Kjarninn - 09.01.2014, Blaðsíða 56
04/06 kjarninn tÓNLiSt
fjölgun áskrifenda
Viðskiptaáætlun Spotify gengur hins vegar út á að fjölga
áskrifendum til muna, en þannig gætu greiðslur til lista-
manna og útgefanda aukist verulega. Ein leið til þess er að
koma ókeypis notendum yfir í áskriftarleiðina. Það er meðal
annars gert með því að eftir ákveðinn tíma í ókeypis notkun
fara að koma takmarkanir á hversu mörg lög er hægt að
spila á viku, hversu oft þú er hægt að spila tiltekið lag og svo
framvegis. Spotify segist breyta 20 prósent-
um ókeypis notenda yfir í áskrifendur. Til
dæmis eru tíu prósent allra Svía áskrifendur
að Spotify og tekjur frá tónlistarveitum nema
nú um helmingi allrar veltu sænska tónlistar-
iðnaðarins.
Margir tónlistarmenn hafa kvartað yfir
rýrum hlut og lágum greiðslum af Spotify, þar
á meðal David Byrne, fyrrum söngvari Talking
Heads, í langri grein þar sem hann sagði
viðskipta módelið hreinlega ekki sjálfbært.
Hann hefur tekið það sem hann getur af eigin
efni af veitunni og sama hafa listamenn á borð
við Thom Yorke, The Black Keys og Aimee
Mann gert. Þegar tölurnar sem fara til rétt-
hafa eru skoðaðar þarf að hafa í huga að listamenn fá greitt
eftir samningum við útgefendur sem kunna að segja til um
50/50 hlutfall eða þá lægra. Ef margir eru í hljómsveitinni
þarf orðið ansi margar spilanir á Spotify til að skila teljandi
greiðslum til listamannanna.
viðbrögð við ólöglegu niðurhali
Þó verður að hafa í huga að tónlistarveitur eins og Spotify
eru viðbragð við tónlistarbransa sem hefur verið í hnignun
undanfarinn áratug út af ólöglegu niðurhali. Henni er ætlað
að ná til tónlistarneytenda sem hafa vanist því að borga
ekkert fyrir tónlist og fá þá til að borga eitthvað fyrir hana.
Svo er vert að veita því gaum að Spotify hefur verið í hröðum
vexti undanfarið og ef áskrifendum fjölgar umtalsvert munu
greiðslur til listamanna
Svona eru greiðslurnar reiknaðar
1 áskriftartekjur á mánuði
x
2 (Fjöldi streyma með tónlistarmanni /
heildarfjöldi streyma í tilteknu landi)
x
3 0,7 sem fara til rétthafa
x
4 Hlutfall tónlistarmanna í höfundarrétti
=
5 Greiðsla til listamanns