Dagblaðið Vísir - DV - 11.07.2007, Blaðsíða 27

Beckham-
fjölskyldan
spennt
Synir Beckham-hjónanna Victoriu og
Davids halda að fjölskyldan sé að fara
að flytja í Disneyland. Victoria
Beckham sagði í viðtali á dögunum
að hinn átta ára gamli Brooklyn sé
svo spenntur að hann haldi virkilega
að nýja heimilið þeirra verði í Disney-
skemmtigarðinum. „Við erum öll svo
spennt yfir því að vera að flytja.
Strákarnir halda að við séum að flytja
í Disneyland,“ sagði Victoria.
Beckham-hjónin hafa nú þegar keypt
sér hús sem kostaði um 1,3 milljarða
króna í sama hverfi og vinir þeirra
Tom Cruise og Katie Holmes búa í.
Sony-fyrirtækið stendur í stórræðum þessa dagana vegna Playstation 3 vélarinnar:
Kvikmyndaþjónusta í Playstation 3?
Í fyrradag tilkynntu forsvars-
menn Sony um verðlækkun á nýju
Playstation 3 vélinni. Verðlækk-
unin var veruleg og nam hún alls
100 dollurum á Bandaríkjamark-
aði, sem jafngildir um sex þúsund
krónum hérlendis. Ekki hefur ver-
ið ákveðið með verðlækkunina hér
á landi en tilkynningar er að vænta
frá Sony á morgun sem gæti leitt til
verðlækkunar hérlendis.
Þetta eru þó ekki einu breyting-
arnar sem er að vænta frá Sony því
sterkur orðrómur er uppi um að
Sony hyggist innan skamms bjóða
eigendum Playstation 3 upp á nýja
þjónustu. Þjónustan felur í sér að
eigendur geta sótt kvikmyndir og
sjónvarpsþætti, beint af netinu í
gegnum tölvuna. Talsmaður Sony,
N‘Gai Croal, lýsti þessu yfir í viðtali
við Newsweek á dögunum. Croal
sagði að tilkynningar væri að vænta
frá Sony innan skamms. Hann sagði
jafnframt að upplýsingarnar yrðu
þó af skornum skammti þar sem
þetta er aðeins á byrjunarstigi. Sony
tilkynnti einnig á dögunum að það
ætli að bjóða upp á nýja vél með 80
gígabæta hörðum diski. Auk þess
á öllum tölvum að fylgja leikurinn
MotorStorm. Þykir líklegt að þetta
sé gert með það í huga að auka sölu
tölvunnar sem hefur verið nokkuð
undir væntingum fyrirtækisins.
Í nóvember síðastliðnum til-
kynnti Microsoft um að það hygð-
ist bjóða upp á svipaða þjónustu
fyrir Xbox 360 vélina. Sú þjónusta
gerir eigendum vélarinnar kleift
að kaupa sjónvarpsþætti eða leigja
kvikmyndir í gegnum netið. Í sum-
um tilfellum er boðið upp á hina
nýju háskerputækni, sem verið hef-
ur að ryðja sér til rúms undanfar-
in misseri. Forsvarsmenn Micros-
oft sögðust einnig ætla að stækka
iTunes-þjónustuna umtalsvert og
gera hana notendavæna fyrir eig-
endur PSP-tölvanna. Átti sú tækni
að gera eigendum PSP kleift að geta
sótt tónlist og kvikmyndir í gegn-
um forritið. Ekkert hefur heyrst frá
Microsoft varðandi þá hugmynd frá
því í marsmánuði.
einar@dv.is
Það hafa margar sálir beðið
óþreyjufullar eftir deginum í dag
því klukkan 14 verður myndin um
Harry Potter og Fönixregluna frum-
sýnd í Sambíóunum við Álfabakka.
Myndin hefur nú þegar verið forsýnd
í Japan, Bandaríkjunum og Bret-
landi. Ef marka má einkunnagjöf frá
kvikmyndavefnum IMDb.com er
myndin sú besta hingað til. Myndin
um Fönixregluna er sú fimmta í röð
Harry Potter-myndanna og fylgjumst
við nú með Harry Potter, Ron Weasl-
ey og Hermione Granger á fimmta ári
í Hogwarts-galdraskólanum.
