Kjarninn - 08.05.2014, Blaðsíða 20

16/20 menntamál
b
æta mætti skilyrði háskólafólks til þátttöku
í samfélagsumræðunni með því að hækka
laun þess og tryggja þannig betur að háskóla-
kennarar þyrftu ekki í jafn miklum mæli að
sinna aukastörfum – oft fyrir hagsmunaaðila í
samfélaginu – til þess að bæta afkomu sína. Þetta segir Jón
Steinsson, dósent í hagfræði við Columbia-háskóla. Þrátt
fyrir að starfa í Bandaríkjunum hefur Jón ekki farið varhluta
af hótunum og gagnrýni valdamikilla aðila í íslensku sam-
félagi í kjölfar skrifa í fjölmiðla.
Í síðustu útgáfu Kjarnans var fjallað um könnun meðal
háskólafólks á Íslandi sem sýndi m.a. að nær sjötti hver
svarandi hefði komið sér hjá því að tjá sig við fjölmiðla vegna
ótta við gagnrýni frá valdafólki úr stjórnmála- og efnahags-
lífi. Könnunin sýndi einnig að rúmlega fimmti hver svarandi
hefði sætt gagnrýni af hálfu hagsmunaaðila í atvinnulífi
og sjötti hver gagnrýni frá
stjórnmála manni eftir að hafa tjáð
sig sem vísinda- eða fræðimaður
við fjölmiðla í tilteknu máli. Þá eru
hótanir frá þessum valdahópum
gagnvart háskólafólki við sömu
aðstæður ekki óþekktar.
Jón Steinsson, dósent í hagfræði við Columbia-háskóla,
hefur um alllangt skeið látið að sér kveða í þjóðfélags-
umræðunni á Íslandi. Hann hefur bæði skrifað greinar í
blöð og vefmiðla og rætt við fjölmiðla um ýmis mál sem
snerta sam félagið og sérþekkingu hans, þar á meðal
fiskveiðistjórnunar kerfið, auðlindanýtingu og skattamál.
óaðskiljanlegur hluti af starfi háskólamannsins
Jón segist í samtali við Kjarnann líta á þátttöku sína í opin-
berri umræðu sem óaðskiljanlegan hluta af starfi sínu
sem háskólakennara. „Ég tel það vera hluta af því að vera
háskólamaður að ef maður hefur eitthvað fram að færa geti
maður gert það með þessum hætti.“
Jón hóf að skrifa í blöð árið 1997 þegar hann var
menntamál
Björn Gíslason
„Það skiptir alveg rosalega miklu máli
að ég er í útlöndum, að ég er í vinnu
sem enginn getur rekið mig úr og ég
er ekki upp á neinn kominn á Íslandi.“