Reykjanes - 31.10.2013, Blaðsíða 4

4 31. október 2013
Verður nauðungar-
sölum frestað?
Elsa Lára Arnardóttir þingmaður Framsóknarflokksins hefur lagt fram fyrirspurn á Alþingi til
innanríkisráðherra varðandi frest á
nauðungarsölum,
1. Er ráðherra reiðubúinn að grípa til
aðgerða til að lengja samþykkisfrest
á nauðungarsölum að ákveðnum
skilyrðum uppfylltum meðan
beðið er aðgerða ríkisstjórnarinnar
í skuldamálum heimilanna og álits
EFTA-dómstólsins á lögmæti verð-
tryggingar á fasteignalánum sem
Hæstiréttur hefur óskað eftir?
2. Er ráðherra reiðubúinn að leggja til
að samþykkisfrestur verði lengdur
úr þremur vikum í sex mánuði þegar
um einstakling er að ræða sem á lög-
heimili í þeirri fasteign sem krafist er
uppboðs á vegna fasteignaveðlána?
Silja Dögg Gunnarsdóttir
Framsóknarflokk-
urinn ætlar svo
sannarlega að standa
við stóru loforðin
Silja Dögg Gunnarsdóttir þing-maður Framsóknarflokksins í Suðurkjördæmi hefur flutt
þingsályktunartillögu þess efnis
að Landhelgisgæslan verði flutt til
Keflavíkur. Reykjanes heyrði aðeins
hljóðið í Silju Dögg varðandi þetta
mál og fleiri.
Er þetta ekki bara sýndartillaga? Er
ekki tómt mál að tala um að Land-
helgisgæslan verði flutt. Þetta hefur
áður verið rætt. Ögmundur þáver-
andi ráðherra sló þetta harkalega út
af borðinu. Verður það ekki alveg sama
niðurstaðan núna?
"Nei, þetta er ekki sýndartillaga.
Mér dytti ekki í hug að leggja fram
þingsályktunartillögu nema að ég
hefði trú á henna. Það er rétt að þetta
hefur áður verið rætt en mér þykir
málið það gott að ég tel mikilvægt
að halda því á lofti. Að mínu mati
hefur framtíðarstaðsetning Land-
helgisgæslunnar ekki verið fundin.
Aðstaða þyrludeildarinnar á Reykja-
víkurflugvelli er óviðunandi og starf-
semin dreifð. Stækkunarmöguleikar
þar eru ekki til staðar en á Ásbrú er
nægt landrými og velvilji sveitarfélaga
á svæðinu til staðar. Njarðvíkurhöfn
væri alveg upplögð fyrir skipaflota
gæslunnar. Ég tel að með því að flytja
starfsemina á Ásbrú þá sé hægt að
bæta starfsaðstöðu Landhelgisgæsl-
unnar umtalsvert til framtíðar.
Ertu með einhver önnur mál á prjón-
unum til að leggja fram á Alþingi?
Ég hef þegar lagt fram þrjú frum-
vörp. Fyrsta frumvarpið fjallar um
breytingu á fánalögum en það fjallar
um að heimilt sé að nota þjóðfánann
við markaðssetningu á íslenskum
vörum. Annað frumvarp fjallar um
breytingar á fánatímanum, þ.e. að
hann megi vera uppi allan sólar-
hringinn yfir hásumartímann og
alltaf ef hann er flóðlýstur. Þriðja
frumvarpið fjallar um breytingar á
lögum um líffæragjöf. Nú eru lögin
þannig að gert er ráð fyrir að fólk vilji
ekki gefa líffærin sín nema að það hafi
skráð að það vilji gefa en ég vil breyta
lögunum þannig að það sé gert ráð
fyrir því að fólk vilji gefa líffæri (ætlað
samþykki) nema að það hafi skráð
að það vilji það ekki. Öll þessi mál
hafa verið flutt áður. Mér þykja þau
öll góð og vona að þau fáist samþykkt
á þessu þingi.
