Innsýn - 01.03.1987, Blaðsíða 23
AD REYNA
ADGERA
I»AD ÓMÖGULEGA
Sem barn átti ég bókina
"Ævintýri Munchhaussens".
í bókinni ’ segir þýski
baróninn Munchhaussen frá
ævintýrum sem hann lendir
í og hvernig hann bjargar
sér úr allskonar erfið-
leikum með skringilegum
hætti. Við hlógum að
þessum sögum og vissum að
slíkt gæti alls ekki gerst
í rauninni. í einni
sögunni segir hann frá
því, þegar hann var á ferð
eftir þjóðveginum á
hestinum sínum. Þar sem
hann var á hraðferð stytti
hann sér leið yfir akur,
en kom þá að stórum
skurði. Hann hvatti hest
sinn til að stökkva yfir,
en stökkið mistókst og
endaði á leðjubotni
skurðsins. Nú var úr vöndu
að ráða. Munchhauser var,
að hætti aðalsmanna síns
tíma, með hárið fléttað í
hnakkanum. Hann þrýsti nú
fótum sínum fast að síðum
hestsins, greip fast í
hárfléttuna sína og togaði
og togaði og lyfti þannig
bæði sjálfum sér og
hestinum upp úr skurðinum!
Dafnvel við börnin
gátum séð hversu fáranlegt
þetta var, en þetta er
eiginlega það sama og við
gerum sjálf, þegar við
reynum að frelsa okkur
sjálf með eigin verkum og
athöfnum, þegar við höldum
að við af sjálfsdáðum
getum lyft okkur upp úr
syndafeninu upp í paradís.
Eða eins og ég heyrði það
orðað í morgunbæn norska
útvarpsins um daginn.
"Enginn getur komist inn í
himnaríki fyrir eigin
tilverknað. Þú getur reynt
að stökkva, en þótt þú
gætir stokkið 12 metra upp
í loftið, værir þú samt
ekki nær himninum en sá
sem stykki 2 metra.
Réttlæti öðlumst við
ekki nema fyrir náð Guðs
og kraft öesú Krists.
Sigríður Níelsdóttir.
Innsýn l.tbl. 1987
23