Innsýn - 01.10.1978, Blaðsíða 14
Bókin „ÓVÆNTAR STAÐREYNDIR UM SÖGU JARÐAR“, nýút-
komin hjá bókaútgáfunni Fell og Tölvusetningu, er þýdd úr ensku
og er eftir einn þekktasta vísindamann Sjöunda dags aöventista,
Dr. Harold Coffin. Hann kom til íslands fyrir rúmum tíu árum og
skoðaði þá m.a. Surtsey.
Bók þessi varpar Ijósi á spurningar eins og:
★ Hafa vísindin verið eins vísindaleg og menn hafa viljað vera láta?
★ Hversvegna sögusagnir um Nóaflóð?
★ Hvað segja steingerð fótspor okkur?
★ Voru til fuglar áður en fuglar höfðu þróast?
★ Hver er leyndardómurinn sem loftsteinar hafa afhjúpað?
Við náðum tali af Erlingi Sigurðssyni hjá Tölvusetningu og
spurðum hann um bókina.
„Um hvað er þessi bók?“
,,Ég tel að þetta sé bók sem allir
aðventistar ættu að eignast og lesa,
auk þess sem hún hentar einkar vel til
gjafa. Hún sýnir okkur að frá vísinda-
legu sjónarhorni eru frásagnir Biblí-
unnar ekki síður vísindalegar en þró-
unarkenningin, svo og aðrar slíkar get-
gátur manna.
Þessi bók er nátengd aðventboð-
skapnum, þar sem grundvöllur hvíldar-
dagsboðorðsins byggist á trúnni á
sköpun en ekki þróun. Það hefur verið
sagt að sannleikurinn sé alltaf auðskil-
inn en villan sé ævinlega torskilin, og
má svo með sanni segja þegar saman-
burður er gerður á þróun og sköpun.
Ég tel að hér séu haldgóð vísindaleg
rök fyrir sköpun sett fram og að mínu
mati eru kenningar bókarinnar óvé-
fengjanlegar."
„Hvað kom til að þú fórst að gefa
þessa bók út?“
„Mér fannst að alltaf hafi verið mikil
vöntun á slíkri bók enda mun engin
hliðstæð bók hafa komið út á ís-
lensku."
„Fyrir hverja er þessi bók aðal-
lega?“
„Þetta er mjög forvitnileg bók fyrir
hvern sem er. Hún er skrifuð á léttu og
aðgengilegu rnáli."
„Reiknarðu með að hún verði notuð
í skólum?“
„Já, það vona ég. Hún hefur verið
kynnt í menntaskólum og fjölbrauta-
skólum og er til sölu í bóksölum
skólanna í Reykjavík. Þessi bók á tví-
mælalaust erindi í skólana og væri
ánægjulegt ef hún yrði notuð þar sem
ítarefni, þ.e. til frekari fræðslu."
Við þökkum Erlingi fyrir viðtalið, og
óskum honum alls góðs með útgáfu
þessarar bókar. Við teljum þetta það
merkilegan viðburð að við auglýsum
bókina í miðopnu blaðsins (Sjá bls. 12
og 13).
Bókina er hægt að fá í Bókaforlagi
Aðventista, Ingólfsstræti 19 og hjá Er-
lingi Sigurðssyni, Sörlaskjóli 8. Hún er
174 bls. prýdd um 200 myndum og er
kápan litprentuð. Bókin kostar aðeins
kr. 3.000,-