Læknablaðið : fylgirit - 15.07.1995, Blaðsíða 4

Mynd af Erlingi tekin í mars 1994.
Formálsorð
Fyrir allmörgum árum, þegar Þorvaldar Veigar
Guðmundsson var formaður Læknafélags ís-
lands, var skipuð nefnd á vegum félagsins til þess
að eiga viðtöl við eldri lækna og varðveita þannig
ýmsa vitneskju um líf þeirra og störf. Var annar
okkar, Tryggvi, einn nefndarmannanna og varð
það kveikjan að því að við ákváðum að ræða við
Erling Þorsteinsson háls-, nef- og eyrnalækni.
Þorkell hafði notið læknishjálpar Erlings ára-
tugum áður og orðið hún minnisstæð. Þóttumst
við vita það, sem síðar kom á daginn, að Erlingur
hefði frá mörgu að segja. Áttum við þrjú viðtöl
við hann, hin fyrstu tvö síðdegis laugardagana 21.
október og 16. desember árið 1989, en hið síðasta
13. janúar 1990, einnig á laugardegi. Þau fóru
fram á heimili annars okkar (ÞJ) og konu hans
Esterar Eggertsdóttur, að Oddagötu 10, en hún á
einnig lifandi minningar um læknisverk Erlings.
Viðtalið var í heild tekið á segulband. Hulda
Ólafsdóttir, áður starfsmaður Rannsóknarstofu í
lyfjafræði, vélritaði það af bandinu. Erlingur og
Tryggvi lásu vélritað handrit viðtalsins og leið-
réttu svo sem við var komið. Anna Atladóttir
skrifstofustjóri lyflækningadeildar Landspítalans
var til aðstoðar við það starf. Að vel athuguðu
máli ákváðum við að best væri að rita textann
þannig, að spurningum okkar væri sleppt og við-
talið tæki á sig form samfelldrar frásagnar Erl-
ings.
Vinna þessi hefur tekið drjúgan tíma. Meðan á
henni stóð kom út ævisaga Erlings á vegum for-
lagsins Iðunnar, í desember 1990, rituð af honum
sjálfum. Þótt vitanlega sé margt í þessu viðtali
sem einnig er í bókinni fer því þó fjarri að um
hreina endurtekningu sé að ræða. Margir læknar
hafa heldur ekki lesið bókina né heyrt hennar
getið. Því fannst okkur fjarri lagi að hætta við
verkið vegna útkomu bókarinnar. Á það ber
einnig að líta, að við höfum sett texta þessa viðtals
saman með sérstakri áherslu á merkilegt braut-
ryðjandastarf Erlings og jafnframt tekið mið af
því að þetta yrði lesefni handa læknum.
Erlingur hefur lifandi frásagnarstfl og var okk-
ur mjög í mun að hann héldist í viðtalinu. Við
höfum af þeim sökum ekki treyst okkur til að
stytta textann meira en orðið er og heldur ekki að
breyta frásagnarstfl Erlings þannig að hann yrði
knappari. Því hefur orðið úr að fara þess á leit við
ritstjórnina að láta prenta viðtalið sem fylgirit við
Læknablaðið og hefur hún góðfúslega orðið við
þeim tilmælum.
Þórarinn heitinn Guðnason læknir (d. 1995)
yfirfór textann og leiðrétti og Þorsteinn blaða-
maður sonur Erlings hefur einnig farið yfir texta
viðtalsins og leiðrétt. Anna Atladóttir hefur
hjálpað okkur mikið bæði við upprunalegu hand-
ritin unnin af segulbandi svo sem fyrr getur og
ýmsa tölvuvinnu. Um leið og við minnumst Þór-
arins með virðingu og þökk færum við þeim
Huldu, Önnu og Þorsteini bestu þakkir fyrir alla
hjálpina.
Tryggvi Asmundsson
Þorkell Jóhannesson