Ég hef einnig lagt fram nokkrar
skriflegar fyrirspurnir til ráðherra
varðandi sjúkraflug, sóknargjöld
og fangelsismál. Ég hef einnig verið
með fyrirspurn til ráðherra um hjúkr-
unarheimili á Suðurnesjum.
Hvernig er með atvinnumálin hér á
Suðurnesjum. Átti ekki allt að breytast
til hins betra með nýrri ríkisstjórn?
Hefur eitthvað breyst frá stopp stefnu
Vinstri stjórnarinnar?
Atvinnuleysi á Suðurnesjum fer
minnkandi, sem betur fer, og nú eru
mörg spennandi verkefni í pípunum.
Ég veit þó ekki hvort rétt sé að þakka
núverandi ríkisstjórn sérsaklega fyrir
það þar sem hún hefur einungis verið
við stjórnvölinn í sex mánuði, sem er
ekki langur tími. Fiskeldisfyrirtæki
hefur t.d. nýlega hafið starfsemi á
Reykjanesi, flugstöðin hefur verið
stækkuð verulega og þar eru miklir
vaxtamöguleikar varðandi atvinnu-
uppbyggingu, mikil gróska er hjá
nýsköpunarfyrirtækjum og öðrum
fyrirtækju á Ásbrú og einnig hjá ferða-
þjónustufyrirtækjum á svæðinu. Hvað
varðar framtíðina og samanburð við
vinstristjórnina þá er svarið já. Auð-
vitað mun folk finna fyrir breytingu
með nýrri ríkisstjórn. Núverandi rík-
isstjórn hefur m..a á stefnuskrá sinni
að einfalda starfsumhverfi fyrirtækja,
sérstaklega lítilla og meðalstórra. Ein-
falda allt relgluverk og skattkerfið. Ég
tel að það hljóti að verða til mikilla
bóta og efla atvinnulífið.
Nú eru liðnir 6 mánuðir frá því ríkis-
stjórn Framsóknarflokks og Sjálfstæð-
isflokks tók við völdum. Þau voru fögur
loforðin um skuldaleiðréttingu heimil-
anna og fleiri atriði sem áttu að koma
til hjálpar. Enn hefur ekkert bólað á úr-
ræðum. Munu mánuðirnar áfram líða
einn af öðrum án þess að nokkuð gerist.
Áfram er haldið að bjóða upp húsnæði
fólks,þannig að fleiri og fleiri lenda í
vandræðum.Ætlar Framsóknarflokk-
urinn virkilega ekki að standa við stóru
loforðin?
Fyrir sex mánuðum var undirrit-
aður stjórnarsáttmáli á milli Fram-
sóknarflokks og Sjálfstæðisflokks. Sá
sáttmáli er í fullu gildi við erum öll
að vinna samkvæmt honum. Ráð-
herrarnir okkar mun leggja fram
fjölmörg frumvörp á næstu vikum
og mánuðum sem ég tel að verði flest
öll til mikilla bóta, bæði fyrir heim-
ilin, fyrirtækin og fólkið í landinu.
Samkvæmt mínum upplýsingum þá
gengur vinna starfshópa um skulda-
léðréttingu og afnám verðtryggingar
mjög vel og er samkvæmt áætlun.
Skuldaléðréttingarhópurinn á að
skila af sér í nóvember. Engin loforð
hafa verið svikin og þau verða ekki
svikin. Til þess vorum við kosin og
við leggjum okkur öll fram við að
standa okkur.
