Kjarninn - 29.08.2013, Qupperneq 64

Ef TM þyrfti að greiða út vegna hennar bæri félagið því
enga áhættu, vegna þess að endurtryggingin myndi endur-
greiða alla upphæðina.
TM vill gögn rannsóknarnefndarinnar
Í tengslum við þetta mál óskaði lögmaður TM eftir að-
gangi að öllum gögnum sem safnað var saman við vinnslu
Skýrslu rannsóknarnefndar Alþingis og vistuð eru á Þjóð-
skjalasafninu. Líklegt verður að teljast að tilgangur þeirrar
beiðni hafi meðal annars verið sá að komast yfir gögn sem
gætu mögulega sýnt fram á að mennirnir þrír hefðu brotið
vísvitandi af sér í starfi.
Óskinni var synjað tvívegis, í lok mars 2011 og í júlí 2012.
TM kærði þá synjun til úrskurðarnefndar um upplýsingamál.
Í kærunni kom fram að beiðni TM „byggði á því að félagið
hefði mikla hagsmuni af því að fá aðgang að umbeðnum
gögnum þar sem fyrrverandi stjórnendur Glitnis banka
hf. hefðu höfðað mál á hendur kæranda fyrir Héraðsdómi
Reykjavíkur þar sem gerð væri krafa á hendur kæranda á
grundvelli svokallaðrar stjórnendatryggingar sem Glitnir
hafi keypt hjá kæranda vorið 2008 og gilda átti í eitt ár frá 1.
maí 2008“.
Beiðnin var í fjórum hlutum. Í fyrsta lagi vildi TM fá
aðgang að öllum gögnum sem rannsóknarnefndin hafði
undir höndum við gert skýrslu sinnar. Í öðru lagi óskaði TM
eftir aðgangi að gögnum sem vörðuðu tiltekin mál í skýrslu
rannsóknarnefndarinnar sem sett var fram í 23 tilgreindum
töluliðum.
Í þriðja lagi óskaði TM eftir því að fá aðgang að gögnum
tengdum einstökum gerningum og/eða samningum sem talin
voru upp í 46 liðum. Í fjórða lagi var óskað eftir aðgangi að
sérstaklega tilgreindum gögnum í 29 töluliðum.
Úrskurðarnefnd um upplýsingamál staðfesti ákvörðun
Þjóðskjalasafnsins um að synja um aðgang að gögnunum
sem notuð voru við gerð skýrslu rannsóknarnefndarinnar í
maí síðastliðnum.
smelltu til að lesa úrskurð
úrskurðarnefndar um
upplýsingamál
03/03 kjarninn Dómsmál