Kjarninn - 09.01.2014, Blaðsíða 26

03/06 kjarninn LÖGREGLuMáL
vildi ekki koma fram undir nafni segir skotvopnaeign vera
almenna í íslenskum undirheimum. „Byssurnar liggja alveg
hér og þar í mislangan tíma. Þetta eru svipaðar byssur eins
og gengur og gerist á íslenskum markaði fyrir utan það að
haglabyssurnar eru oft afsagaðar. Ég veit ekki hversu hátt
hlutfall af þessum byssum er óskráð, þar sem raðnúmerin
eru vanalega tekin af þeim til að koma í veg fyrir að hægt sé
að rekja þær.“
Heimildarmaðurinn nefnir mörg nýleg dæmi úr undir-
heimunum þar sem skotvopn komu við sögu. Þó segir hann
ótrúlega fá alvarleg mál koma upp í tengslum við skotvopn
hér á landi miðað við hversu mikið af byssum er til staðar.
„Slík vopn eru notuð þegar allt annað þrýtur í samskiptum
misheimskra manna og þegar svik eða hefndir eru í spilinu.
Þetta er aðallega notað í hefndaraðgerðum og til að ógna
fólki. Oftast vígbúa menn sig af heimsku, ótta eða vegna þess
að þeir eru að taka byss ur upp í skuld.“
„sagan gleymist ekki á litla íslandi“
Heimildarmaðurinn segir lög regluna
fylgjast vel með og taka fast á skotvopna-
eign. „Þeir gera mikið af skotvopnum upp-
tæk. Þegar búið er að taka einhvern einu
sinni með byssu vill hann ekki láta taka
sig aftur því sagan gleymist ekki á litla
Íslandi. Ef löggan þekkir þig fyrir að hafa verið með byssu
ertu alltaf í veseni upp frá því.“
Hann telur að skotvopnum sé aðallega smyglað hingað til
lands frá Asíu og þriðja heims ríkjum. „Það er algengara að
menn eignist skotvopn í gegnum þýfi heldur en með smygli
þó að það sé alltaf eitthvað um smygl. Þá eru einnig dæmi um
að óskráð skotvopn frá fyrri tíð séu til sem erfðagripir innan
fjölskyldna.“
loftbyssur í tollinum
Tollurinn leggur ekki hald á mörg skotvopn, samkvæmt Kára
Gunnlaugssyni, yfirtollverði í Leifsstöð. „Við lögðum ekki hald
„Ef löggan þekkir þig fyrir
að hafa verið með byssu ertu
alltaf í veseni upp frá því.“