Læknablaðið - 15.04.1995, Blaðsíða 14
298
LÆKNABLAÐIÐ 1995; 81
magaslímhúð, en það hefur verið ýmsum vand-
kvæðum bundið. Bestur árangur hefur náðst
með þriggja lyfja meðferð og oftast er beitt
metrónídazóli, bismút og annað hvort amox-
icillíni eða tetracýklíni (5). Pessi meðferð er oft
erfið. Hún er gefin í 10-14 daga og samkvæmt
íslenskri rannsókn fá um 70% sjúklinganna
aukaverkanir (6). Það er því þörf á styttri með-
ferð með færri aukaverkunum.
Fleroxacín er nýtt lyf af kínólónflokki, sem
hefur góða virkni gegn H. pylori in vitro (7).
Helmingunartími er langur og nægir því að
gefa lyfið einu sinni á dag. Höfundum er ekki
kunnugt um að fleroxacín hafi verið reynt gegn
H. pylori sýkingu in vivo.
Azitrómýcín er nýtt lyf af flokki svokallaðra
azalíða, sem hefur óvanalega lyfjafræðilega
hegðun. Lyfið er mjög raflilaðið í líkamsvökva,
en þegar það fer inn í frumur missir það hleðsl-
una og binst eggjahvítu. Þéttni lyfsins verður
því mjög há inni í frumunum. Talið er líklegt að
lyfið skiljist út með magaslíminu í nægjanlegu
magni til að verka á bakteríur, en eitt aðal-
vandamálið við meðferð á H. pylori er að
koma lyfinu inn í slímið þar sem bakterían
heldur sig. Sýnt hefur verið fram á að einn
skammtur af azitrómýcíni nægir til að lækna
Chlamydia trachomatis kynfærasýkingu (8,9).
Azitrómýcín er mjög virkt gegn íslenskum
stofnum af H. pylori in vitro (10).
Það þótti því álitlegur kostur að reyna þessi
tvö lyf saman í meðferð gegn H. pylori. Jafn-
framt var talið æskilegt að gefa ómeprazól,
bæði vegna sára eða sýrutengdra óþæginda
sem sjúklingarnir höfðu, svo og til að bæta
aðgengi og þannig virkni lyfjanna í magaslím-
húð með því að hækka sýrustigið.
Efniviður og aðferðir
Sautján sjúklingar (10 karlar og sjö konur)
voru teknir til meðferðar, meðalaldur var 50 ár
(±4,5 SD). Inntökuskilyrði voru að sjúklingur
væri almennt hraustur fyrir utan magavanda-
mál, tæki engin lyf og að blóðgildi væru eðlileg
fyrir kreatínín, ASAT, GGT, sökk og blóð-
rauða. Efri hluti meltingarvegar var speglaður
og þurftu magasýni að vera jákvæð á úreasa
prófi (CLOtest, Delta West Pty Ltd, Western
Australia) og við ræktun á H. pylori á Skirrows
æti. Ræktun og greiningar voru gerðar á sýkla-
fræðideild Landspítalans, eins og lýst hefur
verið áður (11). Atta sjúklingar höfðu skeifu-
garnarsár, einn magasár og átta meltingarónot
án sára (non-ulcer dyspepsia). Eftirfarandi
meðferð var veitt; 40 mg ómeprazól (Losec®,
Hassle) voru gefin að morgni á fyrsta degi til 14
dags; 250 mg x 2 azitrómýcín (Zitromax®)
voru gefin á sjöunda og áttunda degi; 400 mg x
1 fleroxacín (Quinodis®) voru gefin að morgni
á sjöunda degi til 14 dags. Sjúklingar voru
skoðaðir aftur þremur mánuðum eftir að með-
ferð lauk og var þá speglun endurtekin svo og
blóðpróf. Uppræting á H. pylori var talin hafa
tekist ef bæði úreasa próf og ræktun á H. pylori
voru neikvæð. Sjúklingar voru beðnir að skrá
allar aukaverkanir á kvarða 0-4 sem mældi stig
á eftirfarandi hátt: 0 = engar aukaverkanir; 1
= vægar aukaverkanir, trufluðu dagleg störf á
engan hátt; 2 = aukaverkanir í meðallagi,
trufluðu dagleg störf lítillega; 3 = aukaverkan-
ir trufluðu dagleg störf verulega, en sjúklingar
gátu samt sinnt vinnu; 4 = óbærilegar auka-
verkanir, meðferð hætt. Sjúklingar skiluðu
lyfjaumbúðum til staðfestingar lyfjatöku.
Table I. H. pylori status in relation to diagnosis three months
after treatment.
Non-ulcer dyspepsia Peptic ulcer Total
H. pylori positive 7 4 11
H. pylori negative 1 (13%) 5 (56%) 6 (35%)
Table II. Accumulated side effect score (score per day times
number of days) in relation to diagnosis.
Non-ulcer dyspepsia Peptic ulcer
Constipation 35 0
Nausea 23 6
Abdominal distention 13 0
Diarrhoea 7 0
Tiredness 6 0
Heartburn 4 2
Sleep disturbance 3 2
Perspiration 3 0
Dizziness 3 0
Vomiting 1 0
Flatulence 0 11
Total 98 21
Mean score per patient 12.3 2.3
U = 80; p<0.01