Kjarninn - 09.01.2014, Blaðsíða 22

06/06 kjarninn 1 REyKJaVÍK
1 rEykJavík
lífið eftir gnarr
Tilkynning Jóns Gnarr um að hann sæktist
ekki eftir frekari frama í pólitík hleypti
pólitíska landslaginu í höfuðborginni upp
í loft. Besti flokkurinn var lagður niður í
kjölfarið og endurreistur undir merkjum
Bjartrar framtíðar, en samkvæmt nýlegum
könnunum mælist Björt framtíð með álíka
fylgi og kjörfylgi Besta flokksins. Þar á bæ
munu menn reyna hvað þeir geta til að
halda í fylgið. Gísli Marteinn Baldursson
hætti hjá Sjálfstæðisflokknum, líka Þor-
björg Helga Vigfúsdóttir sem var hafnað
rækilega í prófkjöri flokksins. Halldór
Halldórsson, fyrrverandi bæjarstjóri á
Ísafirði og formaður Sambands íslenskra
sveitarfélaga, kom, sá og sigraði í próf-
kjörinu og mun leiða Sjálfstæðisflokkinn
í kosningunum. Framsóknarflokkurinn
dustaði rykið af Óskari Bergssyni, fyrr-
verandi bæjarfulltrúa flokksins, ekkert
fararsnið er á Sóleyju Tómasdóttur hjá
Vinstri grænum og Dagur B. Eggertsson
mun vafalítið leiða lista Samfylkingar-
innar. Píratar ætla mögulega að blanda
sér í baráttuna um borgarfulltrúasætin en
það á eftir að koma í ljós. Spennandi slag-
ur er fram undan í borginni, án þunga-
vigtarmannsins Jóns Gnarr.