Sveitarfélagið Vogar
Rekstur samkvæmt
áætlun og skuldir minnka
Um þessar mundir vinna sveitarfélög landsins að fjár-hagsáætlunum sínum fyrir
árið 2014. Dagana 3. og 4. október hélt
Samband íslenskra sveitarfélaga árlega
fjármálaráðstefnu sína, þar sem m.a.
voru kynntar helstu forsendur fyrir
næsta ár auk þess sem farið var yfir
rekstur og efnahag sveitarfélaganna í
landinu almennt. Góður árangur hefur
náðst þegar á heildina er litið, skuldir
hafa lækkað, tekjur aukist og útgjöld
minnkað. Fréttastofa RÚV flutti fréttir
af ráðstefnunni og vakti m.a. athygli
á því að sum sveitarfélög glímdu við
erfiðan rekstur og mikla skuldasöfnun,
að mati Sambands íslenskra sveitar-
félaga. Jafnframt var fullyrt að m.a.
Sveitarfélagið Vogar fengju ekki nægt
fé úr rekstrinum fyrir daglegum út-
gjöldum. Í tilefni þessa fréttaflutnings
vill sveitarfélagið koma eftirfarandi á
framfæri:
Rekstrarniðurstaða bæjarsjóðs
samkvæmt ársreikningi árið 2012 var
jákvæð (þ.e. tekjur umfram gjöld) um
tæpar 180 m.kr. Í sjóðsstreymisyfirliti
er rekstrarniðurstaðan leiðrétt vegna
liða sem ekki hafa áhrif á fjárhags-
streymi, þannig að fundin er stærðin
„Veltufé frá rekstri“. Sú tala var neikvæð
í ársreikningnum um 17 m.kr., eða sem
nemur 6,1% af tekjum. Af þessu má
ráða að rekstur bæjarsjóðs hafi ekki
átt fyrir daglegum útgjöldum. Frá
því er að segja að í upphafi þessa árs
(2013) kom loks til framkvæmda upp-
gjör við Eignarhaldsfélagið Fasteign
(EFF) í kjölfar fjárhagslegrar endur-
skipulagningar félagsins. Skuldbinding
vegna leigusamninga lækkuðu umtals-
vert, auk þess sem afsláttur fékkst af
leigugjöldum og var það afturvirkt til
miðs árs 2011. Við frágang ársreikn-
ings sveitarfélagsins fyrir árið 2012 var
ákveðið að taka einungis hluta fjár-
hæðarinnar sem kom til leiðréttingar
inn í rekstrarreikning ársins. Hinn
hlutinn var meðhöndlaður beint í fjár-
streyminu sem leiðréttingarfærsla. Við
útleiðingu á fyrrgreindu veltufé er hins
vegar öll fjárhæðin tekin með þ.m.t.
vegna fyrri ára. Hefði einvörðungu
verið tekin sú fjárhæð sem færð er á
rekstur hefði veltufé frá rekstri verið
jákvætt um 54 m.kr., en ekki neikvætt
um 17 m.kr. í samræmi við framsetta
fjárhagsáætlun er gerð var í maí sl.
við gerð viðauka við fjárhagsáætlun
vegna endurskipulagningar á EFF.
Þetta snýst því um framsetningu í
ársreikningi. Reikningsskilaaðferðir
og reikningsskilastaðla má túlka mis-
jafnlega, að mati sumra fagaðila er
jafnvel talið óeðlilegt að taka alla fjár-
hæðina út úr veltufé frá rekstri við gerð
sjóðsstreymis árið 2012, heldur ættu
rúmar 71 millj. kr. vegna niðurfell-
inga á viðskiptareikningi við EFF o.fl.
að fara sem breyting á svokölluðum
rekstrartengdum kröfum. Framsetning
þessi hefur engin áhrif á fyrri áætlanir
sveitarfélagsins, enda er handbært fé
frá rekstri ávallt hið sama hvaða fram-
setning sem valin er á fyrra árs leið-
réttingum vegna EFF.
