Kjarninn - 09.01.2014, Blaðsíða 54

02/06 kjarninn tÓNLiSt
Þrjár notkunarleiðir
Spotify er með yfir 20 milljónir laga í gagnasafni sínu og
er hægt að notast við þrjár notkunarleiðir. Spotify Free er
ókeypis og býður upp á ótakmarkaða spilun í hefðbundnum
tölvum en með auglýsingum sem koma af og til milli laga.
Hljómgæði laganna eru 160 kps (kílóbit á sekúndu). Spotify
Unlimited kostar 4,99 evrur á mánuði, eða 800 krónur, en
með því losna notendur við auglýsingarnar auk þess sem
hljómgæðin eru meiri (320 kps). Að síðustu er hægt að kaupa
Spotify Premium-áskrift, en þá fylgir aukalega möguleiki
til að nota Spotify á snjalltækjum, svo sem símum og spjald-
tölvum, auk þess að geta vistað lög af lagalistum svo hægt
sé að spila þau þar sem nettenging er ekki til staðar. Þetta
kostar 9,99 evrur á mánuði, eða um 1.600 krónur.
8.000 áskrifendur en 2,5% af heildarveltu
Í byrjun desember 2013 gerði Spotify fyrst greiðslufyrirkomu-
lag til listamanna opinbert almenningi. Ekki er greitt fast
verð á hverja spilun í veitunni heldur er 70% heildartekja
af áskrift og auglýsingatekjum deilt á
milli rétthafa tónlistarinnar eftir hlut-
falli þeirra í heildarspilun. Spotify sjálft
tekur hins vegar 30% innkomunnar.
Þannig geta höfundarréttargreiðslur til
tónlistar manns verið misháar eftir árum
þótt lög hans séu spiluð jafn oft, ef til
dæmis áskrifendum fjölgar eða hlutfall
hans af heildarkökunni minnkar. Fyrir-
tækið áætlar þó að hver spilun skili listamanni á milli 0,006
og 0,0084 Bandaríkjadala í höfundaréttargreiðslum eins og
staðan er núna, sem gera um 0,7 upp í 0,98 krónur.
Spotify varð aðgengilegt á Íslandi í apríl á þessu ári.
Upplýsingar um notendur eru ekki opinberar en samkvæmt
heimildarmönnum Kjarnans innan útgáfugeirans greiða nú
um 8.000 notendur fyrir áskrift að veitunni en 10.000 að auki
eru reglulegir notendur ókeypis útgáfunnar. Yfirgnæfandi
meirihluti áskrifanda er með svokallaða Premium-áskrift
„Ekki er greitt fast verð á hverja
spilun í veitunni heldur er
70% heildartekja af áskrift og
auglýsingatekjum deilt á milli
rétthafa tónlistarinnar eftir
hlutfalli þeirra í heildarspilun.“