Kjarninn - 22.05.2014, Blaðsíða 92
06/06 fóTbolTi
9. ausTurrÍki – 1934
Wunderteam Hugo Meisl
Austurríkismenn hafa hvorki verið þekktir fyrir góða
né fallega knattspyrnu síðustu áratugi en á milli-
stríðsárunum var annað uppi á teningnum. Liðið var
búið til af Hugo Meisl þjálfara, sem tók við árið 1912,
á tímum austurrísk-ungverska keisaradæmisins,
og stýrði því í aldarfjórðung. Liðið fékk viðurnefnið
Wunderteam og hápunktur velgengni þess var á
upphafsárum fjórða áratugarins. Austurríkismenn
spiluðu öflugan sóknarbolta og unnu marga stóra
sigra á stórveldum Evrópu, svo sem 6-0 sigur á
Þjóðverjum og 8-2 sigur á Ungverjum. Þeir þóttu
því sigurstranglegastir fyrir heimsmeistaramótið á
Ítalíu 1934. Stjarna liðsins var framherjinn Matthias
Sindelar, kallaður Der Papierene (pappírsmaðurinn),
sem lék með Austria Wien. Af öðrum ber helst að
nefna miðjumanninn Josef Smistik og framherjann
Johann Horvath. Allir leikmenn landsliðsins spiluðu
með félagsliðum frá höfuðborginni Vín. Liðið byrjaði
vel á mótinu, sem var án riðlakeppni, og slógu út
Frakka og Ungverja en tap gegn gestgjöfum Ítala í
undanúrslitum gerði titilvonir þeirra að engu. Fjórum
árum seinna var Austurríki innlimað í Þýskaland og
Wunderteam leyst upp. Sindelar neitaði að spila fyrir
þýska landsliðið og fannst hann látinn á heimili sínu
ári eftir innlimunina.
10. argenTÍna – 2006
WU¼OHJWVSLO¯D²GUDJDQGDPDUNV
Cambiasso gegn Serbum
Argentínumenn eru ávallt eitt af sigurstranglegustu
liðunum fyrir fram og 2006 liðið þótti einstaklega
vel mannað. Liðið var byggt í kringum Juan Román
Riquelme, miðjumann Villarreal, sem stýrði sóknar-
leiknum eins og herforingi. Fyrir framan hann
spiluðu Hernán Crespo og Javier Saviola og til vara
ungstirnin Carlos Tevez og Lionel nokkur Messi.
Valencia-leikmaðurinn Roberto Ayala stýrði vörninni
og einn besti leikmaður liðsins, Javier Mascherano,
batt saman vörn og miðju. Þjálfarinn José Pekerman
var með afbragðslið í höndunum sem hefði átt að
fara miklu lengra en það gerði. Argentínumenn lentu
í svokölluðum dauðariðli sem þeir áttu þó ekki í
miklum erfiðleikum með að toppa. Helst ber að nefna
6-0 sigur á sterku varnarliði Serba. Eftir 2-1 sigur á
Mexíkóum í 16 liða úrslitum var síðan komið að gest-
gjöfunum Þjóðverjum. Argentínumenn yfirspiluðu
heimamenn og leiddu leikinn allt þar til að Pekerman
tók eina óskiljanlegustu ákvörðun HM-sögunnar, þ.e.
hann tók Riquelme og Crespo af velli og bakkaði með
liðið. Þjóðverjar jöfnuðu í kjölfarið og unnu síðan í
vítaspyrnukeppni. Svo sárir og reiðir voru Argentínu-
menn að slagsmál brutust út eftir leikinn. Jafnvel
óskiljanlegri hlutur gerðist svo eftir mótið þegar tveir
af efnilegustu leikmönnum heims, Mascherano og
Tevez, skrifuðu undir samning hjá West Ham United.