Hagtíðindi - 01.09.1955, Blaðsíða 7
1955
H A G,T I Ð I N D 1
103
enda auk c.i.f. verðsins og áætlun gerð um flutningsgjald og vátryggingu. Vísast
hér til greinargerðar um tilhögun verzlunarskýrslnanna 1951 í inngangi þeirra.
Afleiðingin af því, að innflutningurinn er tahnn á f.o.b. verði í stað c.i.f. verðs,
er sú, að til tekna á flutningsliðunum eru eingöngu talin farmgjöld íslenzkra skipa
af útfluttum vörum og flutningi milli erlendra hafna, og til gjalda farmgjöld af
vörum, fluttum til landsins á erlendum skipum.
Útflutningurinn er talinn á söluverði afurða, fluttra í skip (f.o.b.) á þeirri höfn,
er þær fara fyrst frá. Til þess að fá sambærilegt verð á ísfisk, sem fluttur er af fiski-
miðunum með íslenzkum skipum til sölu í erlendum höfnum, er dreginn frá söluverði
hans innflutningstollur og áætlaður sölukostnaður erlendis, og auk þess áætluð upp-
hæð á tonn fyrir flutningskostnaði, 350 kr. fyrir ísfisk seldan í Þýzkalandi. Þessi
flutningskostnaður telst svo til tekna í liðnum farmgjöld íslenzkra skipa í milli-
landaflutningum (15). Sama gildir um saltfisk, sem fluttur er með íslenzkum tog-
urum af miðunum til sölu erlendis. Frá söluverði hans er dreginn sölukostnaður og
flutningskostnaður, áætlaður eftir flutningsgjöldum skipafélaganna.
Aðalþættirnir í liðnum ferða- og dvalarkostnaður (3) eru námskostnaður 10,7
millj. kr. og almennur ferða- og dvalarkostnaður 10,2 millj. kr. Síðari upphæðin er
gjaldeyrissala gegn leyfum gjaldeyrisyfirvalda, og fer því auðvitað fjarri, að þar séu
öll kurl komin til grafar. Við áætlun á tekjum af erlendum ferðamönnum (14) hefur
nær eingöngu verið stuðzt við það, sem skilað hefur verið til bankanna af ferða-
mannag j al deyri.
Farmgjaldatekjur íslenzkra skipa í millilandaflutningum (15) hafa verið taldar
þessar:
1953 1954
millj. kr. millj. kr.
Af útflutningi ísfisks..................................................... 0,2 3,4
„ útflutningi saltfísks ................................................... 0,4 0,3
,, öðrum útflutningi ...................................................... 38,1 46,8
,, öðrum flutningi (aðallega vegna Keflavíkurflugvallar) ................... 7,9 0,7
Samtals 46,6 51,2
Helztu vaxtatekjur í erlendum gjaldeyri (24) eru vextir af erlendum verð-
bréfum í eign Landsbankans, og vaxtagjöld (9) vextir af erlendum lánum og lausa-
skuldum bankanna.
Fyrir utan kostnað við rekstur sendiráða og ræðismannsskrifstofa erlendis (10)
er innifalinn í liðnum kostnaður við opinberan erindrekstur erlendis svo og fram-
lög til alþjóðastofnana.
Tekjur vegna varnarliðs (26) eru gjaldeyristekjur af olíusölu til bandaríska
varnarliðsins, tekjur vegna byggingarstarfsemi fyrir liðið og vegna annarra út-
gjalda þess hér á landi. Innflutningur olíu og byggingarefnis, sem selt er varnar-
liðinu, er færður í gjaldalið 2.
Ýmisleg útgjöld og tekjur (12 og 28) eru aðallega umboðslaun, afgreiðslu-
þóknun, greiðslur fyrir tækniþjónustu o. þ. h.
B. Gjafarfé.
Liðurinn gjafarfé í dollurum (1) er framlag frá þeirri stofnun Bandaríkja-
stjórnar, er lætur öðrum ríkjum fjárhagsaðstoð í té. Gjafarfé móttekið 1954 nam
766 þús. dollurum (12,5 rnillj. kr.).