Nýtt S.O.S. - 01.01.1961, Blaðsíða 28

Flying Enterprise."
Klukkan 3,20 sendir Dexterous til Turmoil:
„Ætlið þér að fara fyrstur að hinu sökkvandi
skipi?“
Turmoil svarar:
„Já, þér komið á eftir okkur.“
Klukkan 3,22 sendir Turmoil eftirfarandi til
Willard Keith og Dexterous:
„Carlsen skipstjóri og Dancy hafa kastað sér
útbyrðis. Þeir eru núna í sjónum. Við förum
nær til þess að ná þeim upp.“
Klukkan 3,27 sendir Turmoil til Willard
Keith:
„Við höfum þá! Báða! Þeir voru hérumbil
5V2 mínútu í sjónum. Við náðum fyrst í Carl-
sen, svo Dancy."
Willard Keith svarar:
„Ágætt! Þurfið þér á læknishjálp að halda?
Ef nauðsynlegt, getum við sent lækni.“
Turmoil:
„Þökk fyrir, en það er ekki nauðsynlegt. Við
höldum nú rakleitt til Falmouth. Eg geri ráð
fyrir, að við verðum komnir þangað í kvöld
klukkan 8—9.“
Klukkan 3,30 sendir Willard Keith eftirfar-
andi fregn:
„Hér er Willard Keith! Willard Keith! Tur-
moil hefur bjargað Carlsen og Dancy. Þeir eru
þar um borð og líður vel.“
Klukkan 3,31 sendir Lands End til Willard
Keith:
„Við óskum ykkur öllum til hamingju! Þetta
var vel af sér vikið! Til hamingju!“
Willard Keith svarar:
„Við erum líka mjög glaðir yfir því, að
björgunin tókst svo vel. Húrra!“
Klukkan 3,32 sendir Turmoil þessa frétt til
Willard Keith:
„Öllu lauslegu á þilfari Flying Enterprise
skolar nú fyrir borð. Nú leggst siglutréð í sjó-
inn. Hafrót er allmikið."
Klukkan 3,33 sendir Tunnoil:
„Enterprise er í þann veginn að sökkva, aft
urhlutinn fer á undan. Verður ekki lengi ofan-
sjávar úr þessu.“
Klukkan 3,40 sendir Dexterous til Willard
Keith:
„Framstafninn er enn upp úr sjó.“
28 --------- NÝTT SOS
Klukkan 4,07 sendir Turmoil enn:
„Nú sést ekkert nema reykháfurinn. Bíðum
við! Afturlyftingin kemur enn einu sinni upp
úr sjónum. Nú er hún horfin, en framstafninn
rís enn hátt upp úr sjó.“
Klukkan 4,11 sendir Willard Keitli:
„Flying Enterprise hefur nú sokkið. Nú sést
ekkert lengur til skipsins.“
Klukkan 4,15 sendir svo Willard Keith loka-
skeytið til skipstjóra og áhafnar Turmoil:
„Þér hafið áunnið yður virðingu og aðdá-
un fyrir björgunartilraunir yðar og framúr-
skarandi sjómennskuhæfileika, sem þér hafið
greinilega sýnt, að þér eruð gæddur. Við von-
umst til, að geta heilsað upp á yður í Fal-
mouth.“
Turmoil svarar:
„Við þökkum!"
Þetta voru þá endalokin.
Áhöfn Turmoil stendur á þilfarinu og þar
ríkir djúp þögn. Carlsen horfir á skip sitt hverfa
í djúpið og drúpir höfði.
• Hann sá þó ekki það allra síðasta, er skip
hans hvarf í öldurnar.
Hann hafði áður gengið undir þiljur.
*
Hvað kostaði björgunartilraunin við Flying
Enterprise?
Björgun Carlsens skipstjóra og Dancys, svo
og tilraunin til þess að draga Flying Enterprise
til hafnar, hefur samkvæmt umsögn skipafélags-
ins Isbrandtsens í New York, kostað um eina
milljón dollara. Gæzlustarf tundurspillanna
Jolin W. Weeks og Willard Keith kostaði sem
næst 60.000 dollara. Kostnaður við úthald drátt
arskipsins Turmoil nam á dag 250 sterlings-
pundum. Þar við bætist kostnaður dráttarskip-
anna Dexterous og Abeille 25. Þó var ekki
skylt að greiða hinum síðarnefnda neitt, nema
um það væri sérstaklega samið við eigendur.
Þá var greiddur allur biðkostnaður þeirra
skipa, sem björguðu áhöfn Flying Enterprise
og farþegum. Ennfremur allur kostnaður við
skeytasendingar og símtöl o. m. fl.
Tryggingamiðstöðin í New York greiddi út-
gerðinni 612000 dollara vegna taps skipsins.
Önnur tryggingafélög hækkuðu upphæðina í
800000 dollara eða 64% tryggingafjárins.