Innsýn - 01.06.1978, Blaðsíða 22

22
TýnOU BÍLLVKLnRMR
Tommi og Siggi fóru með pabba og mömmu út í sveit til
afa og ömmu og þau ætluðu að vera þar allt sumarfríið. Það
var gott veður alla daga o,g gaman að lifa.
Dag einn höfðu afi, amma, Tommi, Siggi, pabbi og mamma
ákveðið að fara til Betu frænku í heimsókn.
Þegar þau voru að fara að leggja af stað kom afi inn
"ég finn ekki bíllyklana mína" sagði hann. "Þið verðið að
hjálpa mér að leita." Svo byrjuðu þau, það var leitað í
öllum vösunum hans afa, í skúffum og skápum og jafnvel
bak við stóra bláa sófan í stofunni. En það var sama hvar
og hvernig þau leituðu, ekki fundust lyklarnir, svo á
endanum tróðust þau öll inn í bílinn hans pabba og keyrðu
til Betu frænku.
Það var alltaf gaman að koma þangað fannst strákunum
og dagurinn leið fljótt. En afa leið ekki vel, hann var
alltaf að hugsa um týndu bíllyklana og hvar þeir gætu verið.
Þegar þau komu heim um kvöldið var aftur byrjað að leita
en allt kom fyrir ekki, lyklarnir fundust ekki.
Tommi og Siggi voru komnir í rúmið en áður en þeir fóru
að sofa báðu þeir Jesú um að hjálpa afa að finna lyklana.
Meðan þeir voru að borða morgunmatinn daginn eftir kom
afi hlaupandi inn í eldhús. Og hvaó haldiði að hann hafi
verið með? Já, bíllyklana. Hann hafði fundið þá á mölinni
beint fyrir aftan bílinn.
Þegar Tommi og Siggi fóru að sofa um kvöldið þökkuðu
þeir Jesú fyrir að hafa hjálpað afa að finna lyklana.
Jesú finnst gaman að hjálpa okkur, en hann langar líka
til að við þökkum honum fyrir það sem hann gerir fyrir
okkur. Manst þú eftir því að þakka Jesú fyrir allt það
sem hann gerir fyrir þig á hverjum degi?