Stormur - 29.02.1936, Blaðsíða 2
2
STORMUR
------—----------------------3---------ter
vóða, einungis vegna öfundar og haturs til andstæðinga
sinna.
Ekkert heyrist. nú talað um dulskeytamálið og eru
stjórnarvöldin steinhætt að minnast á það. Búast menn
eins vel við, að það sé algerlega úr sögunni og geta þá
allir ráðið í hvað valda muni.
Fullkomin þögn ríkir nú líka um mjólkurmálið, og
þykir mörgum einkennilegt. Voru sumir menn farnir
að halda það, þegar bændur voru sem skeleggastir fyrir
jólin í máli þessu, að þeir myndu koma með hunda sína
til höfuðstaðarins upp úr nýárinu og skjóta Hermanni
með þeim skelk í bringu, ef hann léti ekki að óskum
þeirra og hætti að skattlpggja þá um tugi og hundruð
þúsunda króna til hagsmuna fyrir sósíalista. — Er nú
líkast því, sem annað hvort bændunum eða hundunum
hafi fallist hugur — líklega minst riffilsins og ekki viljað
eiga á hættunni að fá sömu útreið sem æðarkollan.
Þetta verður þú að láta þér nægja að sinni.
Vertu bless.
Þinn einlægur
Jeremías.
Seðíahvarfíð í
Landsbankantím.
Útaf grein, sem birtist í síðasta tbl. Storms, með þessari
fyrirsögn, hefir hr. A. J. Johnson bankagjaldkeri óskað,
að eftirfarandi væri tekið fram:
1. Að hann hafi alls ekki viiað að lykill Sigurðar Sig-
urðssonar gekk að sínum kassa, fyr en eftir að 2000 ,
krónur hurfu úr honum.
2. Að sú frásögn í fyrnefndri grein Storms, að hann telji
„sjaldar," í kassanum að morgni, sé algerlega röng,
því að hfinn hafi ætíð haft það fyrir reglu, að telja í
honum að morgni, a. m. k. það af sjóðnum, sem hann
ætli að fara að not,a strax, en svo var einmitt um
búritið, sem þessar 2000 kr. hurfu úr.
3. Að hann hafi ekki vitað hver fór með kassa hans nið-
ur í það skiftið, sem hvarfið átti sér stað, fyr en eftir
að hann hafði talið í kassanum um morguninn, og til-
kynt hvarfið aðalgjaldkeranum, hr. Jóni Halldórssyni.
Útaf þessum athugasemdum gjaldkerans, sem snerta
afstöðu hans til málsins all-verulega, vill Stormur taka
það fram, að í áminstri grein var það skýrt tekið fram,
að frásögn blaðsins styddist við ómótmæltar greinar dag-
blaðanna um málið, bæði af sjálfum rannsóknardómar-
anum og þeim er hlut áttu að máli, og yrðu því að teljast
réttar. Nú hafði Morgunblaðið sagt viðvíkjandi fyrsta at-
riðinu að A. J. Johnson hefði ásamt aðalgjaldkera og
Sveini Þórðarsyni vitað, að lykill Sveins, sem seinna varð
lykill Sigurðar, gekk að kassa A. J. Johnson. Þessi frá-
sögn stóð marga daga óleiðrétt í blaðinu og efaðist því
Stormur ekki um, að hún hlyti að vera rétt. En eftir að
grein Storms var skrifuð, kemur svo leiðrétting í Mbl.
frá A. J. Johnson um að hann hafi ekki vitað, að þessi
lykill gekk að kassa hans og vitnar rannsóknardómarinn,
að þetta sé í samræmi við framburð A. J. Johnson fyrir
réttinum og bókunina á þeim framburði.
Um 2. atriðið, að það sé rangt, sem sagt er í Stormi,
að Johnson hafi ,,sjaldan“ talið í kassa sínum að morgni,
skal það tekið fram, að Stormur hafði þessa frásögn eftir
Alþýðublaðinu þriðjudaginn 11. febrúar s.l.
