Nýtt S.O.S. - 01.03.1961, Blaðsíða 29
á háhæluðum skónum. Það eru ekki minna en
sex eða átta kílómetrar. En hér hefurðu ekkert
að óttast, þar sem bílarnir eru alltaf á ferð-
inni framhjá.“
„Gætum við ekki — reynt að fá einhvern
til að taka okkur upp í?“ spurði Lára hvíslandi.
En henni var sjálfri ljóst, hversu kjánaleg þessi
hugmynd var. Á bílabrautunum stoppuðu menn
ekki á þessum tíma til að taka fólk upp. Þar
var hraðinn alltof mikill til að nema skyndi-
lega staðar.
Og það sama sagði Tom. „Ekki einu sinni
köttur mundi veita þér athygli. Það væri ekki
nema ef umferðalögreglu bæri að og spyrði
hvort eitthvað væri að.“ Hann klappaði hönd
hennar. „Eg skal flýta mér allt hvað ég get.“
Hún sá að hann beið eftir hléi á umferðinni,
svo þaut hann yfir brautina út á grasbekkinn.
Hún sá á því hvernig hann gekk, að það mundi
ekki vera þægilegt að ganga þarna. Hún hefði
ekkert komizt á hælaháu skónum. Það var sýni-
legt á ljósum bílanna, að vegurinn lá niður-
ávið. Tom hefði getað sparað dálítinn spö
með því að láta bílinn renna sjálfkrafa.
Hún hafði aldrei í Iífi sínu verið jafn ein-
mana og nú, eftir að Tom var farinn. Nokkr-
um metrum burtu runnu bílarnir framhjá í
endalausri röð, en hún vissi, að enginn skipti
sér af bíl, sem stóð út á vegarbrún. Hún hafði
aldrei sjálf gert það, aðrir gerðu það ekki frek-
ar en hún.
Tom hafði dregið niður í útvarpinu. Nú
var dauf músíkin rofin af rödd, sem sagði. „Við
grípum andartak inn í til þess að útvarpa sér-
stakri tilkynningu. Lögreglan hefur rannsakað
bílinn, sem Denny Holtz fannst dauður í, fjóra
kílómetra frá Littleton. Þar er um morð að
ræða. Holtz hefur látizt samstundis af skoti,
sennilega hefur skotið komið frá bíl, sem fór
fram hjá. Þar sem sýnilega enginn hefur séð,
þegar morðið var framið, getur lögreglan enga
lýsingu gefið á morðingjunum eða bíl þeirra,
en þar sem átti að koma fram sem vitni í Kin-
nilk-málinu, bendir það til----“
Lára lokaði skyndilega fyrir útvarpið. Þetta
var ekki mál, sem henni kom við, það tilheyrði
heimi afbrotamannanna, sem fólk las öðruhvoru
um í blöðunum. Fyrst hafði Kinnilk verið
myrtur og nú Holtz, af því að hann vissi of
mikið um mennina fjóra, sem sézt höfðu í sam-
bandi við Kinnilk-morðið . . .
Fjórir menn . . . Littleton . . . Lára starði
stíft fram fyrir sig. Grái bíllinn hafði komið frá
Littleton! Mennirnir fjórir, með hörðu svip-
lausu augun, höfðu starað á Tom, þegar hann
skrifaði niður bílnúmerið þeirra og heimilis-
fang. Ef bréf, sem sent væri til heimilisfangs-
ins yrði endursent til Tom, gæti það orðið
þeim hættulegt. Ef þessir menn hefðu myrt
Holtz yrði fjarverusönnun þeirra eyðilögð um
leið og lögreglan hefði númer bílsins. Þetta
gæti þýtt dauðadóm yfir þeim. Ef þeir höfðu
drepið Holtz af því að hann var þeim hættu-
legur, hvað þá með Tom?
Smellurinn, sem þau höfðu heyrt, hún og
Tom, þýddi það að . . .? Holtz hafði verið skot-
inn úr bíl, sem fór fram hjá. Þegar langferða-
bíllinn fór fram hjá þeim hafði bíll verið fast
á eftir þeim með sterkum ljósum. Þá heyrðist
smellurinn, og bíllinn dróst afturúr og lét aðra;
bíla komast fram fyrir. Ef þetta var nú þannig,
ef þetta hafði verið grái bíllinn, hafði hann
fylgt þeim eftir . . .
Lára hafði ekki hugsað hugsunina til enda,
er hún kom auga á gráa bílinn á akbrautinni,
greinilega upplýstan frá bílum, sem á eftir
komu. Hún fékk hjartslátt, þegar hun sá hann
þjóta fram hjá og aka yfir á hægri vegarbrún,
þar sem hann hægði á sér, og rann svo hægt
áfram eftir hallandi veginum. Síðasta sem hún
sá af honum var rauða ljósið, sem lýsti í myrkr-
inu eins og hættumerki um leið og hann nam
staðar.
Fóru mennirnir út? Voru þeir að læðast að
henni í skjóli myrkursins? Nei, þetta var brjál-
æði, hún mátti ekki missa stjórn á sér! Skammt
frá óku bílar fram hjá, og í þeim öllum voru
menn — velviljað fólk . . .
Skynsamlegast væri að líta eftir, hvort gat
væri á benzíngeyminum eftir byssukúlu, full-
vissa sig um, að þetta væri ekkert annað en í-
myndun. Með erfiðismunum fékk hún opnað
hurðina og skreiðst út úr bílnum. Hún varð
að styðja sig við aurbrettið meðan hún beið
þess að sterk ljós frá einhverjum bílnum lýstu
á benzíngeyminn. Þegar það kom var eins og
NÝTT SOS ------------- 29