Innsýn - 01.03.1987, Blaðsíða 17

Hefur þú hugleitt
hvernig lífið væri ef það
væri engin tónlist. Engir
tónleikar, engar plötur,
engin kirkjutónlist, engin
hljóðfæri og þar af
leiðandi ekkert áhugamál
sem héti tónlist.
Tónlist gegnir miklu
hlutverki í lífi hvers
manns frá frumstæðustu
ættbálkum í Afríku til
okkar menntaða þjóðfélags
á íslandi. Jafnvel
heyrnarlausir geta líka
orðið fyrii1 áhrifum og
fundið fyrir tónlist.
Enginn getur útilokað sig
frá tónlistinni.
Til eru mismunandi
tegundir tónlistar en það
er mjög persónubundið
hvaða tegund tónlistar
maður hlustar á eða hefur
áhuga á. Tónlist er mjög
einstaklingsbundin og sú
tónlist sem ég hef áhuga á
getur næsta manni fundist
alveg hræðileg. En það er
samt hægt að dæma gæði
tónlistar með þeim
mælikvarða hvaða áhrif hún
hefur á fólk.
Tónlist hefur bæði
áhrif á meðvitundina og
undirmeðvitundina. Þetta
hafa nokkrir tónlistar-
menn notfært sér með svo
kölluðum aftur á bak
skilaboðum. Þú heyrir ekki
þessi skilaboð þegar þú
spilar lagið á venjulegan
hátt en undirmeðvitundin
nær þessu og fær þessi
skilaboð en þau eru
mismunandi skýr. Þetta
fylgir einna helst
þungarokkinu og þeirri
tegund tónlistar þar sem
hljómgæðin eru mjög slæm.
Hefur sú tónlist oft verið
flokkuð undir slæma eða
hættulega tónlist því að
eins og maður sem lengi
hefur rannsakað tónlist
sagði" það er erfiðara að
M
I
T
T
S
T
Æ
R
S
T
A
A
M
/
A
L
TÓNLISTIN
fá þungarokkara til að
hætta að hlusta á þá
tónlist en að venja
eiturlyfjasjúkling af
eiturlyfjum....".
Þungarokkið er ekki
eina tegund tónlistar sem
hefur áhrif á meðvitund
fólksins. Öll tónlist
hefur áhrif á hug manns-
ins.
Lítum á hve tónlist
hefur mikið að segja í
kvikmyndum. Hugur fólks
sem ekkert vit hefur á
tónlist stjórnast algjör-
lega af henni. Tónlist
getur gert mann æstan eða
afslappaðan og finni maður
veikasta punktinn í
tónlist hjá fólki getur
maður prédikað hvað sem
er.
Margar rannsóknir hafa
verið gerðar með tónlist
og hefur það komið í ljós
að ef rétt tónlist er
spiluð á veitingastöðum þá
finnst fólkinu maturinn
betri. Þannig hefur
tónlistin áhrif á smekk
mannsins. Einnig eykst
salan í búðum ef tónlist
er spiluð, þannig hefur
hún áhrif á ákvarðanir
hans. Hænur verpa meira og
kýr mjólka betur ef
tónlist er spiluð og með
tónlist í bíl tekur
bílstjóri meiri áhættur.
Af þessu sér maður að
tónlistin hefur bæði góð
og slæm áhrif á fólk. Á
okkar tímum er mikið
framboð af alls konar
tónlist. Með það til
hliðsjónar hve tónlist
hefur mikil áhrif á
ákvarðanir okkar og
tilfinningar verðum við að
reyna að velja þá tónlist
sem byggir okkur upp og
hefur góð áhrif á líf
okkar þannig að við getum
tekið okkar sjálfstæðu
ákvarðanir en ekki þær
ákvarðanir sem einhver
rokkari úti í heimi vill
að við tökum.
Tónlistin hefur verið
til frá upphafi og mun
halda áfram að vera til
þar sem líkami okkar er
þannig byggður, með
hrynjanda í sér eða takt.
Það er engin leið til að
útiloka sig frá tónlist,
þannig að maður verður að
læra að lifa með henni.
Tónlistin hefur gefið
mér mjög mikið og gæti ég
engan veginn hugsað mér
lífið án tónlistar.
Harpa Theodórsdóttir.
Innsýn l.tbl. 1987
17