Læknablaðið - 15.09.1995, Blaðsíða 53

LÆKNABLAÐIÐ 1995; 81
685
Sérhæfð hópmeðferð algengra
heilsufarsvandamála í Heilsustofnun
NLFÍ í Hveragerði
Auk heföbundinna einstak-
lingsmeðferða mun í byrjun
september næstkomandi hefjast
að nýju að loknu sumarhléi
skipulögð hópmeðferð sem nú
er komin nokkur reynsla á. í
boði er:
* Hópmeðferð á sjúklingum
með óþægindi frá baki.
* Endurhæfing hjartasjúk-
linga.
* Offitumeðferð.
Um er að ræða fjögurra vikna
áætlanir þar sem dvalargestir
fylgja ákveðinni stundaskrá í
hópi þar sem beitt er lækning-
um, þjálfun og fræðslu. Auk
hópmeðferðar er boðið upp á
einstaklingsmeðferð samkvæmt
fyrirfram gerðri áætlun fyrir
hjartasjúklinga og þá sem eiga
við alvarlegt offituvandamál að
stríða eða samsafnaða þætti
kransæðasjúkdóma. Konum
með áreynsluþvaglekavanda-
mál er til dæmis boðið upp á
æfingameðferð og fræðslu.
Pá verður fljótlega hafin
skipulögð endurhæfing krabba-
meinssjúklinga samkvæmt fyrir-
fram gerðri áætlun og verður í
fyrstu í samvinnu við krabba-
meinsdeild Landspítalans boðið
upp á meðferð fyrir konur sem
nýlega hafa greinst með brjósta-
krabbamein.
I október verður til reynslu
boðið upp á skipulagða hóp-
meðferð fyrir þá sem hlotið hafa
hálshnykk.
Allar þessar áætlanir byggjast
á samvinnu fagfólks og sérfræð-
inga hvers á sínu sviði og er rík
áhersla lögð á að dvölin verði
hvati fyrir einstaklinga til að
halda áfram eigin þjálfun.
Læknum verða sendar ítarlegar
niðurstöður um gang meðferð-
arinnar að henni lokinni.
Óski læknar eftir frekari upp-
lýsingum um þessa þjónustu
Heilsustofnunar eða aðra með-
ferðarmöguleika er þeim vin-
samlegast bent á að hafa sam-
band við Guðrúnu Magnúsdótt-
ur læknaritara eða Guðmund
Björnsson yfirlækni í síma 483-
0300.
Nýtt stjórnarfyrirkomulag hjá FÍLÍS
Sú nýbreytni var tekin upp
síðastliðinn vetur að hafa
stjórn Félags íslenskra lækna
í Svíþjóð (FÍLÍS) svæðis-
bundna. Var þetta fyrst og
fremst gert til að spara
ferðakostnað og auðvelda
stjórnarstörf. Þetta fyrir-
komulag hefur gefist mjög
vel og var félagsstarfið
óvenju mikið í vetur, bæði
hvað varðar fundahöld og
útgáfu fréttabréfs. Stjórnin
er nú skipuð meðlimum frá
Uppsala-Stokkhólmssvæð-
inu. Stjórnina skipa: Dóra
Lúðvíksdóttir formaður,
Hans Beck ritari, Sif Orm-
arsdóttir gjaldkeri, Hildur
Einarsdóttir og Sigurveig
Pétursdóttir meðstjórnend-
ur.
Stjórn FÍLÍS 1994-1995. Frá vinstri: Sif Ormarsdóttir, Hildur Ein-
arsdóttir, Hans Beck, Dóra Lúðvíksdóttir og Sigurveig Pétursdóttir.