Innsýn - 01.12.1976, Page 3

Steinþór ÞÓrðarson
3
frá ritstiörninni
HVERT
STEFNIR
ÞU ?
Hefurðu hugleitt hvaða
áform Guð hefur lagt varð-
andi framtíð þína? Hefurðu
gert upp huga þinn hvaða
lífsstarf þú ætlar að leggja
fyrir þig? Á hverju hefur
þú áhuga og hvaða undirbún-
ing hefur þú gert, eða
áformar að gera, til að ná
takmarkinu?
Allt eru þetta spurningar
sem hljóta að koma upp i
huga þínum fyrr eða seinna,
enda eru þær einkennandi
fyrir ungt fólk. Guð hefur
ákveðið hlutverk sem hann
ætlar sérhverri sálu að
vinna í lífinu. Það tekur
fólk misjafnlega langan tíma
að uppgötva sína köllun, og
það getur gengið á ýmsu áður
en það sannfærist um að hafa
ratað á sitt rétta lífsstarf.
Það er mikilvægt að gera
sér grein fyrir þvi, að með
Guðs hjálp er okkur allt
mögulegt. Guð gefur öllum
talentur, hæfileika, sem
þeim ber að þroska og nota,
sjálfum sér og öðrum til
blessunar og gagns, en Guði
til heiðurs og dýrðar. Við
erum líka gerð ábyrg fyrir
þeim talentum sem Guð gefur
okkur, hvort sem þær eru
fáar eða margar.