Stormur - 14.08.1936, Side 4

4
STORMUR
Rættist spá Styrbjörns, því að þeir Hrólfur og Styrbjörn
vágu Snæbjörn í för þessari, en síðar var Styrbjörn veginn
til hefnda fyrir víg Snæbjarnar og aðra atburði, sem gerð-
ust í þessari för þeirra til Gunnbjarnarskerja.
II.
I Gráskinnu III, sem þeir Sigurður Nordal prófessor og
Þórbergur Þórðarson rithöfundur gefa út, er saga, sem heit-
ir Reimleikinn við Hallbjarnarvörður, og er sögð af Krist-
leifi fræðimanni Þorsteinssyni á Stóra-Kroppi. Saga þessi
snertir atburð þann, sem sagt er frá hér að framan, og fara
því hér á eftir aðalatriðin úr frásögn Kristleifs:
Rétt fyrir miðja 19. öldina fór íaðir hans, Þorsteinn Jak-
obsson bóndi á Húsafelli til Reykjavíkur. Var það að haust-
lagi í 23. viku sumars, var sú vika nefnd suðurferðarvika,
því að borgfirskir bændur voru þá í haustlestaferðum. Með
Þorsteini voru í för þessari Hannes Sigurðsson bóndi á
Stóra-Ási og Samson Jónsson á Rauðsgili.
Er þeir félagar voru á heimleiðinni tóku þeir sér náttstað
skamt frá Hallbjarnarvörðum. Veður var þurt og kyrt, en
þykt loft og svartamyrkur. Þeir félagar sofnuðu allir fljótt.
Um nóttina vöknuðu þeir Þorsteinn og Hannes og brá þá
heldur en ekki í brún, því að Samson var horfinn úr tjaldinu.
Þeir fara að leita hans, en verða hans hvergi varir. „En í
fjarska heyra þeir óljóst mannamál, sem virtist færast fjær
smátt og smátt“.
En það er af Samsoni að segja, að hann vaknar um nótt-
ina og þurfti að bregða sér út. „Sér hann þá hóp manna
koma norður veginn. Allir voru þeir á dökkum hestum. Þeir
benda honum að ganga á leið með sér, og gerir hann það.
Fylgir hann þeim og talar við þá, og verður þess þá eigi var,
að hann sé ekki í venjulegu ástandi. En þegar hann er kom-
inn á hæðina, þar sem Landnáma skýrir frá, að Hallbjörn
hafi fallið fyrir vopnum Snæbjarnar galta, þá hverfa reið-
mennirnir frá augum Samsonar“.
Kemst hann eftir nokkurn tíma heim til félaga sinna og
segir þeim fyrirburðinn. „En er hann hafði lokið sögu sinni,
' grípur hann svo uiikill ótti og skelfing, að hann skalf sem
strá í vindi. Sofnaði enginn þeirra félaga það sem eftir var
nætur“. Alt til morguns urðu þeir Þorsteinn og Hannes að
halda utan um Samson, annar um höfuðið, en hinn um fæt-
ur. En þegar birti, rann óttinn af honum.
Rúmum tuttugu árum eftir þenna fyrirburð var Björn
Þorsteinsson, bróðir Kristleifs, á ferð framhjá Hallbjarnar-
vörðum. Kom honum til hugar að leita eftir fornmenjum og
veltir þar um stórum steini. „Undir honum fann hann nokk-
ur mannabein. Lét hann þau óhreyfð og feldi steininn aft-
ur í sitt forna far“.
— Ekki er þeim, sem þetta ritar, kunnugt, hvort rannsókn
hefir farið þarna fram síðar.
III.
Landnáma er orðfá um þenna harmsöguleik, sem í mikil-
leik sínum minnir á harmsöguleiki Shakespeare. En einmitt
vegna þess rísa ótal spurningar í huga þess, sem frásögnina
les.
Var þessi kona, sem best hefir verið hærð á íslandi með
Hallgerði langbrók, nauðug gefin Hallbirni?
Var Snæbjörn galti með Tungu-Oddi aðeins vegna þess,
að þeir voru frændur, eða var það af því, að þau Hallgerð-
ur og Snæbjörn unnust?
Hversvegna veitti Tungu-Oddur sjálfur ekki Hallbirni eft-
irförina, eftir að hann hafði unnið það voðaverk að drepa
dóttur hans?
Tungu-Oddur var þó engin kveif og óvanur því að láta
aðra menn rétta hluta sinn.
Hversvegna kveður Od.dur svo sterkt að orði, er hann
sendir • boðin til Snæbjarnar, að hann kveðst hvergi fara
mundu? — Fanst honum, að Snæbirni stæði það næst að
hefna Hallgerðar?
i
Mótorar kraftmestir fást
Verzlun
Jóns Þórðarsonar
SJÓVÁTRYGGINGARFÉLAG
ÍSLANDS H.F.

Líftryggingardeild.

Og hvernig var svo þessi kona, sem hreyfðist ekki í sæt-
inu, þótt Hallbjörn snaraði hári hennar um hönd sér og kipti
í, og ekki mælti orð af vörum, þótt hann brygði sverðinu?
Enginn meðalmaður var þó Hallbjörn áð kröftum, skyld’
maður ætla, því að tvo menn drap hann af liði Snæbjarnar
eftir að hann var orðinn sár og vígmóður. Sýnist svo, seh1
þessi kona hafi haft fleira sér til ágætis en hárið, en hvert
af skáldum vorum vill eða getur klætt hana holdi og blóði?
— Konuna, sem maður hennar kvað um áður enn hann hjó
af henni höfuðið:

Bíða mun ek of brúði
(böl gerir mik fölvan;
snertumk harmr í hjarta
hrót) aldrigi bótir.
ísafoltíarprentsmiðja h.f.