengjast saman með litlu torgi þar sem
tvær styttur eru staðsettar. Önnur af Sr.
Oddi V. Gíslasyni og hin er minnisvarði
um horfna sjómenn.
(Heimasíða Grindavíkur)
Hressilegur söngleikur
í Frumleikhúsinu
Reykjanes leit við í Frumleik-húsinu eitt kvöldið í síðustu viku. Hópur ungs fólks var
þar á fullu að æfa söngleikinn Grís.
Það var líf og fjör á æfingunni. Frum-
sýning á verkinu verður á morgun
(föstudag) kl.20: 00. Önnur sýning er
á sunnudag kl.16: 00. Sýningar verða
svo auglýstar nánar. Spurðar um sýn-
ingarfjölda sögðu leikstjórarnir að
það færi alveg eftir aðsókn. Vonadi
kunna Suðurnesjamenn vel að meta
þetta, þannig að sýningar verði sem
flestar.