Innsýn - 01.06.1978, Blaðsíða 13
13
Hvað getum við gert? í
fyrsta lagi, þá megum við
ekki fordæma neitt án þess
að hafa rannsakað það gaum-
gæfilega frá Biblíulegu
sjónarmiði. Því er það okk-
ar fyrsta skylda að fara
til Biblíunnar og spyrja
hana. Lesum vel þá hluta
hennar sem ræða um andagáfur
og tungutal. Reynum að sjá
heildarmyndina sem dregin er
upp áður en við látum vers
eða hluta úr versum standa
í okk\ir og valda vandræðum.
Svo ættum við að spyrjast
fyrir um hvernig hinir
kristnu á fyrstu öldunum e.
Kr. litu á þessa hluti.
Einnig ættum við að athuga
vel það sem Ellen White
segir \mi þetta og trúarvakn-
ingar á síðustu tímum (27.
kafli Deilunnar miklu er á
enskunni kallaður "NÚtíma
trúarvakningar". Lesið þann
kafla vel)
Þegar þetta hefur verið
gert, þá fer ýmislegt að
skírast. Við munum sjá, að
síðustu tímar munu einkenn-
ast af fölskum trúarvakning-
um áður en hin sanna trúar-
vakning á sér stað. Við
munum líka sjá, að lýsing
LÚkasar í öðrum kafla
postulasögunnar á úthellingu
Andans og tungutali er allt
annars eðlis en lang flest
það sem við sjáum í dag inn-
an tungutalshreyfingarinnar.
Við uppgötvum líka að tungu-
talsgáfan er ekki meiri
háttar gáfa; hún er jafnvel
nefnd síðust, þegar gjafir
andans eru nefndar.
Ég ætla ekki að fara nán-
ar út í hvað við finnum um
þessa hreyfingu í Biblíunni,
það verður að bíða betri
tíma. En við verðum sem
söfnuður og einstaklingar að
vera vakandi fyrir þeim tíma
sem við lifum á, og vita
hvað er að gerast í kringum
okkur. Enda hvetur Páll
okkur: "Prófið allt; haldið
því, sem gott er. Haldið
yður frá sérhverri mynd hins
illa." 1.Þess.5,21.22.
E.V.A.