Kjarninn - 09.01.2014, Blaðsíða 58

06/06 kjarninn tÓNLiSt
of lágt áskriftarverð
Eiður segir áhugavert að sjá þróunina á markaðnum og það
gæti vel verið að einhver ný tækni taki við af veitum eins og
Spotify eftir fimm eða tíu ár. „Mér persónulega finnst eitt
helsta vandamálið við veitur eins og Spotify vera að áskriftar-
gjaldið er of lágt. 1.600 krónur á mánuði er ekki há upphæð
fyrir að hafa ótakmarkað aðgengi að nánast allri tónlist í
heiminum, og liggur við að þetta sé ákveðin gengisfelling
á virði tónlistarinnar.“ Hann bætir þó við að lágt verð sé að
vissu leyti skiljanlegt þar sem verið sé að reyna að ná til fólks
sem hefur vanist á það að greiða ekki neitt fyrir tónlist. Svo
megi líka líta á þetta þannig að venjulegur
Íslendingur eyði 2.500 krónur á ári í kaup
á tónlist á ári en Spotify-áskrifandi eyði
sjöfaldri þeirri upphæð. Mun fleiri þyrftu
þó að gerast áskrifendur til þess að jafna
út áhrifin af minnkandi plötusölu.
Áfram verða skiptar skoðanir um
tónlistarveitur eins og Spotify og hversu
sanngjarnar greiðslur þær innheimta.
Menn greinir líka á um hvers eðlis fyrirbærið sé. Hvers virði
er ein spilun lags á Spotify? Það gæti verið einhvers staðar
mitt á milli útvarpsspilunar og eintakasölu, til dæmis eftir
því hversu oft sami notandi spilar sama lagið. En eins og
staðan er í dag er hins vegar módelið langt frá því að vera
sjálfbært eins og sést á ofangreindum tölum.
„1.600 krónur á mánuði er ekki
há upphæð fyrir að hafa ótak-
markað aðgengi að nánast allri
tónlist í heiminum, og liggur
við að þetta sé ákveðin gengis-
felling á virði tónlistarinnar.“