Reykjanes - 14.11.2013, Blaðsíða 9

14. nóvember 2013 9
Jólaveisla á Ránni
Ráin er einn þekktasti veitinga-og skemmtistaður á Suðurnesjum. Reykjanes leit við einn daginn
og hitti Vífil eiganda og rekstraraðila
Ránnar. Við erum að sigla inní 25 árið
sagði Björn Vífill Þorleifsson. Ég hef
verið svo heppinn að hafa ávallt úrvals-
fólk og fagfólk í vinnu hjá mér.
Nú nálgast jólin og eins og síðustu
ár býður Ráin upp á glæsilegt jólahlað-
borð. Réttara að segja að hér væri á
ferðinni jólaveisla því auk hlaðborðsins
er boðið uppá topp skemmtun. Í ár er
það Helgi Björns, sem ætlar að sjá um
að skemmta gestum.
Helgarnar sem með jólahlaðborði og
skemmtun eru: 29. og 30. nóv. ,6. og 7.
des og 13. og 14. des.
Vífill og Mark Kr. Brink matreiðslu-
meistari sögðu mér aðeins frá jólahlað-
borðinu. Þar er boðið upp á glæsilegar
og fjölbreyttar kræsingar.
Vífill sagði að í desember væri jafn-
framt boðið uppá jólakabarétt disk í
hádeginu. Einstalega hagstætt verð.
Eins og vegfarendur sjá sem eiga leið
framhjá Ránni er boðið uppá flottan
hádgeismatseðil á hagstæðu verði.
Það er alveg sérstöl tilfinning að sitja
inni í hinu gallega veitingasal með fal-
lega útsýnið yfir Flóann.
Hér koma myndir frá Ránni, þar sem
m. a. eru þeir Vífill Þorleifsson og Mark
Kr. Brink fyrir framan auglýsingaskiltið
um jólaveisluna.
Myndlistarsýning
í Álfagerði
Mánudaginn 4. nóvember kl. 13: 30 opnar mynd-listarsýning í Álfagerði
í Vogum. Sýningu lýkur miðviku-
daginn 8. janúar. Sýnendur eru
Sigrún Guðmundsdóttir og Jesús
Loayza.
Sigrún Guðmundsdóttir fæddist
árið 1942 í Reykjavík. Hún nam
myndlist við Statens Kunstakademi
í Osló. Hún kenndi til fjölda ára í
Myndlistaskólanum í Reykjavík og
Myndlista- og handíðaskóla Íslands/
Listaháskóla Íslands þar sem hún
var skorarstjóri skúlptúrskorar í
níu ár. Sigrún vinnur í ýmis efni þó
fyrst og fremst í málm og tré. Hún
hefur tekið þátt í fjölmörgum sýn-
ingum hér á landi og erlendis. Hún
er stofnfélagi og heiðursmeðlimur í
Myndhöggvarafélaginu í Reykjavík.
Sigrún sýnir hér módelstúdíur þar
sem hún reynir að fanga augnablikið,
hreyfingu og form.
Jesús Loayza fæddist í Callao í
Perú árið 1972. Hann nam myndlist
við listaháskólann Escuela Nacional
Superior Autónoma de Bellas Artes
del Perú. Í Perú vann hann jafnt að
myndlist og forvörslu listaverka.
Hann vinnur verk sín í ýmsa miðla
svo sem olíuliti, blek, teikningu,
málma og svo mætti áfram telja.
Hann hefur sýnt á fjölmörgum
stöðum hér á landi sem og erlendis.
Myndir Jesús eru portrettmyndir
sem sýna ljóðræna túlkun hans á
frumbyggjum heimalandsins Perú.
Allir velkomnir.
Sýningin er opin mánudaga,
þriðjudaga og fimmtudaga milli kl.
13 og 17. Mynd: Jesús Loayza – Ung
stúlka frá Perú
Hátækni gróðurhús
með 125 ný störf
Hollenska fjárfestingafyrir-tækið EsBro hélt nýlega opinn
kynningarfund í
Grindavík um fyr-
irhugað hátækni
tómatagróðurhús
vestur af Grindavík.
Gróðurhúsið er engin
smá smíði eða 15 hektarar sem
lætur nærri að vera 20 fótboltavellir
að stærð. Er hér um risa fjárfestingu
að ræða eða nokkra milljarða króna.
Til stendur að framleiða tómata til
útflutnings, aðallega til Bretlands.
Róbert Ragnarsson bæjarstjóri
opnaði fundinn og fór yfir stöðu
skipulagsmála. Starfsemin er í sam-
ræmi við aðalskipulag Grindavíkur-
bæjar, en deiliskipulagsvinna er fyrir
höndum. Hollendingarnir hafa sótt
um tæplega 28 ha lóð á iðnaðarsvæði
I5.
Fram kom í máli fulltrúa EsBro
Investment Group að fyrirtækið er
skráð í Hollandi og hefur áður komið
á fót sambærilegum verkefnum
Þýskalandi og Úkraínu. Það sérhæfir
sig í fjárfestingu í matvælaiðnaðinum
og þá sérstaklega í gróðurhúsum.
Ástæða þess að fyrirtækið lítur til
Íslands er græn og ódýr orka, hér er
starfsfólk fyrir hendi en talið
er að tómatagróðurhúsið
veiti um 125 manns at-
vinnu. Lagði fulltrúi
EsBro áherslu á að
um spennandi störf
væri að ræða í há-
tækni gróðurhúsum.
Grindavík varð fyrir
valinu þar sem samgöngur eru góðar
og gott aðgengi að orku.
Mikill hugur er í Hollendingunum.
Deiliskipulagsvinna fer bráðlega í
gang og vilja þeir hefja framleiðslu
næsta haust ef allt gengur upp. Í
kynningu fyrirtækisins á umhverfis-
áhrifum gróðurhúsanna kom fram
að með þeirri byggingutækni sem
þeir ráða yfir muni þeim takast að
skerma 95 til 99% ljósmengunar og
hún sé því óveruleg. Þá verður ekki
kveikt á ljósum í gróðurhúsum allan
sólarhringinn því slökkt verður að
meðaltali í 6 klukkutíma á hverjum
sólarhring. Gert er ráð fyrir að vatn
sé endurnýtt og því verði affall lítið
sem ekkert frá gróðurhúsinu og það
því sjálfbært hvað það varðar.
Líflegar umræður voru að loknum
erindunum. Fyrst og fremst var það
ljósmengun sem fundargestir spurðu
um sem og nálægð við golfvöllinn.
Grindavík:
115 milljóna
króna afgangur
Við fyrri umræðu um fjár-hagsáætlun Grindavíkur-bæjar 2014-2017 kom
fram að áætlað er að um 115 millj-
óna króna afgangur verði af rekstri
samstæðu. Veltufé frá rekstri verði
325 milljónir og eigið fé samstæðu
7.908 milljónir. Enn er nokkur óvissa
um framlög Jöfnunarsjóðs sveitar-
félaga og einstaka gjaldaliði sem
munu skýrast fyrir síðari umræðu,
ásamt áætlun um framkvæmdir og
fjárfestingar.
Forseti bæjarstjórnar lagði til að
boðað verði til íbúafundar þann 11.
nóvember næstkomandi þar sem
fjárhagsleg staða sveitarfélagsins
verði kynnt og helstu atriði fjár-
hagsáætlunarinnar. Síðari umræða
í bæjarstjórn verður 26. nóvember
næstkomandi.
(Heimasíða Grindavíkur)