Skuldahlutfall bæjarsjóðs er sagt
vera í fréttaflutningi 212% af tekjum,
en má samkvæmt fjármálareglum vera
150% af tekjum að hámarki. Hér ber
að hafa í huga að til eru tvö hugtök:
skuldahlutfall og skuldaviðmið. Þegar
skuldahlutfall er reiknað eru skuldir
bæjarsjóðs reiknaðar út sem hlutfall
af tekjum samkvæmt ársreikningi,
en þegar skuldaviðmið er reiknað er
hins vegar gert ráð fyrir peningalegum
eignum til lækkunar, samkvæmt heim-
ild í fjármálareglum sveitarfélaga. Í
tilviki Sveitarfélagsins Voga voru tæp-
lega 700 m.kr. inni í banka um síð-
ustu áramót, þ.e. eign Framfarasjóðs.
Skuldaviðmiðið í árslok 2012 er um
105%, en samkvæmt fjármálareglunum
er hámarksskuldaviðmið 150% eins
og áður segir og því stenst sveitarfé-
lagið það viðmið og gott betur. Fyrr á
þessu ári keypti sveitarfélagið fasteignir
Stóru-Vogaskóla af EFF, kaupverðið var
um 630 m.kr. Kaupverðið var staðgreitt
án þess að tekin væru lán, inneignin í
Framfarasjóði var nýtt til að fjármagna
kaupin. Fyrir liggur því að raunveru-
legt skuldahlutfall er nú þegar komið
niður undir 100%. Í árslok 2014 mun
sveitarfélagið væntanlega leysa til sín
fasteignir Íþróttamiðstöðvarinnar af
EFF, þá er gert ráð fyrir lántöku að fjár-
hæð 400 m.kr. Það er líka rétt að árétta
að sveitarfélagið skuldar engar lang-
tímaskuldir, einungis leigusamninga
við EFF og Búmenn (um 236 m.kr).
Eftir að búið er að kaupa fasteignirnar
af EFF eru því skuldir sveitarfélagsins
áætlaðar um 636 m.kr., eða um 95%
af tekjunum.
Reksturinn árið 2013 er í öllum
meginatriðum í samræmi við fjár-
hagsáætlun, sem gerir ráð fyrir að
rekstrarniðurstaðan verði jákvæð um
tæpar 4 m.kr. og að veltufé frá rekstri
verði jákvætt um 83 m.kr. Skuldir
sveitarfélagsins hafa nú þegar lækkað
á árinu um 630 m.kr. og því vel innan
viðmunarmarka.
Samantekið í stuttu máli:
1. Reksturinn er í járnum en réttu
megin við strikið
2. Veltufé frá rekstri í árslok 2013
verður jákvætt (u.þ.b. 10% af tekjum)
3. Skuldir sveitarfélagsins eru nú þegar
vel innan viðmiðunarmarka fjár-
málareglna sveitarstjórnarlaganna.
Ásgeir Eiríksson, bæjarstjóri
elsa Lára Arnardóttir
Vel launuð störf
til Reykjavíkur
Atvinnu- og hafnarráð Reykjanes-bæjar lýsir yfir áhyggjum á færslu
vel launaðra starfa hjá Isavia í aðal-
flugumsjón frá Keflavíkurflugvelli til
Reykjavíkur.
Mest til
menningar-
mála í Garði
Sveitarfélögin eru á mjög svip-uðu róli þegar kemur að því hve
miklu er varið til menningarmála.
Garðurinn hefur þar vinninginn
hvað varðar framlag á hvern íbúa.
Skoðum þetta.
Garður kr. 26.574 á íbúa.
Grindavík kr. 19.347 á íbúa.
Reykjanesb. kr. 19.200 á íbúa.
Sandgerði kr. 22.448 á íbúa.
Vogar kr. 23.933 á íbúa.
Reykja neshöfn tekur lán
Á fundi bæjarstjórnar Reykjanes-bæjat 15.október s.l. var sam-
þykkt að veita óskipta ábyrgð vegna
láns sem Reykjaneshöfn tekur hjá
Lánasjóði sveitarfélaga. Upphæðin
sem Reykjaneshöfn tekur að láni er
kr. 55 milljónir.