Kjarninn - 09.01.2014, Blaðsíða 7

04/04 kjarninn LEiðaRi
klæddir (þó alls ekki allir) og koma flestir ágætlega fyrir
(þó alls ekki allir). Þeir hafa ekki „lent í lífinu“. Og þeir
gera sér alls ekki grein fyrir því að gjörðir þeirra geta verið
rangar. Þeir ganga raunar út frá því að svo sé ekki. Enda sé
óhugsandi að menn eins og þeir geti farið í fangelsi. Ábyrgð
þeirra er ekki gagnvart lögum almúgans heldur hluthöfum
bankans. Þótt athafnir þeirra hafi valdið öllu samfélaginu
skaða og leitt til hruns heils efnahagskerfis bifast þessi
skoðun ekki.
Ef við göngumst við þeirri skoðun að gjörðir fjármála-
manna lúti einvörðungu valdi hluthafa þeirra leyfum við
þeim að segja sig úr lögum við aðra menn. Slíkt væri óráð.
Þess vegna er það nauðsynlegt að dómstólar taki afstöðu til
þess hvað sé lögbrot og hvað sé það ekki. Sama hvaða skoðun
fólk hefur á niðurstöðunni, hvort sem hún er sýkna eða sekt,
þá er hún endanleg. Og við hana verðum við öll að sætta
okkur.