Kjarninn - 08.05.2014, Blaðsíða 23
18/20 menntamál
einhverjir styrkir komi ekki hingað eða þangað,“ segir Jón.
Hann segist hafa upplifað það, sérstaklega í tengslum við
umræður um kosti og galla fiskveiðistjórnunarkerfisins, að
margir þori ekki að tjá sig. „Stundum segir fólk við mig að
ástæðan sé sú að það sé hrætt við viðbrögðin sem það muni
fá,“ segir Jón.
Sjálfur segist Jón hafa fengið
bæði símtöl og tölvupósta frá
valdamiklum aðilum í kjölfar
gagnrýninna blaðaskrifa eða
ummæla í fjölmiðlum. Tvö mál
hafi kallað fram sérstaklega
sterk viðbrögð, gagnrýni annars
vegar á kvótakerfið og hins
vegar á Sjálfstæðisflokkinn og þá
sérstaklega Davíð Oddsson.
Jón nefnir tvö dæmi. „Mér
var einu sinni sagt að ég væri
búinn að brenna allar brýr að
baki mér og ég gæti aldrei fengið
vinnu á Íslandi,“ segir Jón. Hitt
dæmið hafi snúið að áhrifa-
manni í íslensku atvinnulífi
sem hafi fyrir nokkrum árum
sent deildar forseta Columbia-
háskóla bréf þar sem hann gerði
athugasemdir við skrif Jóns í íslenska miðla. Jón vill ekki
greina frá því hver þessi maður er en segir deildarforsetann
hafa sagt að augljóslega myndi hann ekki gera neitt í málinu
enda nyti Jón frelsis sem háskólamaður til þátttöku í opin-
berri umræðu. „Ef þessir menn reyna að hafa áhrif á yfir-
mann hagfræðideildar í Columbia, sem þeir hafa augljóslega
engin tök á, þá getur maður bara ímyndað sér hvernig það er
þegar einhver í háskólum á Íslandi skrifar eitthvað svona,“
segir Jón.
Jón segist ekki hafa upplifað viðlíka hótanir eða gagnrýni
eftir að hafa tjáð sig um önnur mál en hann hafi þó upplifað
skjól erlendis
„Það er augljóst mál að það
skiptir alveg rosalega miklu
máli að ég er í útlöndum, að
ég er í vinnu sem enginn getur
rekið mig úr og ég er ekki upp
á neinn kominn á Íslandi.“