Kjarninn - 08.05.2014, Blaðsíða 78

65/65 íÞróttir
michael sam
24 ára varnarlínumaður – 1,88 m að
hæð – 118 kg að þyngd
Þrátt fyrir alla umfjöllunina sem Michael Sam hefur
fengið munu það vera hæfileikar hans sem leikmanns
sem skera úr um hversu góður hann verður og hvenær
hann verður valinn. Áður en hann opinberaði samkyn-
hneigð sína var talið líklegt að hann yrði valinn í
þriðju eða fjórðu umferð en nú er talið líklegra að
hann verði valinn í fimmtu til sjöundu umferð. Sam
stóð sig ekki vel í hinum ýmsu æfingum á hinu árlega
„Scouting Combine“ þar sem hann m.a. hljóp hægar
en búist hafði verið við. Mun sennilega þurfa að
skipta um stöðu sem atvinnumaður þar sem hann
er heldur of lítill fyrir núverandi stöðu. Helsti kostur
hans er óstöðvandi mótor og að hann gefst aldrei upp.
Athyglisverðast verður þó að sjá hvort kynhneigð hans
muni hafa einhver áhrif á það hvenær hann er valinn
og hvernig honum verður tekið í búningsklefanum.
Flestir eru á þeirri skoðun að hvorugt muni vera
vandamál þó svo að ekki séu auðvitað allir sammála.
teddy bridgewater
21 árs leikstjórnandi – 1,91 m að hæð – 97
kg að þyngd
Teddy Bridgewater er mesta spurningarmerkið af
leikmönnum nýliðavalsins. Í lok tímabilsins var hann
talinn vera besti leikstjórnandinn sem væri í boði en
nú á síðustu mánuðum þegar liðin hafa grandskoðað
hvern einn og einasta leikmann virðist svo ekki vera
lengur. Manziel og fleiri hafa tekið við keflinu sem
efnilegustu leikstjórnendurnir á meðan óvissa ríkir
um með hvaða valrétti Bridgewater verði valinn.
Það gæti allt eins reynst að hann verði valinn mjög
snemma og þessar sögusagnir hafi verið blásnar
upp af fjölmiðlum eða þá að þær eru sannar og
hann verður valinn seint í fyrstu umferð eða jafnvel
síðar. Bridgewater hjálpaði ekki sjálfum sér hvað
þetta varðar því hann átti skelfilega æfingu þar sem
útsendarar allra liða voru samankomnir.
Þar kastaði hann lélegum og ónákvæmum
boltum. Á hinn bóginn stóð hann sig frábærlega
í alvöru leikjum, sem á endanum verður að vega
þyngra. Bridgewater hefur fáa veikleika en er tækni-
lega séð afar góður, mikill leiðtogi og býr yfir miklum
leik skilningi.