Þar stendur eftirfarandi klausa:
,,. . . . Morguninn eftir tók Johnson við kassa sín-
um og taldi aíf hendingu (auðk. hér) seðla í einu
búntinu og vantaði þá í það 2000 kr.“
Þegar sá, er þetta ritar, skrifaði greinina í Storm, hafði
jSU i. 4v*
hann ekki umrætt Alþýðublað við hendina, en mundi orð
blaðsins ekki‘orðrétt, en hinsvegar glögt hvað í þeim
fólst. — 1 frásqgn Storms var þetta orðað svo:
„Um morguninn er Johnson tekur við kassa sínum
kemur það svo einhvern veginn að honum, að telja
aftur í kassanum, sem hann þó gerði sjaldan, og
þá verður hann þess var, að 2000 kr. eru farnar. .“
Eins og allir sjá, er hér lítill eða jafnvel enginn efnis-
munur á frásögninni, þótt orðalagið sé annað. Orðin „af
hendingu“ í Alþýðublaðinu, verða ekki skilin öðruvísi en
svo, að það hafi verið algerlega óvanalegt, að Johnson
taldi í kassa sínum þenna morgun, og því er orðalag
^greinarinnar í Stormi í fullu samræmi við þetta og alls
ekki sterkara nema ef síður væri, því að í orðinu „sjald-
an“ felst þó, að ekki hafi verið um hreina undantekn-
ingu að ræða en í orðunum „af hendingu“ felst, að hér
hafi verið um hreina undantekningu að ræða. — A. J.
Johnson tjáir Stormi, að hann hafi strax og hann sá þessa
frásögn í Alþbl. símað til ritstjóra þess Finnb. R. Valdi-
marssonar og beðið hann að leiðrétta þessa frásögn, sem
væri röng, þareð hann teldi altaf í kassa sinn að morgni,
og hafi ritstjórinn lofað sér þessu, en sú leiðrétting hafi
aldrei komið. — Er þetta í raun og veru eina ati’iðið af
þessum þremur, sem Storm varðar, því að á hin atriðin
mintist hann ekkert í fyrnefndri grein. — En það munu
allir sjá eftir þessa greinargerð, að Stormur hafði í engu
hallað málstað A. J. Johnson, því að hann flutti ekkert
annað en það, sem að efni til var samhljóða því, sem
staðið hafði þá ómótmælt í dagblöðunum í marga daga.
En því er ekki að leyna að það er mjög vítavert hjá dag-
blöðunum að greina ekki rétt frá mikilsverðum atriðum
í rannsókn sakamála, og það virðist ótvíræð skylda rann-
sóknardómarans að fylgjast með því, sem blöðin birta í
þessu efni og leiðrétta, ef rangt er meðfarið um atriði,
sem mikið getur á oltið.
H. f. Eimskipafélag íslands.
Aðalfundur
Aðalfundur Hlutafélagsins Eimskipafélags Islandsverð-
ur haldinn í Kaupþingssalnum í húsi félagsins í Reykja-
vík, laugardaginn 20. júní 1936 og hefst kl. 1 e. h.
DAGSKRÁ:
I. Stjórn félagsins skýrir frá hag þess og framkvæmdum
á liðnu starfsári, og frá starfstilhöguninni á yfirstand-
andi ári, og ástæðum fyrir henni, og leggur fram til
úrskurðar endurskoðaða rekstursreikninga til 31. des.
1935 og efnahagsreikning með athugasemdum end-
urskoðenda, svörum stjórnarinnar og tillögum til úr-
skurðar frá endurskoðendupi.
2. Tekin ákvörðun um tillögur stjórnarinnar um skift-
ingu ársarðsins.
3. Kosning fjögra manna í stjórn félagsins, í stað þeirra,
se múr ganga samkvæmt félagslögunum,
4. Kosning eins endurskoðanda í stað þess er frá fer, og
eins varaendurskoðanda.
5. Umræður og atkvæðagreiðsla um önnur mál, sem upp
kunna að verða borin.
Þeir einir geta sótt fundinn, sem hafa aðgöngumiða.
Aðgöngumiðar að fundinum verða afhentir hluthöfum
og umboðsmönnum hluthafa á skrifstofu félagsins í
Reykjavík, dagana 16. og 18. júní næstk. Menn geta
fengið eyðublöð fyrir umboð til þess að sækja fundinn á
aðalskrifstofu félagsins í Reykjavík.
Reykjavík, 18. febrúar 1936.
Stjómin.