Kjarninn - 08.05.2014, Blaðsíða 77
64/65 íÞróttir
johnny manziel
21 árs leikstjórnandi – 1,83 m að
hæð – 94 kg að þyngd
Johnny Manziel er afar athyglisverður leikmaður.
Hann spilar mikilvægustu stöðu leiksins og því
mun hvíla á honum mikil pressa um að standa sig.
Manziel fékk árið 2012 Heisman-bikarinn, sem er
veittur besta leikmanni háskólaboltans ár hvert, en
hann varð fyrsti nýneminn í sögunni til þess að vinna
verðlaunin. Það mætti líkja honum við töframann
því hann er með eindæmum lunkinn við að koma sér
undan varnarmönnum og gefa sér meiri tíma til að
kasta boltanum til liðsfélaga sinna.
Auk þess að vera með sterkan handlegg er
Manziel einnig snöggur og góður í að hlaupa sjálfur
með boltann ef engir góðir sendingarmöguleikar eru
í boði. Veikleikar hans eru að vera heldur lágvaxinn
fyrir stöðuna, sem gæti gert honum erfitt að sjá
yfir sóknarlínumenn og þar með að finna útherja
sína. Manziel er einnig þekktur glaumgosi sem þykir
gaman að skemmta sér. Sá lífsstíll leiðir til spurninga
varðandi það hversu fókuseraður hann er á atvinnu
sína. Líklegustu áfangastaðir eru Houston Texans
(1. valréttur), Jacksonville Jaguars (3. valréttur) og
Cleveland Browns (4. valréttur).
sammy Watkins
20 ára útherji – 1,85 m að hæð – 96 kg að
þyngd
Sammy Watkins stendur upp úr þegar talað er um
útherja í valinu. Watkins er stórhættulegur sóknar-
maður sem að getur skorað í hvert einasta skipti
sem hann grípur boltann. Watkins er leiftur snöggur
og með frábærar hendur og þar með martröð
fyrir varnarmenn að dekka. Getur unnið leiki upp á
sitt eindæmi.
Hefur fáa galla, sem allir ættu að hverfa með
góðri og markvissri þjálfun. Verður að öllum líkindum
valinn með einum af 10 fyrstu valréttunum og senni-
lega einum af 5 fyrstu. Líklegustu áfangastaðir eru
Jacksonville Jaguars (3. valréttur), Cleveland Browns
(4. valréttur)og Tampa Bay Buccaneers (7. valréttur).