Kjarninn - 17.04.2014, Blaðsíða 20

03/06 EfnahagSmáL
árið 2010. Þar var um að ræða eingreiðslu upp á tæpar þrjátíu
milljónir króna til framkvæmdastjóra markaðsviðskipta, sem
tók mið af hagnaði sjóðsins af markaðsviðskiptum.
Ragnar Z. og Magnús Ægir höfðu báðir ákvæði í ráðn-
ingarsamningum sínum um sex mánaða uppsagnarfrest,
auk ákvæðis um að að uppsagnartíma loknum skyldu þeir
halda fullum launum í átján mánuði. Ef þeim yrði hins vegar
gert að hætta störfum innan umsamins uppsagnar-
tíma skyldi greiða þeim full laun í tvö ár frá því að
uppsagnarfresturinn byrjaði að líða. Mánaðarlaun
stjóranna voru 2,3 milljónir, en þeir nutu sömuleiðis
36 prósenta viðbótarframlags í séreignarsjóð, sem var
langt umfram ákvæði kjarasamninga.
Framkvæmdastjórar fyrirtækjasviðs, Byrs verðbréfa
og fjármálasviðs voru með ákvæði í ráðningar samningum
sínum um níu mánaða uppsagnarfrest, auk ákvæðis
um að uppsagnarfrestur yrði greiddur ef þeim yrði
gert að hætta störfum án tafar. Þá hafði framkvæmdastjóri
fyrirtækjasviðs til afnota bifreið samkvæmt ráðningar-
samningi, en hann hélt yfirráðum yfir henni í tíu og hálfan
mánuð eftir starfslok. Framkvæmdastjóri Byrs verðbréfa og
framkvæmdastjóri fjármálasviðs héldu yfirráðum sínum yfir
bifreiðum sem þeir höfðu yfirráð yfir út uppsagnarfrestinn.
athugasemdir við útlánasafn Byrs
Í mars 2009 skilaði endurskoðunarfyrirtækið KPMG, sem
var ytri endurskoðandi Byrs, sérstakri skýrslu um skoðun
á útlánum sjóðsins. Helstu niðurstöður voru þær að
fjármálakreppan hefði haft mjög slæm áhrif á útlána-
safn sjóðsins og ljóst væri að háar upphæðir myndu
tapast. Stærstu fyrirsjáanlegu útlánatöpin tengdust
Baugi Group, Stoðum (áður FL Group) Runnafélögum
Þorsteins M. Jónssonar kennds við Kók, Hansa, félagi
Björgólfs Guðmundssonar, og eignarhaldsfélögum sem
keyptu hluti í Sparisjóðabanka Íslands (þá Icebank)
haustið 2007 með lánveitingum frá Byr sem voru flestar
með veð í hlutabréfunum sjálfum.