Kjarninn - 22.05.2014, Blaðsíða 19
02/04 orkumál
s
æstrengur milli Íslands og Bretlands verður að
veruleika þótt síðar verði og hefur lagning hans
verið rædd ítarlega á vettvangi stjórnvalda og
Landsvirkjunar undanfarin misseri. Hörður
Arnarson, forstjóri Landsvirkjunar, sagði í ítar-
legri ræðu á aðalfundi fyrirtækisins á þriðjudaginn að miklar
breytingar í orkubúskap heimsins, meðal annars sífellt meiri
kröfur um betri nýtingu orku og betri tengingar milli ríkja
til að tryggja orkuöryggi, gerðu það að verkum að lagning
sæstrengs og jafnvel sæstrengja bæði til Evrópu og Banda-
ríkjanna væri frekar spurning um hvenær það gerðist heldur
en hvort það gerðist. Hörður sagði enn fremur að mikil
eftirspurn eftir raforku gerði það að verkum að nauðsynlegt
væri að reisa orkuver víða, sem myndi þrýsta verðinu upp á
við, þar sem það þyrfti að vera nægilega hátt til þess að það
borgaði sig að fara út í þessar miklu framkvæmdir. Þá vék
Hörður enn fremur að því að orkuöryggi var stórt alþjóða-
pólitísk mál. „Eins og orkumálaráðherra Bretlands sagði
þegar hann kom hingað fyrir tveimur árum; við viljum ekki
vera háðir Pútín um gas,“ sagði Hörður.
Hreyfing á málinu
Bjarni Benediktsson, efnahags- og fjármálaráðherra, sagði
í ræðu sinni á aðalfundinum að nauðsynlegt væri að skoða
lagningu sæstrengs vel og draga fram kosti og galla þess að
selja raforku um sæstreng. „Nú þegar hefur verið unnið að
úttekt á framangreindum álitamálum og þótt enn sé ekki
tímabært að taka af skarið um hugmyndina eigum við ekki
að draga það of lengi,“ sagði Bjarni í ræðu sinni. Jónas Þór
Guðmundsson, stjórnarformaður félagsins, tók í sama streng
og sagði að ákvörðun um lagningu sæstrengsins mætti ekki
bíða of lengi.
Eins og greint var frá í Kjarnanum fyrir tveimur vikum
hafa Bretar unnið að því hörðum höndum að leggja sæstreng
til Íslands, og meðal annars undirbúið fjármögnun fram-
kvæmdarinnar í nákvæmisatriðum á einkamarkaði. Charles
Hendry, sem var orkumálaráðherra Bretlands þegar skrifað
orkumál
Magnús Halldórsson
L @maggihalld