Kjarninn - 22.05.2014, Blaðsíða 37
02/13 ViðTal
D
alvíkingurinn Heiðar Helguson hefur án efa
verið einn af ástsælustu knattspyrnumönnum
þjóðarinnar á síðustu árum. Dugnaður hans,
dirfska og þor hefur hrifið margan knattspyrnu-
áhugamanninn í gegnum tíðina, óháð ólíkum
skoðunum þeirra á hæfileikum hans á knattspyrnuvellinum.
Hann er nefnilega gæddur ákveðnum eiginleikum sem gera
hann að leikmanninum sem stuðningsmennirnir elska.
Heiðar var átta ára gamall þegar hann byrjaði að mæta
á æfingar hjá UMFS Dalvík í heimabænum, en hann var
einungis fimmtán ára gamall þegar hann lék sinn fyrsta
meistaraflokksleik fyrir uppeldisfélagið árið 1993. Þrátt fyrir
ungan aldur skoraði Heiðar fimm mörk í ellefu leikjum fyrir
félagið, sem var frammistaða sem vakti
athygli Þróttara í Reykjavík á hæfileikum
unga Dalvíkingsins sem þeir fengu til liðs
við sig.
Heiðar spilaði 54 leiki fyrir Þrótt á
árunum 1995 til 1997 og skoraði í þeim 31
mark. Framganga Heiðars fréttist út fyrir
landsteinanna og fljótlega varð ljóst að
eftirlæti Þróttara færi brátt út í hinn stóra
heim til að láta að sér kveða.
litríkur atvinnumannaferill hefst
Heiðar gekk til liðs við norska úrvalsdeildarliðið Lillestrøm
árið 1998. Hann vakti strax athygli ytra með því að velja
sér númerið 1 á keppnistreyjuna en heldur brösulega gekk
að finna netmöskvana á fyrsta tímabilinu og skoraði hann
aðeins tvö mörk. Tímabilið á eftir var hins vegar allt annað
uppi á teningnum og raðaði Heiðar inn mörkunum – skoraði
sextán deildarmörk. Eftir það var ljóst að Dalvíkingurinn
var aldeilis ekki á leið aftur til Íslands með skottið á milli
fótanna, heldur upphófst langur og farsæll atvinnumanna-
ferill sem spannar fimmtán ár.
Auk Lillestrøm lék Heiðar með Í ensku deildinni með
liðunum Watford, Fulham, Bolton Wanderers, Queens Park
ViðTal
Ægir Þór Eysteinsson
L @aegireysteins
„Eftir það var ljóst að
Dalvíkingur inn var aldeilis
ekki á leið aftur til Íslands
með skottið á milli fótanna,
heldur upphófst langur og
farsæll atvinnumannaferill
sem spannar fimmtán ár.“