Harry er nú orðinn 15 ára gam-
all og ýmislegt nýtt gerist hjá honum
og félögum hans. Í myndinni lendir
Harry í vandræðum við Quidditch-
liðið auk þess sem hann þarf að þreyta
erfitt próf í skólanum. Auk þess hvílir
ógnin frá Voldemort þungt á öxlum
Harrys, en eftir 14 ár hefur Voldem-
ort nú hlotið fullan styrk. Töframála-
ráðherrann Cornelius Fudge stofnar
nýtt varnarlið innan Hogwarts-skól-
ans ásamt töfrakennaranum Dolores
Umbridge, sem hægt og bítandi fer
að taka yfir skólann með stuðningi
frá ráðuneytinu. Unglingahormón-
arnir eru einnig farnir að setja strik
í reikninginn hjá Harry sem fær sinn
fyrsta koss í myndinni.
Það er óhætt að segja að spenn-
an sé í algleymingi í þessari fimmtu
mynd um Harry Potter og ævintýri
hans. Leikstjóri myndarinnar að
þessu sinni er David Yates sem hef-
ur að mestu leikstýrt sjónvarpsþátt-
um á ferli sínum. Hann mun einnig
sjá um leikstjórnina í næstu mynd
um Harry Potter sem væntanleg er
á næsta eða þarnæsta ári. Tökur á
myndinni stóðu yfir í nánast eitt ár
en þær hófust í janúar á síðasta ári
og lauk þeim rétt fyrir síðustu jól. Við
gerð myndarinnar var engu til spar-
að og er áætlað að heildarkostnaður-
inn við myndina hlaupi á tíu til tólf
milljörðum króna. Það má búast við
því að myndin verði fljót að ná upp
í kostnaðinn, því síðasta myndin um
Harry, sem kom út árið 2005, hal-
aði inn um átján milljörðum króna í
kvikmyndahúsum í Bandaríkjunum
einum saman.
Eins og áður segir hefur mynd-
in öllu jafna fengið góðar viðtökur.
Breska blaðið The Telegraph sagði
meðal annars að myndin væri sú
drungalegasta hingað til og jafnframt
sú besta. Sunday Mirror gaf mynd-
inni auk þess fjórar stjörnur af fimm
mögulegum og sagði að hún væri
eins og dökkt og ljúffengt konfekt.
Hvað sem því líður munu ungir jafnt
sem aldnir flykkjast í kvikmyndahús
landsins til að berja myndina augum.
Auk Sambíóanna Álfabakka verður
myndin sýnd í Smárabíói, Regnbog-
anum, Kringlubíói, Sambíóunum
Keflavík og á Akureyri. einar@dv.is
Ryan Seacrest
brast í grát
Það var mikið um dýrðir í brúðkaupi
þeirra Evu Longoria og Tonys Parker.
Það var ekki eingöngu mikið um
dýrðir því dramatíkin var einnig
allsráðandi. Þannig brast Idol-
kynnirinn Ryan Seacrest í grát þegar
hjónin dönsuðu brúðarvalsinn. „Tony
dýfði Evu niður og dró hana svo strax
aftur upp og kyssti hana munúðarfull-
um kossi. Eftir það hélt ég ekki lengur
út og ég grét eins og lítið barn. Ég stóð
við hliðina á Teri Hatcher og Jessicu
Alba og þær hlógu bara að mér,“ sagði
hinn auðmjúki Ryan Seacrest.
Scarlett mætt
til Barcelona
Tökur á nýjustu mynd Woodys Allen
eru hafnar en endanlegt heiti
myndarinnar hefur enn ekki verið
ákveðið. Í fyrradag fóru tökur fram á
ströndinni í Barcelona þar sem
Scarlett Johansson skartaði sínu
fegursta. Þetta er þriðja Woody-
myndin sem Scarlett leikur í en áður
hefur hún leikið í myndunum Match
Point og Scoop eftir leikstjórann
geðþekka. Auk Scarlett Johansson
leika í myndinni Pénelope Cruz og
spænski leikarinn Javier Bardem.
VANDLEG GUSA
AF ÖRLÖGUM
miðvikudagur 11. júlí 2007DV Bíó 27
Playstation 3 Hefur lækkað í verði en
Sony vill auka söluna enn frekar og ætlar
nú að bjóða upp á kvikmyndaþjónustu.
Í dag verður fimmta myndin um
Harry Potter frumsýnd. Í mynd-
inni lendir Harry í ýmsum ævin-
týrum og fær meðal annars sinn
fyrsta koss. Myndin er af mörg-
um talin vera sú besta hingað til
og jafnframt sú drungalegasta.
Harry Potter myndin um Harry Potter og Fönixregluna verður frumsýnd hér á landi í dag.
DRUNGALEGUR
HARRY POTTER
FRUMSÝNDUR