Reykjanes - 17.10.2013, Blaðsíða 4

4 17. október 2013
Matur eins og amma eldaði hann
Grindavík er kröftugt bæjarfélag. Þar er mikill fjöldi fyrirtækja. Eðli málsins samkvæmt snúast
þau mörg um vinnslu á sjávarafurðum.
Reykjanes stefnir á að kynna fyrirtækin
í Grindavík eitt af öðru í næstu blöðum.
Í þetta sinn heimsóttum við Viking-sjáv-
arfang. Fyrir hittum við Sigurð Stein-
þórsson en hann rekur fyrirtækið ásamt
syni sínum Antoni Sigurðssyni. Þetta er
fjölskyldufyrirtæki. Við höfum verið hér
í þessu húsnæði í tæp þrjú ár. Fjölskyldan
rekur svo veitingastaðinn Kaftein Cool
við Heiðarveg í Vestmannaeyjum.
Ellefu vörutegundir
Viking sjávarfang er með heljarinnar
mikla fjölbreytni í vinnslu á fiskinum.
Tvær tegundir af fiskibollum, fiskiklattar,
þeir einu sem framleiddir eru hér á landi,
plokkfiskur, grænmetisbollur Einnig er
boðið uppá nætursaltaðan þorsk og ýsu
í raspi.
Bollur án þess að innihalda
hveiti, mjólk eða egg
Sigurður sagði að vörur þeirra væru
keyptar á sjúkrahús t. . d Landspítalann
og sjúkrahúsið á Akureyri. Sigurður
sagði að þeir framleiddu vörur án þess að
í þeim væri hveiti, mjólk eða egg. Þetta
kæmi sér vel því margir væru með of-
næmi fyrir hveiti eða mjólkurafurðum.
Seljum fiskinn í IGS eldhús
Það eru margir stórir aðilar, sem kaupa
okkar vörur. IGS eldhús kaupir alla
fiskirétti af okkur. þeim hefur líkað
mjög vel við vörurnar. Um dreifingu
á vörunum sér Ásbjörn Ólafsson,
heildverslun. Við kaupum allan fisk af
Stakkavík, en hjá þeim fáum við úr-
valsfisk.
Fimm í vinnu
Viking sjávarfang er í um 100 fermetra
húsnæði og þar vinna 5 manns. Ótrúlegt
að sjá svona öfluga vinnslu í ekki stærra
húsnæði. Vinnudagurinn getur oft verið
langur sagði Sigurður. Öll vottun er til
staðar enda hreinlæti og snyrtimennska
til mikils sóma.
Meiriháttar matur
Við fengum framleiðsluvörur með
okkur heim til að prófa. Bollurnar og
fiskiklattarnir eru foreldaðir. Spennandi
var að prófa réttina. Þetta er alveg
meiriháttar. það er alveg ljóst að hráefnið
er nýtt og ferskt. Allt bragðaðist þetta
ljómandi vel og ekki skrítið að menn vilji
kaupa. Alveg á hreinu að vörurnar frá
Viking sjávarfangi slá í gegn. Vonandi
taka verslanir hér á Suðurnesjum við
sér og bjóða uppá þessar vörur.
S. J.
Kennarar frá fimm löndum
Reykjanes leit við í Víkinga-heima í síðustu viku. Fræðslu-skrifstofa Reykjanesbæjar var
með smá móttöku fyrir 18 kennara,
sem staddir voru hér frá fimm
löndum, Finnlandi, Frakklandi, Pól-
landi, Þýskalandi og Spáni.
Kennararnir vinna að Umhverfis-
verkefni ásamt kennurum héðan af
Suðurnesjum. Hópurinn var í Ak-
urskóla. Gestirnir fara í skólana og
kynna sitt land. Héðan hafa kennarar
farið í samskonar heimsóknir erlendis,
en sögðust eiga eftir að fara til Finn-
lands og Frakklands.
Við athöfnina flutti Dröfn Rafns-
dóttir, kennsluráðgjafi ávarp og síðan
fengu þau fræðslu um Víkingaskipið
Íslending.
Tónleikar
í Hljómahöllinni
Eiríkur Árni Sigtryggsson fæddist í Keflavík þann 14. September 1943.
Nam píanóleik hjá Ragnari Björns-
syni í Tónlistarskólanum í Keflavík.
Síðan lá leiðin í söngkennaradeild
Tónlistarskólans í Reykjavík og útskrif-
aðist hann sem söngkennari árið 1963.
Síðan hefur Eiríkur Árni stundað
tónlistarkennslu og önnur tónlistar-
störf.
Árið1965 tók hann þátt í námskeiði
í Handíða- og myndlistarskólanum
undir handleiðslu Kurt Zier skóla-
stjóra. og fékk við það kennsluréttindi
í myndlist.
Eiríkur Árni stundaði myndlist-
arnám hjá Valtý Pétursyni og Hring
Jóhannessyni, og hefur einnig starfað
sem myndlistarkennari og mynlistar-
maður, með margar einkasýningar að
baki.
Eiríkur Árni hélt til Bandaríkjanna
árið 1983 til frekara náms í tónlist.
Stundaði nám í tónsmíðum í Andrews
University og flutti sig síðan yfir í Man-
itobaháskóla. Þegar heim kom kláraði
hann nám við Tónfræðadeild Tónlist-
arskólans í Reykjavík árið 1989.
Síðan hefur Eiríkur Árni stundað
tónsmíðar ásamt kennslu. Hann hefur
samið fjölda tónverka m. a. sinfoníur,
strengjakvartetta, kórverk, orgelverk,
sönglög o. s. frv. Mörg verka Eiríks
Árna hafa verið flutt opinberlega. Sem
dæmi var fluttur Konsert fyrir enskt
horn og blásarasveit, á Myrkum músik-
dögum í vor sem leið.
Vegna 70 ára afmælis tónskáldsins
heldur hann tónleika í Hljómahöllinni
(Stapa) í Reykjanesbæ
Sunnudainn 27. október kl. 14: 00.
Enginn aðgangseyrir. Allir velkomnir.
Flutt verða 20 ný einsöngslög.
Flytjendur verða: Dagný Jónsdóttir
sópran og Richard Simm píanóleikari.
Sigurður með ungum starfsmanni, Sólmundi einarssyni. Fjórir skólakrakkar
skiptast á að mæta í tvo tíma til að pakka.
Sigurður sagði í spjallinu að stórsýning væri á þeirra vörum um mánaðamótin
hjá Ásbirni ólafssyni fyrir rekstraraðila stóreldhúsa.
Logóið, sem fyrirtækið notar til að kynna sínar vörur
www. fotspor.is