Kjarninn - 09.01.2014, Blaðsíða 68

03/03 kjarninn LÍFSStÍLL
brýnir einnig fyrir matvælaframleiðendum sem selja kanil og
kanil vörur að nota ekki cassia–kanil heldur ceylon–kanil sem
inniheldur lítið sem ekkert kúmarín. Greinarhöfundur ákvað
að bregða sér í búðarferð til að athuga hvaða tegundir af kanil
væru í boði í íslenskum verslunum, en bæði
kanilduft og kanilstangir voru skoðaðar frá
nokkrum framleiðendum. Skemmst er frá því
að segja að algengt var að framleiðendur tækju
ekki einu sinni fram á umbúðum um hvaða
kaniltegund var að ræða og athygli vakti einnig
að það átti bæði við um hefðbundinn kanil og
lífrænt vottaðan kanil. Í þeim fáu tilfellum þar
sem þess var getið á umbúðum hvað tegund
var um að ræða var í það yfirleitt cassia–kanill
þótt einnig mætti finna ceylon–kanil. Þetta er
auðvitað ekkert einsdæmi á Íslandi því eins og
áður hefur komið fram er cassia–kanill lang-
algengasta tegundin á markaði bæði í Evrópu og
Bandaríkjunum sökum þess hve ódýr hann er.
Það verður þó að teljast móðgun við neytendur
að ekki komi skýrt fram á umbúðum um hvaða
kaniltegund er að ræða en þess ber einnig að geta að margar
netverslanir erlendis selja ceylon–kanil fyrir þá sem vilja
einfald lega fara þá leið að panta hann að utan.
lÆKninGamáttur Kanils
Löng og mikil hefð er fyrir notkun bæði cassia– og
ceylon–kanils til lækninga, en virknin er talin afar
svipuð. cassia–kanill er hefðbundið notaður til
lækninga í Kína en ceylon–kanill á Vesturlöndum.
Kanill hefur um aldir þótt góður gegn kvefpestum
og flensum ásamt því að örva blóðrás og verma
kaldar hendur og fætur. Hann er líka styrkjandi
fyrir meltingarfærin og gagnlegur við uppþembu,
vindgangi, ristilkrampa, ógleði og niðurgangi. Kanill
getur einnig örvað tíðablæðingar og dregið úr tíða-
verkjum. Í grasalækningum er sjaldnast unnið með
eina jurt í einu heldur er nokkrum tegundum jurta
blandað saman. Þetta á sérstaklega við um kanil því
afar fátítt er að hann sé gefinn innvortis einn og sér
í hefðbundnum grasalækningum. Í Kína er til dæmis
hefð fyrir því að blanda kanil saman við engifer og
lakkrísrót.
Kanill hefur komist í tísku síðustu árin og verið
vinsælt rannsóknarefni hjá vísindamönnum. oft
á tíðum styðja þessar rannsóknir við hefðbundna
notkun en fjölmargar rannsóknir hafa leitt í ljós
eftirfarandi áhrif kanils.
niðurstöður rannsókna
Bakteríu-, veiru- og sveppadrepandi
Q Lækkar blóðsykur
Q Lækkar kólesteról
Q Lækkar blóðþrýsting
Q andoxunaráhrif
Q Bólgueyðandi
Q Verndar lifur
Q Hamlar vöxt krabbameinsfrumna
Flestar þessar rannsóknir hafa verið
gerðar í tilraunaglösum eða á dýrum en ekki á
mönnum. Þessi áhrif hafa verið rannsökuð bæði
hjá cassía og ceylon kanil.
Varúð: Ekki er mælt með inntöku á kanil
(hvorki cassia né ceylon) á meðgöngu. Kanil
ætti ekki að nota í stórum skömmtum samfellt í
langan tíma, sérstaklega ekki cassia–kanil.