Innsýn - 01.08.1976, Blaðsíða 13
13
ÞÚ hefur fylgt mér gegnum súrt og sætt
og sífellt reynt að bregða fyrir mig fæti.
Á göngu minni þess hefur jafnan gætt
gegniam lífið, að einhver fyrir mér sætii
Eins og blindur ég fylgdi bending þinni
og barst sem rek i tímans iðuköstum.
Ég lagði allt, sem átti í eigu minni
af orku, í að sinna þínum löstum.
Ég væflaðist um allan breiða veginn,
en villtist eins og hver annar fylliraftur.
Ég hitti á annan mjóan hinum megin
og hef þann breiða alls ekki fundið aftur.
En þessi vegur greiðfær er og góður
geng ég hann, í fámenninu, hress.
Hérna verður enginn vegamóður
og villist enginn, að eilífu vertu bless.
Þessa götu ég ætla mér að ganga
gegnum lífið, það ég segi þér.
Aldrei aftur á breiða veginn langa
ætla ég, því þessi nægir mér.
Árni ÞÓr.