Nýtt S.O.S. - 01.02.1961, Blaðsíða 19

þessa skips komst á forsíður heimsblaðanna og
frá því var sagt í útvarpi víða um heim. Þetta
skeði 26. apríl 1952, er Wasp rakst á ameríska
tundurspillinn „Hobson“ úti á Atlantshafi.
Tundurspillirinn, sem sigldi stjórnborðsmeg-
in, skar allt í einu stefnu flugvélamóðurskips-
ins. Um orsakir þess vissi enginn, enda var
þetta bæði furðulegt og óútskýranlegt frá sjón-
armiði sjómanna. Tundurspillirinn lenti í einu
vetfangi fyrir stefni flugvélamóðurskipsins. Það
skipti engum togum, að flug\rélaskipið skar
tundurspillinn í tvo hluta með hnífskörpu
stefni sínu og partarnir báðir sukku á ör-
skammri stundu, en 176 menn drukknuðu.
Við birtum skýrslu manns á tundurspillin-
um „O’Hare", sem kom á slysstaðinn skömmu
eftir áreksturinn. Þessi frásögn hefur verið birt
í blöðum um allan heim:
Sjórinn var þakinn hlutum úr tundurspill-
inum og björgunarbeltum, sem skoppuðu á
öldunum. Víða mátti sjá stóra olíubletti. Lík
undirliðsforingja var þarna á floti.
Þannig var umhorfs á slysstaðnum, þegar við
komum þangað á O’Hare. Tundurspillirinn
Hobson hafði sokkið þarna fyrir örskammri
stundu.
Þetta var óskiljanlegur harmleikur.
Við dauft stjörnuskin á svörtum himni gerð-
ist þessi harmleikur á örfáum mínútum. Lang-
flestir skipverja á Hobson voru undir þiljum,
þegar ósköpin dundu yfir. Margir þeirra voru
í fyrsta sinn á ævinni til sjós. Það lítur út fyr-
ir, að þeim hafi ekki einu sinni gefizt tóm til
að hlaupa út á ganginn, sem lá upp á þilfarið.
Hjá okkur kvað við hættumerki þegar við
vorum um það bil í 50 sjómílna fjarlægð frá
Hobson. Síðustu flugvélarnar voru ekki lentar
á Wasp, þegar ferlíkið rakst á Hobson. Wasp
klauf tundurspillinn í tvo parta, en tuttugu og
fimm metra löng rifa kom á flugvélamóðurskip-
ið yfir sjávarborði.
Þegar við komum á þennan hryllilega slys-
stað, var þegar ljóskösturum beint á slyssvæð-
ið og þeir vörpuðu á það draugalegri birtu.
Úti við borðstokkinn stóðu skipverjar allir í
olíufötum. Allskonar björgunartæki voru til
reiðu: Hakar, kastlínur, björgunarbelti og ljós-
kastarar.
Hafið var uppljómað Ijósum. Við námum
staðar. Tuttugu og fimm af áhöfn okkar buð-
ust til að varpa sér til sunds. Þeir vildu freista
þess að leita skipbrotsmanna.
Skipherrann bannaði þetta, taldi það allt of
hættulegt.
Allt í kring var fljótandi brak úr Hobson,
allt sem flotið gat, var dreift um slysstaðinn:
NÝTT SOS --- 19