Læknablaðið : fylgirit - 01.02.1980, Blaðsíða 21

19
börn, sem hlotið hafa heilaskaða af þess-
um ástæðum síðastliðna tvo áratugi.
Fyrsta barnið fæddist 1959 utan sjúkra-
húss og var flutt á Barnaspítala Hrings-
ins fjögurra sólarhringa gamalt, þá þeg-
ar með ákveðin einkenni um heilaskaða.
Tvö börn, sem fæddust á Fæðingadeild
Landspítalans, hlutu heilaskaða. Fæddist
fyrra barnið 1962, en hið síðara 1970. Voru
gerð blóðskipti hjá börnunum, en í báð-
um tilvikum of seint, þannig að komin
voru einkenni um heilaskaða, er blóðskipti
fóru fram.
Heilaskaði er sjaldgæf dánarorsök hjá
börnum með Rhesus-sjúkdóm. Flest þeirra
lifa langa æfi. Algengustu dánarorsakir
hjá börnum með Rhesus-sjúkdóm, jafnt
andvana sem lifandi fæddum, eru blóð-
leysi (anaemia gravis) og bjúgur (hydrops
foetalis).
10,10 Eftirlit með börnum með
Rhesus-sjúkdóm
Rhesus-mótefni, sem berast frá móður
til barns um fylgjuna á meðgöngutíman-
um, eru allt að 4-7 vikur að hverfa úr
líkama barnsins eftir fæðinguna. Höfuð-
einkenni Rhesus-sjúkdómsins eru að vísu
um garð gengin, þegar á fyrstu vikunni
eftir fæðingu. Mótefnin í líkama barnsins
halda þó áfram að brjóta niður rauð blóð-
korn meðan þau eru til staðar, og valda
með því móti blóðleysi, sem getur náð því
marki, að gefa þurfi barninu blóð.
Eftirlit með þessum börnum fyrstu vik-
urnar eftir fæðingu er því nauðsynlegt,
eða þar til sýnt er, að mótefni eru horfin
og blóðrauði fer vaxandi á ný.
Haft hefur verið náið eftirlit með öllum
börnum, sem fæðst hafa á Fæðingadeild
Landspítalans með Rhesus-isjúkdóm allt
frá árinu 1961.
Öllum þorra þessara barna hefur reitt
vel af. Nokkur þeirra hafa þurft á blóð-
gjöf að halda, en þeim síðan vegnað vel.
Rhesus-sjúkdómurinn er úr sögunni um
leið og mótefni eru horfin úr líkama barns-
ins og gætir hans aldrei efiir það.
Gera má ráð fyrir, að afdrif barna með
Rhesus-sjúkdóm, er hlotið hafa viðeigandi
meðferð, séu hin sömu og annarra heil-
brigðra barna.
Fyrirhuguð er könnun á heilsufari allra
þeirra einstaklinga, er fæðst hafa með
Rhesus-sjúkdóm á Fæðingadeild Land-
spítalans síðan 1961 og mögulegt reynist
að ná til.
Markmið þessarar könnunar verður að
athuga andlega og líkamlega heilbrigði
þessara einstaklinga, til mats á þeirri með-
ferð og eftirliti, sem þeir hafa hlotið.